Update News

မိုင္းယုတံတားကို အသံုးျပဳခြင့္ေပးလုိက္ၿပီးေနာက္ ေဒသတြင္း ထြက္ကုန္မ်ား တရုတ္တင္ပို႔မႈမ်ားလာ


ရွမ္းျပည္နယ္ (အေရွ႕ပိုင္း) တာခ်ီလိတ္ခရိုင္အတြင္းရိွ ျမန္မာ - တရုတ္နယ္စပ္  မိုင္းယုၿမိဳ႕တြင္ မိုင္းယုတံတားအား ယာယီအသံုးျပဳခြင့္ ေပးလုိက္ၿပီးေနာက္ ေဒသတြင္း ထြက္ကုန္တင္ပို႔မႈ မ်ားလာေၾကာင္း သိရသည္။

အဆိုပါ တံတားမွ တစ္ဆင့္ မိုင္းယုၿမိဳ႕မွ အထူးေဒသ(၄)ကို ျဖတ္သန္း၍ တရုတ္ႏုိင္ငံႏွင့္ ကုန္စည္ ကူးသန္းမႈအား ကန္႔သတ္ကုန္မ်ားမွလြဲ၍ ၂၀၁၇ ခုႏွစ္ ဇူလိုင္လ (၁၆)ရက္ေန႔က စတင္ ခြင့္ျပဳထားခဲ့ျခင္းျဖစ္သည္။

၎တံတားကိုျဖတ္၍ က်ဳိင္းတုံ၊ မိုင္းျဖတ္၊ မိုင္းေယာင္းႏွင့္ မိုင္းယုေဒသမ်ားမွ ေဒသထြက္ကုန္မ်ားျဖစ္သည့္ အေစ့ထုတ္ေျပာင္း၊ ပဲမ်ဳိးစုံ၊ ႏွမ္း၊ ေျမပဲ၊ ရာဘာ၊ လက္ဖက္၊ အုန္းသီး၊ ငွက္ေပ်ာ၊ ဟင္သီးဟင္းရြက္ႏွင့္ သစ္သီး ဝလံမ်ား၊ အျခားကုန္ၾကမ္းပစၥည္းမ်ားကုိ မိုင္းယုၿမိဳ႕ တဖက္ကမ္းရွိ တရုတ္ႏုိင္ငံ က်ိန္းယဲန္းေဒသသုိ႔ ပို႔ေဆာင္ၿပီး တ႐ုတ္ကုန္ပစၥည္းမ်ားကို ျပန္လည္တင္သြင္းေနျခင္းျဖစ္ေၾကာင္း သိရသည္။

မုိင္းယုတံတားကို ၂၀၁၄ ခုႏွစ္၊ ေဖေဖာ္ဝါရီလဆန္းပိုင္းတြင္ နယ္စပ္ေဒသဖံြ႕ၿဖိဳးတိုးတက္ေရးဦးစီးဌာန၏ ခြင့္ျပဳရန္ပုံေငြ က်ပ္ (၃၆၈၃) ဒႆမ (၂) သန္းျဖင့္ တည္ေဆာက္ခဲ့ျခင္းျဖစ္သည္။

သတင္း/ဓါတ္ပံု - ကိုနိုင္(MYu)









~~~~~~~~⊰❂ unicode ~~~~~~~~



ရှမ်းပြည်နယ် (အရှေ့ပိုင်း) တာချီလိတ်ခရိုင်အတွင်းရှိ မြန်မာ - တရုတ်နယ်စပ် မိုင်းယုမြို့တွင် မိုင်းယုတံတားအား ယာယီအသုံးပြုခွင့် ပေးလိုက်ပြီးနောက် ဒေသတွင်း ထွက်ကုန်တင်ပို့မှု များလာကြောင်း သိရသည်။

အဆိုပါ တံတားမှ တစ်ဆင့် မိုင်းယုမြို့မှ အထူးဒေသ(၄)ကို ဖြတ်သန်း၍ တရုတ်နိုင်ငံနှင့် ကုန်စည် ကူးသန်းမှုအား ကန့်သတ်ကုန်များမှလွဲ၍ ၂၀၁၇ ခုနှစ် ဇူလိုင်လ (၁၆)ရက်နေ့က စတင် ခွင့်ပြုထားခဲ့ခြင်းဖြစ်သည်။

၎င်းတံတားကိုဖြတ်၍ ကျိုင်းတုံ၊ မိုင်းဖြတ်၊ မိုင်းယောင်းနှင့် မိုင်းယုဒေသများမှ ဒေသထွက်ကုန်များဖြစ်သည့် အစေ့ထုတ်ပြောင်း၊ ပဲမျိုးစုံ၊ နှမ်း၊ မြေပဲ၊ ရာဘာ၊ လက်ဖက်၊ အုန်းသီး၊ ငှက်ပျော၊ ဟင်သီးဟင်းရွက်နှင့် သစ်သီး ဝလံများ၊ အခြားကုန်ကြမ်းပစ္စည်းများကို မိုင်းယုမြို့ တဖက်ကမ်းရှိ တရုတ်နိုင်ငံ ကျိန်းယဲန်းဒေသသို့ ပို့ဆောင်ပြီး တရုတ်ကုန်ပစ္စည်းများကို ပြန်လည်တင်သွင်းနခြေင်းဖြစ်ကြောင်း သိရသည်။

မိုင်းယုတံတားကို ၂၀၁၄ ခုနှစ်၊ ဖေဖော်ဝါရီလဆန်းပိုင်းတွင် နယ်စပ်ဒေသဖွံ့ဖြိုးတိုးတက်ရေးဦးစီးဌာန၏ ခွင့်ပြုရန်ပုံငွေ ကျပ် (၃၆၈၃) ဒဿမ (၂) သန်းဖြင့် တည်ဆောက်ခဲ့ခြင်းဖြစ်သည်။

သတင်း/ဓာတ်ပုံ - ကိုနိုင်(MYu)
 #TachileikNewsAgency #TachileikOnlineNews  #တာခ်ီလိတ္သတင္းေအဂ်င္စီ www.tachileik.net  
~~~~~~ ေၾကာ္ျငာ ~~~~~~


« PREV
NEXT »

No comments

Post a Comment

:::::::::: လႈိက္လွဲစြာ ေက်းဇုူးတင္ရွိပါသည္ ::::::::::