~~~~~~~~⊰❂ unicode ❂⊱~~~~~~~~

လာအိုနိုင်ငံ ဘိုကဲယိုခရိုင်၊ ရွှတြေိဂံဒေသ အထူးစီးပွားရေးဇုန် တုံဖိန်းမြို့ရှိ မြန်မာရွှေ့ပြောင်း လုပ်သားများ၏ လုပ်အားခကို ကြားပွဲစားများက အလွဲသုံးစားမှုများဖြင့် ကြုံတွေ့နေရမှုများနေကြောင်း လာအိုရောက် မြန်မာလုပ်သားများနှင့် တွေ့ဆုံ၍ အခြေအနေလေ့လာခဲ့သည့် တာချီလိတ်ခရိုင် အုပ်ချုပ်ရေးမှူးထံမှ သိရသည်။

“သူတို့နေတဲ့နေရာကို သွားပြီးကြည့်ခဲ့တဲ့ နေရာမှာ တွေ့ရတာက အလုပ်ရှင်က ပိုက်ဆံပေးတယ်။ အလုပ်သမားက ပိုက်ဆံတိုက်ရိုက် မရဘူး။ မြန်မာနိုင်ငံက အလုပ်ပွဲစားတို့၊ ကြားခံဖြစ်တဲ့ သူတို့ ဘာသာစကား တတ်ကျွမ်းသူ၊ တရုတ်ဘာသာစကား ကျွမ်းကျင်သူတို့က ကြားကနေ အဲဒီပိုက်ဆံကို ယူကြတဲ့ အခါကျတော့ ဖြတ်ယူကြတယ်။ အဲဒီကျတော့ ဘယ်လိုက်လို့ လိုက်ရမှန်းမသိဘဲ အမှု ဖွင့်ထားတာ တွေလည်း ရှိတယ်။ အလုပ်သမားတွေ ပိုက်ဆံ မရဘူးဆိုတာ တရုတ်တွေဆီက မရတာ မဟုတ်ဘူး။ ကြားထဲက ပွဲစားတွေကနေ ဖြတ်ယူတာကြောင့် အလုပ်သမားတွေက မရဘူးဖြစ်နေတာတွေ ရှိတယ်”ဟု တာချီလိတ်ခရိုင်စီမံခန့်ခွဲမှုကော်မတီ ဥက္ကဌ၊ ခရိုင်အုပ်ချုပ်ရေးမှူးဦးတင်ဝင်းရွှေက တာချီလိတ်သတင်း အေဂျင်စီသို့ ပြောသည်။

လာအိုဒီမိုကရက်တစ်ပြည်သူ့ သမ္မတနိုင်ငံ၏ ၂၀၁၈ ခုနှစ်ခရီးသွားနှစ်နှင့် လက်ပံပွင့်ပွဲတော်အခမ်းအနားကို ဇန်နဝါရီလ(၂၈)ရက်နှင့် (၂၉)ရက်နေ့များတွင် ကျင်းပရာ အဆိုပါအခမ်းအနား တက်ရောက်သည့် မြန်မာကိုယ်စားလှယ်အဖွဲ့အဖြစ် တက်ရောက်သည့် တာချီလိတ်ခရိုင်စီမံခန့်ခွဲမှုကော်မတီ ဥက္ကဌ၊ ခရိုင်အုပ်ချုပ်ရေးမှူး ဦးတင်ဝင်းရွှေဦးဆောင်သော အဖွဲ့သည် မြန်မာရွှေ့ပြောင်းလုပ်သားများ၏ အခြေအနေများကို သွားရောက် လေ့လာမေးမြန်းခဲ့ခြင်းဖြစ်ကြောင်း သိရသည်။

မြန်မာလုပ်သားများနှင့် တွေ့ဆုံရာတွင် မြန်မာလုပ်သားများက၎င်းတို့အနဖြေင့် လာအိုနိုင်ငံ အထူးစီးပွားရေးဇုန်သို့ ဝင်ရောက်သည့် လမ်းကြောင်းတွင် လာအိုနိုင်ငံ လဝကနှင့် ရဲတို့ထံ ပိုက်ဆံ ပေးနေရသည့် အခြေအနေများကိုလည်း တင်ပြခဲ့ကြကြောင်း သိရသည်။

“လာအိုနိုင်ငံတွင်းဝင်တဲ့အခါ ပိုက်ဆံပိုကောက်တဲ့ ကိစ္စပေါ့။ လာအိုနိုင်ငံအတွင်း အထူးစီးပွားရေးဇုန်ကို ဝင်တဲ့အခါမှာ လမ်းက လဝကတို့၊ လာအိုနိုင်ငံက ရဲတို့က ပိုက်ဆံကောက်တာတွေ ရှိတယ်လို့ သိရတယ်။ ပိုက်ဆံကောက်တယ်ဆိုတာကလည်း သတ်မှတ်ထားတဲ့ အထူးစီးပွားရေးဇုန်မဟုတ်တဲ့ဘက်မှာ ကောက်တယ်ပေါ့။ သတ်မှတ်ထားတာထက် ပိုကောက်တယ်လို့ ပြောကြတယ်”ဟု တာချီလိတ်ခရိုင် စီမံခန့်ခွဲမှု ကော်မတီ ဥက္ကဌ၊ ခရိုင်အုပ်ချုပ်ရေးမှူးဦးတင်ဝင်းရွှေက ပြောသည်။

အဆိုပါရွှေ့ပြောင်းလုပ်သားများ၏ အခက်အခဲများကို လာအိုနိုင်ငံ အထူးစီးပွားရေးဇုန်မှ တာဝန်ရှိသူများနှင့် ဆွေးနွေးရာတွင် တရားဝင်နေထိုင်ခြင်းမဟုတ်သည့် မြန်မာလုပ်သားများအတွက် ဥပဒေအရ တရားဝင် အကာအကွယ်ပေးရန် အခက်အခဲဖြစ်နေရကြောင်း ပြန်လည်ဖြကြေားသည်ဟု သိရသည်။

“တရားဝင် လာတာမဟုတ်သူတွေ အတွက်ကျတော့ တရားဝင်စောင့်ရှောက်ဖို့ မရနိုင်သလိုဖြစ်တာပေါ့။ ဒီတော့ သူတို့ကို တရားဝင် ကာကွယ်ခွင့်မရဖြစ်နေတာတွေ ရှိနေတယ်။ ဒါပေမဲ့ အလုပ်ရှင်က လိမ်ညာနေတာတွေတော့ မရှိပါဘူး။ လုပ်ခလစာ အနေနဲ့ကလည်း တာချီလိတ်ဘက်ထက် ပိုရနေတာ တွေလည်း တွေ့ရပါတယ်”ဟု တာချီလိတ်ခရိုင်စီမံခန့်ခွဲမှုကော်မတီ ဥက္ကဌ၊ ခရိုင်အုပ်ချုပ်ရေးမှူး ဦးတင်ဝင်းရွှေက ပြောသည်။

လာအိုနိုင်ငံ အထူးစီးပွားရေးဇုန်၏ တရားဝင်စာရင်းများအရ မြန်မာနိုင်ငံသား လုပ်သား (၄၀၀၀)ခန့်ရှိသည်ဟုဆိုသော်လည်း မြန်မာလုပ်သား သောင်းဂဏန်းကျော်သည်ဟု မြန်မာလုပ်သားများက ဆိုသည်။

မြန်မာလုပ်သားများအား အထူးစီးပွားရေးဇုန်တွင် အလုပ်လုပ်ကိုင်ခွင့်အတွက် ခြောက်လ သက်တမ်းပေးထားပြီး သက်တမ်းကျော်ပြီး နောက်ထပ်အလုပ်အကိုင်အခွင့်အလမ်းအတွက် ဆက်လက် နေထိုင်သူများမှာ တရားမဝင် နေထိုင်သူများ ဖြစ်နခြေင်းဖြစ်ကြောင်း သိရသည်။

မြန်မာကိုယ်စားလှယ်အဖွဲ့သည် မြန်မာလုပ်သားများနှင့် တွေ့ဆုံခြင်းအပြင် လာအိုနိုင်ငံဆိုင်ရာ မြန်မာသံအမတ်ကြီး ဦးကိုကိုနိုင်နှင့်အတူ လာအိုနိုင်ငံအထူးစီးပွားရေးဇုန်ရှိ စီးပွားရေး ကုမ္ပဏီများမှ တာဝန်ရှိသူများနှင့် တွေ့ဆုံပြီး လာအိုနိုင်ငံရောက်မြန်မာနိုင်ငံသားများ၏ အခက်အခဲများကို ဖြေရှင်းပေးရေးနှင့် ရပိုင်ခွင့်များ အပြည့်အဝရရှိရေးအတွက် ညှိနှိုင်းဆောင်ရွက်ခဲ့ကြောင်း သိရသည်။

သတင်း - အင်မိုင်ခ
ဓာတ်ပုံ - ခရိုင် ထွေ/အုပ်