~~~~~~~~⊰❂ unicode ❂⊱~~~~~~~~

မြန်မာနိုင်ငံက အိမ်ရှင်နိုင်ငံအဖြစ် ပထမဆုံးအကြိမ် လက်ခံကျင်းပသည့် (၇)ကြိမ်မြောက်အဖြစ် နိုင်ငံ(၄)ခုမှ နယ်စပ်ဒေသ (၉)ခရိုင်၏ အစည်းအဝေးအား ၂၀၁၈ ခုနှစ် ဖေဖော်ဝါရီလ (၁)ရက်နေ့ နံနက်ပိုင်းက တာချီလိတ်မြို့ရှိ ရွှေဗူးသီးဟိုတယ်တွင် ကျင်းပပြုလုပ်သည်။

မြန်မာနိုင်ငံက အိမ်ရှင်နိုင်ငံအဖြစ် ပထမဆုံးအကြိမ် လက်ခံကျင်းပသည့် အဆိုပါ အစည်းအဝေးအား ၂၀၁၇ ခုနှစ် ဒီဇင်ဘာလ(၂၀)ရက်နေ့မှ (၂၂)ရက်နေ့အထိ ကျင်းပရန် စီစဉ်ထားသော်လည်း တရုတ်နိုင်ငံ ဆစ်ဆောင်ပန်းနားခရိုင်မှ တက်ရောက်ရန် အခက်အခဲ ရှိသဖြင့် မူလ သတ်မှတ်ရက်အား ရွှေ့ဆိုင်း ခဲ့ခြင်းဖြစ်သည်။

အဆိုပါ အစည်းအဝေးမှာ မြန်မာ၊ ထိုင်း၊ တရုတ်နှင့် လာအို နိုင်ငံများမှ နယ်စပ်ဒေသအချင်းချင်း ဆက်သွယ် ဆောင်ရွက်နေသည့် လုပ်ငန်းများတွင် အပြန်အလှန် ပူးပေါင်းကူညီဆောင်ရွက်နိုင်ရေး အတွက် ဒေသတွင်းနိုင်ငံများတွင် အလှည့်ကျ ကျင်းပနခြေင်းဖြစ်ပြီးကြောင်း သိရသည်။

တာချီလိတ်တွင် ကျင်းပသည့် အစည်းအဝေးသို့ မြန်မာနိုင်ငံမှ တာချီလိတ်ခရိုင် နှင့် ကျိုင်းတုံခရိုင်၊ ထိုင်းနိုင်ငံမှ ချင်းမိုင်ခရိုင် နှင့် ချင်းရိုင်းခရိုင်၊ လာအိုနိုင်ငံက Luang Parabang ခရိုင်၊ Luan Namtha ခရိုင်၊ Oudomxai ခရိုင် နှင့် Bokeo ခရိုင် တရုတ်နိုင်ငံမှ ဆစ်တောင်ပန်းနားခရိုင် စသည့် ခရိုင်များမှ ခရိုင်အုပ်ချုပ်ရေးမှူးများနှင့် တာဝန်ရှိသူများ တက်ရောက်လာခဲ့ကြပြီး သက်ဆိုင်ရာ ကဏ္ဍများအလိုက် တာဝန်ရှိသူများ ပါဝင်သည့် ကိုယ်စားလှယ်အဖွဲ့အားလုံး၏ ခေါင်းဆောင်အဖြစ် တာချီလိတ်ခရိုင် စီမံခန့်ခွဲမှုကော်မတီ ဥက္ကဌ၊ တာချီလိတ်ခရိုင် အုပ်ချုပ်ရေးမှူး ဦးတင်ဝင်းရွှေ နှင့် ခရိုင်/မြို့နယ်စီမံခန့်ခွဲမှုကော်မတီက တာဝန်ယူ ဆောင်ရွက်ခြင်းဖြစ်ကြောင်း သိရသည်။

ယခုလို (၄)နိုင်ငံ (၉)နယ်စပ် အစည်းအဝေးအား အလှည့်ကျ ကျင်းပသည့် အနဖြေင့် (၈)ကြိမ်မြောက် အစည်းအေဝးအား ၂၀၁၉ခုနှစ်တွင် လာအိုနိုင်ငံ Oudomxai ခရိုင်တွင် ကျင်းပသွားရန်အတွက် သတ်မှတ်ထားရှိပြီးကြောင်း သိရှိရသည်။