~~~~~~~~⊰❂ unicode ❂⊱~~~~~~~~

ရှမ်းပြည်နယ်မြောက်ပိုင်း ကျောက်မဲမြို့တွင် ဧပြီလ (၅)ရက်နေ့ ညနေ(၃)နာရီကျော်က လူငယ်တစ်ဦး မောင်းနှင်လာသည့် ဆိုင်ကယ်က အခြားဆိုင်ကယ်အား နောက်မှဝင်တိုက်မိ၍ သုံးဦးဒဏ်ရာရသွားကြောင်း သိရသည်။

“အမျိုးသမီးနှစ်ဦးစီးလာတဲ့ ဆိုင်ကယ်ကို အဲဒီကလေးမလေးဆိုင်ကယ်က ဝင်တိုက်မိတာ။ အနောက် ကနေဝင်တိုက်ပြီး လွင့်ထွက်သွားတာ ပလက်ဖောင်းနားမှာ လူကသွားကျတယ်။ ဇီဝိတလူမှုကူညီရေး အသင်းက လာသယ်သွားတာတွေ့တယ်”ဟု ဖြစ်စဉ်အားမြင်တွေ့လိုက်သူ ကိုမျိုးက ပြောသည်။

ကျောက်မဲမြို့ နယ် နားပုံကျေးရွာနေ အသက် (၁၁) နှစ်အရွယ်ဟု ရဲမှတ်တမ်းအရသိရှိရသည့် မစန္ဒါဦးဆိုသူ စီးနင်းလာသည့် ဆိုင်ကယ်က အမျိုးသမီးနှစ်ဦး စီးလာသည့်ဆိုင်ကယ်အား ဝင်တိုက်မိခဲ့ခြင်းဖြစ်ပြီး စုစုပေါင်းအမျိုးသမီးသုံးဦး ဒဏ်ရာရသွားကြောင်း သိရသည်။

“စစ်ဆေးနေဆဲပဲ ရှိပါသေးတယ်၊ သူတို့အုပ်ထိန်းသူတွေ ဘာတွေလည်း မစုံသေးဘူး။ ဖြစ်စဉ်ကိုလည်း အတိအကျ မစစ်ဆေးရသေးလို့ပါ။ နောက်မှသက်ဆိုင်သလိုဆက်လုပ်သွားရမှာပါ” ဟု အခင်းဖြစ်ပွားမှုကို စစ်ဆေးနေသည့် ယာဉ်ထိန်းအရာရှိက ပြောသည်။

ယာဉ်တိုက်မှုကြောင့် ဒဏ်ရာအသီးသီးရသွားသည့် အမျိုးသမီး (၃)ဦးအား ကျောက်မဲမြို့ ပြည်သူ့ဆေးရုံသို့ ပို့ဆောင်ထားကြောင်း သိရသည်။

သတင်း - နဖြေိုးမြင့်
ဓာတ်ပုံ - ကိုမျိုး