~~~~~~~~⊰❂ unicode ❂⊱~~~~~~~~

တာချီလိတ်မြို့ ပုန်းထွန်ရပ်ကွက်ရှိ ငွေတောင်ဦး ကမ္မဋ္ဌာန်းကျောင်းတိုက် ငွေတောင်ဦးခြေတော်ရာပါဒ စေတီရင်ပြင်ပေါ်၌ (၄၂)ကြိမ်မြောက် ကဆုန်ညောင်ရေသွန်းပွဲအား ကဆုန်လပြည့် မေလ (၁၀)ရက်နေ့တွင် စည်ကားသိုက်မြိုက်စွာ ကျင်းပပြုလုပ်မည်ဖြစ်ရာ စတုဒိသာကျွေးမွေး လှူဒါန်းလိုသူများ အနဖြေင့် နေရာစနစ်တကျ ရရှိရေးအတွက် ကြိုတင်စာရင်းပေးသွင်းနိုင်ပြီဖြစ်ကြောင်း သိရသည်။

ညောင်ရေသွန်းလောင်းလှူပွဲ ကျင်းပမည့် ကုန်းတော်ပေါ်သို့ ကား/ဆိုင်ကယ်ဖြင့် ဖြစ်စေ၊ လမ်းလျှောက် လာကြသူများဖြစ်စေ အမောပြေနိုင်စေရန် ကုသိုလ်ရှင်များစွာတို့မှ စားစရာများနှင့် အအေးမျိုးစုံတို့ကို လှူဒါန်းကြမည်ဖြစ်သည်။
"ကျွန်တော်တို့ကတော့ နှစ်စဉ် သူငယ်ချင်းတွေနဲ့စုပြီး သွားလှူဖြစ်တယ်၊ ဒီနှစ်လည်း သွားလှူဖြစ်ဦးမယ်ဗျ"ဟု တာလော့ဈေးအတွင်းမှ စေတနာရှင် လူငယ်တစ်ဦးက ပြောသည်။

ငွေတောင်ဦး ကမ္မဋ္ဌာန်းကျောင်းတိုက်၏ (၄၂)ကြိမ်မြောက် ညောင်ရေသွန်းလောင်းလှူပွဲသို့ ရောက်ရှိလာမည့် ဧည့်ပရိသတ်များအား စတုဒိသာကျွေးမွေးလှူဒါန်းလိုသူ စေတနာရှင် အလှူရှင်များအနဖြေင့် သတ်မှတ်နေရာ ရရှိရေးအတွက် တာချီလိတ်မြို့၊ ပုန်းထွန်ရပ်ကွက်ရှိ ငွေတောင်ဦးကမ္မဋ္ဌာန်းကျောင်းတိုက် နှင့် ဘုရင့်နောင်ရင်ပြင်ရှေ့ရှိ ဗယ်လင်တိုင်း ကဖေးနှင့်အအေး စားသောက်ဆိုင်အပြင်ေဝယျာဝစ္စအဖွဲ့ဝင်များထံတွင်လည်း စာရင်းပေးသွင်းနိုင်မှာ ဖြစ်ကြောင်း သိရသည်။
အစီအစဉ်

( ၁ ) ၁၀-၅-၂၀၁၇ ဗုဒ္ဓဟူးနေ့၊ နံနက် ( ၇ )နာရီအချိန်တွင် မဟာဗောဓိရွှေညောင်ပင်အား ပန်း၊ ဆီမီး၊ အမွှေးနံ့သာတို့ဖြင့် သွန်းလောင်းပူဇော်ခြင်း။
( ၂ ) ၁၀-၅-၂၀၁၇ ဗုဒ္ဓဟူးနေ့၊ နံနက် ( ၁၀ )နာရီအချိန်တွင် ဘုရားအမှူးရှိသော သံဃာတော်အရှင်မြတ်တို့အား နေ့ဆွမ်း ဆက်ကပ်လှူဒါန်းခြင်း။
( ၃ ) ၁၀-၅-၂၀၁၇ ဗုဒ္ဓဟူးနေ့၊ မွန်းတည့် ( ၁၂ )နာရီအချိန်တွင် ခြေတော်ရာဘုရား ဓမ္မာရုံသစ်ကြီးတွင် သံဃာတော် အရှင်သူမြတ်တို့ ဟောကြားတော်မူသော ပရိတ်တရားတော်၊
အနုမောဒနာ တရားတော်မြတ်တို့ကို အတူတကွ နာယူမှတ်သား၍ ရေစက်သွန်းချအမျှပေးဝခြေင်း။

( ၄ ) ၁၀-၅-၂၀၁၇ ဗုဒ္ဓဟူးနေ့၊ နေ့လယ်( ၁ )နာရီအချိန်တွင် ဘုရားအမှူးရှိသော သံဃာတော်အရှင်သူမြတ် ( ၁၀၈ )ပါးနှင့် သီလရှင် ( ၆၀ )ပါးတို့အား ဆွမ်းဆန်စိမ်းလောင်းလှူခြင်း။

ငွေတောင်ဦးကမ္မဋ္ဌာန်းကျောင်းတိုက်တွင် နှစ်စဉ်ကျင်းပ ပြုလုပ်လေ့ရှိသည့် ကဆုန်ညောင်ရေသွန်းလောင်း လှူပွဲတွင် စေတနာရှင် အလှူရှင်များမှ စတုဒိသာများ ကျွေးမွေးလှူဒါန်းရာတွင် အမည်စာရင်းပေးသွင်းပြီး လှူဒါန်းသူများရှိကြောင်း နှင့် အမည်စာရင်း မပေးသွင်းဘဲ လာရောက်လှူဒါန်းကြသူများလည်း များစွာရှိခဲ့ပြီး နှစ်စဉ်လာရောက်ကြသည့် ဧည့်ပရိသတ်များမှာ ထောင်ချီရှိခဲ့ကြောင်း သိရှိရသည်။