Update News

ကယားျပည္နယ္၌ အသစ္ဖြဲ႔စည္းလိုက္သည့္ နန္းမယ္ခုံၿမိဳ႕ႏွင့္ လိြဳင္လင္ေလးၿမိဳ႕တို႔အား ျပည္ေထာင္စုေန႔ အထိမ္းအမွတ္ေန႔တြင္ ဆုိင္းဘုတ္ဖြင့္လွစ္


ကယားျပည္နယ္ လိြဳင္ေကာ္ခ႐ုိင္တြင္း အသစ္တိုးခ်ဲ႕ဖြဲ႔စည္းလိုက္သည့္ ဒီးေမာ့ဆုိၿမိဳ႕နယ္၊ နန္းမယ္ခုံၿမိဳ႕ႏွင့္ လိ္ြဳင္ေကာ္ၿမိဳ႕နယ္ လိြဳင္လင္ေလးၿမိဳ႕တို႔အား ေဖေဖၚဝါရီလ (၁၂)ရက္ေန႔ ျပည္ေထာင္စုေန႔တြင္ စတင္ ဖြင့္လွစ္လုိက္သည္။

" ၿမိဳ႕ျဖစ္လာေတာ့ ပိုေကာင္းတာေပါ့။ ရြာကလည္း ၿမိဳ႕နီးပါးကိုႀကီးတယ္၊ စည္ကားတယ္ေလ။ အေဆာက္အဦး ေတြကအစေပါ့။ ၿမိဳ႕လုပ္လိုက္ေတာ့လည္း ပိုေကာင္းသြားတာေပါ့။ ႐ွမ္းနယ္စပ္လည္း ျဖစ္ေနေတာ့ နယ္စပ္ၿမိဳ႕ေလးလည္း ျဖစ္သြားတာေပါ့" ဟု လိြဳင္လင္ၿမိဳ႕မွေဒသခံ ဦးလွႀကိဳင္ကတာခ်ီလိတ္ သတင္းေအဂ်င္စီသို႔ ေျပာသည္။

လိြဳင္ေကာ္ခ႐ုိင္ အတြင္း႐ွိ လိြဳင္ေကာ္ၿမိဳ႕နယ္ လြဳိင္လင္ေလးေက်းရြာ ႏွင့္ ဒီးေမာ့ဆုိ ၿမိဳ႕နယ္၊ နန္းမယ္ခုံ ေက်းရြာ အုပ္စုတုိ႔အား ၿမိဳ႕အဆင့္ တုိးျမႇင့္ ေဆာင္ရြက္ေပးႏိုင္ေရးအတြက္္ ျပည္ နယ္ဝန္ႀကီးခ်ဳပ္က ႏုိင္ငံေတာ္သမၼတထံ ေထာက္ခံ တင္ျပေဆာင္ရြက္ခဲ့ျခင္း ျဖစ္ၿပီး ၂၀၁၈-၂၀၁၉ ဘ႑ာေရးႏွစ္ တြင္ အုပ္ခ်ဳပ္ေရးဆိုင္ရာ ႐ုံးမ်ား ၊လုိအပ္သည့္ ဌာနမ်ား ဖြင့္လွစ္ႏုိင္ေရးအတြက္ ဘ႑ာေငြမ်ား လ်ာထား ေဆာင္ရြက္ေနၿပီျဖစ္ေၾကာင္း ကယားျပည္နယ္အစိုးရ႐ုံးမွ သိရသည္။

အသစ္တိုးျမႇင့္ ဖြဲ႔စည္းလိုက္ေသာ နန္းမယ္ခုံၿမိဳ႕တြင္ ၿမိဳ႕မကယန္း ရပ္ကြက္ အိမ္ေျခ(၂၅၀)၊ ၿမိဳ႕မရွမ္း ရပ္ကြက္တြင္ အိမ္ေျခ(၇၈)၊ ေခၚခုရွမ္းရပ္ကြက္တြင္ အိမ္ေျခ(၅၃)၊ ေခၚခုကယားရပ္ကြက္တြင္ အိမ္ေျခ (၅၀) စုစုေပါင္း အိမ္ေျခ(၄၃၁)အိမ္ ၊ အိမ္ေထာင္စု (၄၃၁)စု၊ လူဦးေရ (၂၂၈၇)ဦး႐ွိၿပီး လိြဳင္လင္ေလးၿမိဳ႕တြင္ အိမ္ေျခ(၆၅၅)၊ အိမ္ေထာင္စု (၆၉၅)စု၊ လူဦးေရ (၃၇၃၂)ဦး တို႔ေနထိုင္လွ်က္႐ွိေၾကာင္းသိရသည္။

အဆိုပါ ၿမိဳ႕သစ္ႏွစ္ၿမိဳ႕ဆိုင္းဘုတ္မ်ားအား ျပည္ေထာင္စု ေန႔အထိမ္းအမွတ္ အျဖစ္ ေဖေဖာ္ဝါရီလ (၁၂)ရက္ေန႔တြင္ ဖြင့္လွစ္ေပးခဲ့ၿပီး ကယားျပည္နယ္အစုိးရအဖြဲ႕၊ ျပည္နယ္ဝန္ႀကီးခ်ဳပ္၊ ျပည္နယ္လႊတ္ေတာ္ ဥကၠဌႏွင့္ ျပည္နယ္အစုိးရအဖြဲ႕ဝင္ဝန္ႀကီးမ်ား၊ လႊတ္ေတာ္ကိုယ္စားလွယ္မ်ား တတ္ေရာက္ခဲ့ၾကသည္။


သတင္း -  #ဆန္းၿဖိဳးထြန္း
ဓါတ္ပံု - ကယားျပည္နယ္အစုိးရအဖြဲ႕ရုံး









~~~~~~~~⊰❂ unicode ~~~~~~~~



ကယားပြည်နယ် လွိုင်ကော်ခရိုင်တွင်း အသစ်တိုးချဲ့ဖွဲ့စည်းလိုက်သည့် ဒီးမော့ဆိုမြို့နယ်၊ နန်းမယ်ခုံမြို့နှင့် လွို်င်ကော်မြို့နယ် လွိုင်လင်လေးမြို့တို့အား ဖေဖော်ဝါရီလ (၁၂)ရက်နေ့ ပြည်ထောင်စုနေ့တွင် စတင် ဖွင့်လှစ်လိုက်သည်။

" မြို့ဖြစ်လာတော့ ပိုကောင်းတာပေါ့။ ရွာကလည်း မြို့နီးပါးကိုကြီးတယ်၊ စည်ကားတယ်လေ။ အဆောက်အဦး တွေကအစပေါ့။ မြို့လုပ်လိုက်တော့လည်း ပိုကောင်းသွားတာပေါ့။ ရှမ်းနယ်စပ်လည်း ဖြစ်နေတော့ နယ်စပ်မြို့လေးလည်း ဖြစ်သွားတာပေါ့" ဟု လွိုင်လင်မြို့မှဒေသခံ ဦးလှကြိုင်ကတာချီလိတ် သတင်းအေဂျင်စီသို့ ပြောသည်။

လွိုင်ကော်ခရိုင် အတွင်းရှိ လွိုင်ကော်မြို့နယ် လွိုင်လင်လေးကျေးရွာ နှင့် ဒီးမော့ဆို မြို့နယ်၊ နန်းမယ်ခုံ ကျေးရွာ အုပ်စုတို့အား မြို့အဆင့် တိုးမြှင့် ဆောင်ရွက်ပေးနိုင်ရေးအတွက် ပြည် နယ်ဝန်ကြီးချုပ်က နိုင်ငံတော်သမ္မတထံ ထောက်ခံ တင်ပြဆောင်ရွက်ခဲ့ခြင်း ဖြစ်ပြီး ၂၀၁၈-၂၀၁၉ ဘဏ္ဍာရေးနှစ် တွင် အုပ်ချုပ်ရေးဆိုင်ရာ ရုံးများ၊လိုအပ်သည့် ဌာနများ ဖွင့်လှစ်နိုင်ရေးအတွက် ဘဏ္ဍာငွေများ လျာထား ဆောင်ရွက်နပြေီဖြစ်ကြောင်း ကယားပြည်နယ်အစိုးရရုံးမှ သိရသည်။

အသစ်တိုးမြှင့် ဖွဲ့စည်းလိုက်သော နန်းမယ်ခုံမြို့တွင် မြို့မကယန်း ရပ်ကွက် အိမ်ခြေ(၂၅၀)၊ မြို့မရှမ်း ရပ်ကွက်တွင် အိမ်ခြေ(၇၈)၊ ခေါ်ခုရှမ်းရပ်ကွက်တွင် အိမ်ခြေ(၅၃)၊ ခေါ်ခုကယားရပ်ကွက်တွင် အိမ်ခြေ (၅၀) စုစုပေါင်း အိမ်ခြေ(၄၃၁)အိမ်၊ အိမ်ထောင်စု (၄၃၁)စု၊ လူဦးရေ (၂၂၈၇)ဦးရှိပြီး လွိုင်လင်လေးမြို့တွင် အိမ်ခြေ(၆၅၅)၊ အိမ်ထောင်စု (၆၉၅)စု၊ လူဦးရေ (၃၇၃၂)ဦး တို့နေထိုင်လျှက်ရှိကြောင်းသိရသည်။

အဆိုပါ မြို့သစ်နှစ်မြို့ဆိုင်းဘုတ်များအား ပြည်ထောင်စု နေ့အထိမ်းအမှတ် အဖြစ် ဖေဖော်ဝါရီလ (၁၂)ရက်နေ့တွင် ဖွင့်လှစ်ပေးခဲ့ပြီး ကယားပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ်လွှတ်တော် ဥက္ကဌနှင့် ပြည်နယ်အစိုးရအဖွဲ့ဝင်ဝန်ကြီးများ၊ လွှတ်တော်ကိုယ်စားလှယ်များ တတ်ရောက်ခဲ့ကြသည်။

သတင်း - #ဆန်းဖြိုးထွန်း
ဓာတ်ပုံ - ကယားပြည်နယ်အစိုးရအဖွဲ့ရုံး

 #TachileikNewsAgency #TachileikOnlineNews  #တာခ်ီလိတ္သတင္းေအဂ်င္စီ www.tachileik.net  
~~~~~~ ေၾကာ္ျငာ ~~~~~~


« PREV
NEXT »

No comments

Post a Comment

:::::::::: လႈိက္လွဲစြာ ေက်းဇုူးတင္ရွိပါသည္ ::::::::::