ရှမ်းပြည်နယ်(အရှေ့ပိုင်း) မိုင်းဖြတ်မြို့ ဝမ်မိုင်ရပ်ကွက် ဝမ်မိုင်လမ်းဆုံအနီးတွင် ကျိုင်းတုံဘက်မှ တာချီလိတ် ဘက်သို့ ဘိန်းစိမ်းရောင်းချရန် သယ်ဆောင်လာသူ အမျိုးသားသုံးဦးအား ဖေဖေါ်ဝါရီလ (၁၃)ရက်နေ့တွင် ဖမ်းဆီးရမိကြောင်း သိရသည်။
ဆိုင်ကယ်တူးဘောက်စ်တွင် ထည့်သွင်းသယ်ဆောင်လာသည့် ဘိန်းစိမ်း (၆)ကီလိုခန့်အားကို ရဲတပ်ဖွဲ့က စစ်ဆေး တွေ့ရှိခဲ့ရခြင်းဖြစ်ပြီး ရောင်းချရန် သယ်ဆောင်လာခြင်း ဖြစ်ကြောင်း စစ်ဆေး သိရှိရသည်ဟု သိရသည်။
မိုင်းဖြတ်မြို့မရဲစခန်းမှ နယ်ထိန်းခေါင်းဆောင် ဦးဆောင်သည့် အဖွဲ့သည် သက်သေများနှင့်အတူ ဝမ်မိုင်လမ်းဆုံ အနီးတွင် ကျိုင်းတုံမြို့ဘက်မှ တာချီလိတ်မြို့ဘက်သို့ မောင်းနှင်လာသည့် ဆိုင်ကယ် နှစ်စီးအား ရပ်တန့် စစ်ဆေးရာ ဆိုင်ကယ်တူးဘောက်စ်တွင် ထည့်သွင်းထားသည့် ဘိန်းစိမ်း နှစ်ထုပ်အား စစ်ဆေးတွေ့ရှိရသဖြင့် ဆိုင်ကယ်စီးနင်းလာ သူသုံးဦးအား စစ်ဆေးရာတွင် ရောင်းချရန် သယ်ဆောင်လာသည်ဟု ထွက်ဆိုကြောင်း သိရသည်။
ဘိန်းစိမ်းသယ်ဆောင်လာသူများဖြစ်သည့် စိုင်းဆိုက်၊ စိုင်းဝန်းတစ်နှင့် စိုင်းကျင်းရှဲန်တို့အား မိုင်းဖြတ်မြို့မ ရဲစခန်းတွင် မယ(ပ)၁/၂၀၁၈ ၊ မူး/စိတ်ပုဒ်မ ၁၅/၁၉(က)/၂၁ ဖြင့်အမှုဖွင့်စစ်ဆေးနေကြောင်း သိရသည်။