တောင်ကြီးမြို့ မြို့မဈေးရှေ့မှ ကုန်ခြောက်နှင့် သားငါးဈေးရောင်းချနေသည့် ပျံကျဈေးသည်များအား ဈေးရောင်းရန် နေရာများ ပြန်လည်ထားရှိပေးသွားမည်ဖြစ်ကြောင်း တောင်ကြီးမြို့နယ် စည်ပင်သာယာရေး ဌာနမှ သိရသည်။

’’ပျံကျဈေးသည်ဆိုတာ မရှိရင် လူစည်ကားမှာ မဟုတ်ပါဘူး။ ဈေးစည်ကားတယ်ဆိုတာကလည်း သူတို့ကြောင့် ပါတယ်။ မူလတရားဝင် ဆိုင်ခန်းပိုင်ရှင်တွေဟာ ပျံကျဈေးသည်တွေကို မမုန်းသင့်ပါဘူး။ လူတွေက ဈေးလာတယ်ဆိုတာကလည်း သူတို့ ဆီဝယ်ပြီးမှ တခြားလိုအပ်တဲ့ ပစ္စည်းဝယ်ကြတာလေ။ ဈေးတစ်ဈေးမှာ ပျံကျဈေးသည်တွေ ရှိသင့်ပါတယ်။ ဒါကြောင့် ကျွန်တော်တို့က ပျံကျဈေးသည်တွေအတွက် ဈေးခင်း သက်သက် ထားရှိပေးမှာပါ။ နေရာအတည်တကျတော့ပြောလို့ မရသေးပါဘူး။ မြေနေရာ မသေချာသေးလို့ပါ။ ဒါပေမဲ့ ကျွန်တော်တို့ အကောင်းဆုံးဖြစ်အောင် စီမံဆောင်ရွက်ပေးသွားမှာပါ။’’ဟု တောင်ကြီးမြို့နယ် စည်ပင်သာယာရေးဌာနမှ အမှုဆောင်အရာရှိ ဦးအေးကိုက ပြောသည်။

အဆိုပါ ပျံကျဈေးသည်များအား နေရာချထားပေးရန် ယခင်ကတည်းက တောင်းဆိုထားခြင်းဖြစ်ပြီး လက်ရှိတွင် ၎င်းတို့အား ဆိုင်ခန်းနေရာပေးနိုင်ရေးအတွက် စည်ပင်သာယာရေးဌာနက စီစဉ်နေခြင်းဖြစ်ကြောင်း သိရသည်။

’’ဒီဆိုင်ခန်းတွေအတွက် စည်ပင်မှာ တာဝန်ရှိပါတယ်။ စည်ပင်က ခွင့်ပြုထားတာလေ အရင်အစိုးရ အဆက်ဆက်၊ စည်ပင်ကော်မတီ အဆက်ဆက်ကတည်းက တင်ပြတောင်းဆိုလာတာ။ ဈေးသည်တွေလည်း အရမ်းနစ်နာတယ်။ အခု အစိုးရနဲ့ စည်ပင်လက်ထက်မှာမှ ပြန်ပြီး စီမံပေးမယ်လို့ပြောတာတော့ အတိအကျ မသိရသေးပါဘူး’’ဟု ပျံကျဈေးသည်တစ်ဦးက ပြောသည်။

တောင်ကြီးမြို့မဈေး အရှေ့ဘက်ရှိ ကုန်ခြောက်ပစ္စည်းနှင့် အသားငါးရောင်းချနေသည့် ဈေးဆိုင်ခန်းများတွင် တရားဝင် မှတ်ပုံတင် ဆိုင်ခန်းပေါင်း(၄၆၆)ခန်းရှိပြီး၊ တရားဝင် မှတ်ပုံတင်ထားခြင်း မရှိသည့် ပျံကျဈေးဆိုင်ခန်း (၅၈)ခန်းရှိကြောင်း သိရသည်။

သတင်း - #နိုနို

⊰❂ #TachileikNewsAgency #TachileikOnlineNews www.tachileik.net  ❂⊱

~~~~~~ ကြော်ငြာ ~~~~~~