~~~~~~~~⊰❂ unicode ❂⊱~~~~~~~~

မယ်ဆိုင်ဂူကယ်ဆယ်ရေးတွင် နိုင်ငံတကာမှ ပါဝင်ကူညီနေသူများအား ထိုင်းဘုရင်၏ဧည့်သည်တော်များအဖြစ် သတ်မှတ်
*******************
မယ်ဆိုင်ဂူအတွင်း ပိတ်မိနေသူများ ကယ်ဆယ်ရေးတွင် ပါဝင်ဆောင်ရွက်နေသည့် နိုင်ငံတကာမှ ကူညီသူများအား ကယ်ဆယ်ရေးကာလမှ ၎င်းတို့နေရပ်နိုင်ငံများ ပြန်ရောက်သည်အထိ ထိုင်းဘုရင်၏ ဧည့်သည်များအဖြစ် နွေးထွေးစွာစောင့်ရှောက်ကြရန် အစိုးရကို ဘုရင်ကတိုက်တွန်းလိုက်ကြောင်း သိရသည်။

မယ်ဆိုင်ဂူအတွင်းပိတ်မိနေသူ (၁၃)ဦး၏ ကျန်းမာရေးနှင့် စိတ်ပိုင်းဆိုင်ရာထိခိုက်မှုမရှိစေရေးအပြင် ကယ်ဆယ်ရေးလုပ်နေသူများအပါအဝင် အားလုံး၏လုံခြုံရေးအတွက် ထည့်သွင်းစဉ်းစားဆောင်ရွက်ကြရန် ကိုလည်း ထိုင်းဘုရင် မဟာဗက်ဂျီရာလောင်ကွန်းက တိုက်တွန်းလိုက်ကြောင်း သိရသည်။

ဂူအတွင်း ပိတ်မိနေသည့် ကလေး(၁၂)ဦးနှင့် နည်းပြတို့ကို စိတ်ဓါတ်ကြံ့ခိုင်နေကြရန်ကိုလည်း ဘုရင် မဟာဗက်ဂျီရာလောင်ကွန်းက အားပေးလိုက်ကြောင်း အစိုးရပြောရေးဆိုခွင့်ရှိသူက ဇူလိုင်လ(၃)ရက်နေ့တွင် ထုတ်ဖေါ်ပြောကြားလိုက်သည်။

ကလေးများ လုံခြုံစွာဖြင့် မိသားစုထံပြန်ရောက်နိုင်ရန် ကူညီကယ်ဆယ်ရေးတွင် ပါဝင်သူအားလုံး၏ စုစည်းပူးပေါင်းဆောင်ရွက်မှုမှာ အရေးအကြီးဆုံးဖြစ်ပြီး ယခုအဖြစ်အပျက်မှနေ၍ ပြည်သူများအနေဖြင့် သဘာဝဘေးအန္တရာယ် ကာကွယ်ရေးနှင့် သတိပေးစနစ်များ ပိုမိုအားကောင်းလာစေရေးအတွက် သင်ခန်းစာယူကြရန်ကိုလည်း တိုက်တွန်းလိုက်သည်။

ကယ်ဆယ်ရေးတွင် ပါဝင်သည့် ထိုင်းနိုင်ငံသားများနှင့် နိုင်ငံတကာမှကူညီသူများအား လှိုက်လှိုက်လှုဲလှုဲ ကျေးဇူးတင်ကြောင်း ဘုရင်က ထုတ်ဖေါ်ပြောကြားလိုက်ကြောင်း သိရသည်။

Ref:ThaiPBS