~~~~~~~~⊰❂ unicode ❂⊱~~~~~~~~

အခမ်းအနားသို့ စစ်ဗျူဟာအဖွဲ့(အခြေချ) တာချီလိတ်မှ စစ်ဗျူဟာမှူး ဗိုလ်မှူးကြီး အေးမင်းဦး နှင့် ဖိတ်ကြားထားသည့် တာချီလိတ်ခရိုင် စီမံခန့်ခွဲမှုကော်မတီဝင်များ အပါအဝင် ဖိတ်ကြားထားသူများ တက်ရောက်ခဲ့ကြသည်။

အဆိုပါ အခမ်းအနားအား ၂၀၁၈ခုနှစ် ဖေဖော်ဝါရီလ(၂၀)ရက်နေ့ နံနက်(၁၀)နာရီအချိန်က တာချီလိတ်မြို့ ရွှေဘူးသီးဟိုတယ်တွင် ကျင်းပပြုလုပ်ခြင်းဖြစ်ပြီး အခမ်းအနား၌ Chaing Mai Ram ဆေးရုံ အုပ်ချုပ်မှူ ဒါရိုက်တာ ဒေါက်တာ ပရမုဒ်အွန်းကျတ်မှ အခမ်းအနားပြုလုပ်ရခြင်းနှင့် ပတ်သက်၍ ရှင်းလင်း ပြောကြားကာ Sawadee Holiday Travel & Tours ကုမ္ပဏီ၏ မန်းနေဂျင်းဒါရိုက်တာ ဦးဘိုလေးက နှုတ်ခွန်းဆက်စကားပြောကြားပြီး Chaing Mai Ram ဆေးရုံ မှ အထူးကု ဆရာဝန်ကြီး ဖြစ်သည့် နှလုံးနှင့်သွေးကြောအထူးကု ဒေါက်တာ ဖတ္တရဖုံး ဂီးလားပဲန်း မှ နှလုံးရောဂါ အကြောင်း သိကောင်းစရာ အဖြစ် ဗီဒီယိုဖြင့် ပြသကာ ကျန်းမာရေးအသိပညာပေး ရှင်းလင်းဟောပြောသည်။

"ဒေသတွင်း တိုင်းရင်းသားပြည်သူတွေဟာ ရောဂါအခြေအနေပေါ် မူတည်ပြီး အိမ်နီးချင်း ထိုင်းနိုင်ငံရှိ ခေတ်မီ ဆေးရုံကြီးတွေမှာ သွားရောက် ကုသမှုကို ရှေးနှစ်ပေါင်းများစွာ ကတည်းက ဆောင်ရွက် ခဲ့ကြပါတယ်။ ဒီလိုသွားရောက်ရာမှာ အချို့အချို့သော အခက်အခဲလေးတွေ ရှိနေတဲ့အတွက် လွယ်ကူ လျှင်မြန်ပြီး ပိုမိုကောင်းမွန်တဲ့ ဝန်ဆောင်မှုများ ရရှိစေဖို့အတွက် ကျွန်တော်တို့ Sawadee Holiday ခရီးသွားလာရေး ကုမ္ပဏီ နဲ့ ထိုင်းနိုင်ငံ ချင်းမိုင်မြို့က Chaing Mai Ram ဆေးရုံတို့ ပူးပေါင်း ဆောင်ရွက် နေတဲ့ ကျန်းမာရေး ဝန်ဆောင်မှုများကို မိဘပြည်သူများ သိရှိနိုင်ရန် အတွက် အသိပေး ချပြခြင်းပဲ ဖြစ်ပါတယ်။ Sawadee Holiday ခရီးသွားလာရေးကုမ္ပဏီရဲ့ ဆောင်ရွက်ချက်များဟာ အကျိုးအမြတ်ထက် ဒေသတွင်းနေ ပြည်သူများရဲ့ ကျန်းမာရေးအတွက် စေတနာကို အဓိကထားပြီး တဖက်တလမ်းက ပံ့ပိုးကူညီပေးခြင်းတာ ဖြစ်ပါတယ်"ဟု Sawadee Holiday Travel & Tours ကုမ္ပဏီ၏ မန်းနေဂျင်း ဒါရိုက်တာ ဦးဘိုလေးက အခမ်းအနားတွင် ပြောကြားသွားသည်။

ဆက်လက်၍ Sawadee Holiday Travel & Tours ကုမ္ပဏီ နှင့် ထိုင်းနိုင်ငံ ချင်းမိုင်ရှိ Chaing Mai Ram ဆေးရုံတို့ လုပ်ငန်းပူးပေါင်းဆောင်ရွက်မှု တစ်နှစ်ပြည့် နှစ်ပတ်လည် အထိမ်းအမှတ် အနဖြေင့် တာချီလိတ် ခရိုင် ကုတင်(၁၀၀)ဆံ့ ပြည်သူ့ဆေးရုံကြီးတွင် အသုံးပြုနိုင်ရန် အတွက် ထိုင်းဘတ်ငွေ(၆၀၀၀၀)တန်ဖိုး ရှိသည့် သွေးပေါင်ချိန် တိုင်းစက် နှင့် သွေးအတွင်းရှိ အောက်စီဂျင် အတိုင်းအတာအား စစ်ဆေး တိုင်းတာ သည့် စက်(၂)လုံးကို တာချီလိတ်ခရိုင်ပြည်သူ့ဆေးရုံမှ တာဝန်ရှိသူအား အဆိုပါ အခမ်းအနားတွင် ပေးအပ် လှူဒါန်းလိုက်ခြင်း ဖြစ်သည်။

ယင်းနောက် အမျိုးသားကျန်းမာရေးစစ်ဆေးရန် ထိုင်းဘတ်(၄၂၄၆)ဘတ်တန်ဖိုးရှိ လက်မှတ်(၅)စောင် နှင့် အမျိုးသမီးကျန်းမာရေးစစ်ဆေးရန် ထိုင်းဘတ်(၄၈၂၀)ဘတ်တန်ဖိုးရှိ လက်မှတ်(၅)စောင်အပြင် နှလုံး ကျန်းမာရေး စစ်ဆေးရန် ထိုင်းဘတ်(၁၂၅၃၃)ဘတ်တန်ဖိုးရှိ လက်မှတ်(၂)စောင်အား ကံစမ်းမဲ အဖြစ် မဲနှိုက်ပေးခဲ့ကြောင်း သိရသည်။

ထိုင်းနိုင်ငံ ချင်းမိုင်မြို့က Chaing Mai Ram ဆေးရုံနှင့် လုပ်ငန်းပူးပေါင်း ဆောင်ရွက်နေသည့် တာချီလိတ်မှ Sawadee Holiday ခရီးသွားလာရေးကုမ္ပဏီက ကျန်းမာရေးကဏ္ဍတစ်ခုအနဖြေင့် လုပ်ကိုင်နခြေင်း ဖြစ်ပြီး ဒေတွင်းနေ ပြည်သူများနှင့် မည်သည့် ဒေသက မဆို Chaing Mai Ram ဆေးရုံသို့ သို့ သွားရောက်၍ ဆေးဝါးကုသမှု ခံယူလိုသူများအတွက် ဘာသာစကားနှင့် သွားလာမှု အဆင်ပြေရန် အတွက် ကူညီဆောင်ရွက်ပေးနခြေင်းဖြစ်ကြောင်း သိရသည်။

" Sawadee Holiday ခရီးသွားလာရေးကုမ္ပဏီ အနေနဲ့ ဒေသတွင်းနေ ပြည်သူများအတွက် ကျန်းမာရေးနဲ့ ပတ်သက်ပြီး ထိုင်းနိုင်ငံ ချင်းမိုင်မှာ ရှိတဲ့ Chaing Mai Ram ဆေးရုံမှာ ဆေးဝါးကုသမှု ခံယူလိုတယ်ဆိုရင် ဘာသာစကား အခက်အခဲတွေ၊ သွားရေးလာရေး အခက်အခဲတွေနဲ့ ဟိုရောက်ရင် နေဖို့ ဟိုတယ် ရှာဖွေရတဲ့ အခက်အခဲတွေကို အဆင်ပြေနိုင်ရန် အတွက် ဝန်ဆောင်မှု အနေနဲ့ ဆောင်ရွက် ပေးနေတာ ဖြစ်ပါတယ်၊ အဲ့ဒီဆေးရုံမှာ ဆေးကုသမဲ့ သူတွေအနေနဲ့ Sawadee Holiday ခရီးသွားလာရေး ကုမ္ပဏီ ကို လာရောက် ဆက်သွယ်မယ်ဆိုရင် ဟိုဖက်ကို သွားဖို့ ကားတွေ လက်မှတ်လုပ်တာတွေက အစ အကုန် အပြီးအစီး ကူညီဆောင်ရွက်ပေးပါတယ်။ ဒီလို လုပ်ပေးတဲ့အတွက် လက်မှတ်ခတွေ ကားခတွေကတော့ ကိုယ့်ဘာသာ ကုန်ကျရမှာ ဖြစ်ပေမဲ့ ဒီ့အပေါ်ဝန်ဆောင်ခတော့ ထပ်ပေးစရာ မလိုပါဘူး။ နောက်ပြီး ကျွန်မတို့နဲ့ ချိတ်ဆက်ပြီး သွားတဲ့အခါ ဟိုရောက်ရင် အထူးကုဆရာဝန်တွေကို စောင့်ဆိုင်းရတဲ့ အချိန်တွေလည်း သက်သာမှာ ဖြစ်ပါတယ်"ဟု မှ Sawadee Holiday ခရီးသွားလာရေးကုမ္ပဏီမှ ဒါရိုက်တာတစ်ဦးဖြစ်သူ ဒေါ်အေးကျော့ကျော့ခင် က တာချီလိတ်သတင်း အေဂျင်စီသို့ ပြောသည်။

တာချီလိတ်နှင့်အခြားဒေသများမှ ဆေးဝါးကုသမှုအဖြစ် သွားရောက်လိုသူများအနဖြေင့် Sawadee Holiday ခရီးသွားလာရေးကုမ္ပဏီရုံးသို့ လာရောက်၍ တိုင်ပင်ဆွေးနွေးနိုင်ကြောင်း သိရသည်။

"Chaing Mai Ram ဆေးရုံမှာ ကိုယ့်အစီအစဉ်နဲ့ကိုယ် သွားရောက်ကုသရင်လည်းရနိုင်ပေမဲ့ Sawadee Holiday ခရီးသွားလာရေး ကုမ္ပဏီရုံးကို လာရောက် ဆက်သွယ်ရင်တော့ အဓိက က ဘာသာစကားတွေ၊ သွားလာရန် လက်မှတ်တွေ စတာတွေအတွက် ပိုအဆင်ပြေစေပါတယ်။ အဲ့ဒီအတွက် အကျိုးဆောင်ခ အနေနဲ့ မယူပါဘူး။ လက်မှတ်ခနဲ့လမ်းစရိတ်ခတွေပဲ၊ Chaing Mai Ram ဆေးရုံမှာ ဆေးကုဖို့အတွက် အကြံတောင်းမျိုး၊ တိုင်ပင်ချင်တာမျိုးဆိုရင်လည်း ရပါတယ်။ ကျွန်မတို့ Sawadee Holiday ခရီးသွားလာရေးရုံးခန်းကို တာချီလိတ်မြို့နယ်အကောက်ခွန်ရုံးရှေ့မှာ ဖွင့်လှစ်ထားပါတယ်" Sawadee Holiday ခရီးသွားလာရေးကုမ္ပဏီမှ ဒါရိုက်တာတစ်ဦးဖြစ်သူ ဒေါ်နန်းဆီထောင်း က တာချီလိတ်သတင်း အေဂျင်စီသို့ ပြောသည်။

ထိုင်းနိုင်ငံ ချင်းမိုင်မြို့က Chaing Mai Ram ဆေးရုံသည် နှလုံးရောဂါနှင့် အထွေထွေရောဂါများကို အထူးကုသပေးနေသည့် အတွက် ဒေသတွင်းနေ ပြည်သူများနှင့် ထိုင်းနိုင်ငံသို့ ဆေးဝါးကုသမှု ခံယူလိုသူများ အတွက် အဆင်ပြေစေရန် ကျန်းမာရေးဝန်ဆောင်မှုအနဖြေင့် အကျိုးဆောင်ကာ Sawadee Holiday ခရီးသွားလာရေး ကုမ္ပဏီက လုပ်ဆောင်ပေးနခြေင်း ဖြစ်ကြောင်း သိရသည်။