မင္းဘူးေရႊစက္ေတာ္ ေစာင္းတန္းသံဇကာတပ္ဆင္လုိက္၍ ေစ်းသည္(၁၀၀)ခန္႔ ဆႏၵေဖာ္ထုတ္

မင္းဘူးေရႊစက္ေတာ္ ေစာင္းတန္းသံဇကာတပ္ဆင္လုိက္၍ ေစ်းသည္(၁၀၀)ခန္႔ ဆႏၵေဖာ္ထုတ္
ဇန်နဝါရီ 13, 2018
By 🌸
မေကြးတို္င္းေဒသႀကီး မင္းဘူး/စကုၿမိဳ႕နယ္ မင္းဘူးၿမိဳ႕၌ မန္္းေရႊစက္ေတာ္ အထက္စက္ေတာ္ရာ ေစာင္းတန္းအား သံဇကာတပ္ဆင္လုိက္သျဖင့္ အဆုိပါေနရာတြင္ ႏွစ္စဥ္ေစ်းေရာင္းခ်ေနသည့္ ေစ်းသည္ (၁၀၀) ခန္႔က ေစ်းေရာင္းရန္ေနရာအတြက္ ဇန္နဝါရီလ (၁၃)ရက္ေန႔တြင္ ဆႏၵေဖာ္ထုတ္ၾကေၾကာင္း သိရသည္။

"အထက္စက္ေတာ္ရာေစာင္းတန္းမွာ ေအာက္ေျခကေန ကုိးခန္းႀကီးအထိ သံဇကာေတြကာလုိက္တဲ့အ တြက္ ကၽြန္ေတာ္တုိ႔ ေစ်းသည္ေတြ မူလေနရာေပ်ာက္ကုန္ပါတယ္။ နယ္ေပါင္းစံုက လာၾကရတာျဖစ္လုိ႔ အခု ၾကံဳေတြ႔ရတဲ့အခက္အခဲကို ေဂါပကကုိတင္ျပေပမဲ့ ေျဖရွင္းမေပးနုိင္ၾကပါဘူး"ဟု မံုရြာၿမိဳ႕မွလာေရာက္သည့္ ေဈးသည္တစ္ဦးျဖစ္သူ ဦးေအာင္တင့့္က တာခ်ီလိတ္သတင္းေအဂ်င္စီသို႔ ေျပာသည္။

အဆိုပါေစ်းသည္မ်ားက သံဇကာတပ္ဆင္လုိက္သည့္ ေစာင္းတန္းေနရာတြင္ ေစ်းျပန္လည္ေရာင္းခ်ခြင့္အတြက္ တုိင္းေဒသႀကီးအစိုးရအဖဲြ႔ထံလည္း တင္ျပခဲ့ၾကေၾကာငး္ သိရသည္။

" ေရႊစက္ေတာ္ဘုရားဟာ တုိင္းရဲ႕က်က္သေရေဆာင္ ျဖစ္သလို နုိင္ငံရဲ႕ က်က္သေရေဆာင္လည္း ျဖစ္တာေၾကာင့္ အဆင့္မီတုိးတက္ေအာင္ ေဂါပကေတြက စိတ္အားထက္သန္စြာ လုပ္ၾကတယ္။ တုိင္းေဒသႀကီးရဲ႕ ခြင့္ျပဳခ်က္နဲ႔ အေျပာင္းအလဲျပဳလုပ္တဲ့ အေရြ႔တစ္ခုမွာ သူတုိ႔က လုိက္ပါၿပီး မေျပာင္းခ်င္ၾကေတာ႔ ဆႏၵေဖာ္ထုတ္ၾကတာေပါ့"ဟု ေဂါပက ဥကၠဌ ဦးသိန္းလိႈင္က ေျပာသည္။

ေစာင္းတန္းအား သံဇကာတပ္ဆင္ရျခင္းမွာ ဘုရားဖူးျပည္သူမ်ား အလင္းေရာင္ေကာင္းမြန္စြာရရွိေစရန္၊ ေလေကာင္းေလသန္႔ရရွိေစရန္သာမက ယခင္ႏွစ္မ်ားက ဘုရားပြဲခင္းမွ ၾကည့္ရႈပါက ေစ်းဆိုင္မ်ားမွ ကာ ရံထားသည္႔ ထရံမ်ား၊ မိုးကာစမ်ားျဖင္႔ အျမင္တင္႔တယ္ျခင္းမရိွ၍ အျမင္တင့္တယ္ေစရန္၊ ေစာင္းတန္းသံုးသြယ္အနက္ ဘုရားပြဲခင္းဘက္အျခမ္း ေစာင္းတန္းအား သံဇကာကာရံ၍ ေစ်းသည္မ်ားအား အျခားဘက္ ျခမ္း ေစာင္းတန္းတြင္ ေနရာခ်ထားေပးရန္ စီစဥ္ျခင္းျဖစ္ေၾကာင္း သိရသည္။

သတင္း၊ဓါတ္ပံု #ဖီးနစ္

~~~~~~~~⊰❂ unicode ~~~~~~~~
မင်းဘူးရွှေစက်တော် စောင်းတန်းသံဇကာတပ်ဆင်လိုက်၍ စျေးသည်(၁၀၀)ခန့် ဆန္ဒဖော်ထုတ်
**********
မကွေးတို်င်းဒေသကြီး မင်းဘူး/စကုမြို့နယ် မင်းဘူးမြို့၌ မန််းရွှေစက်တော် အထက်စက်တော်ရာ စောင်းတန်းအား သံဇကာတပ်ဆင်လိုက်သဖြင့် အဆိုပါနေရာတွင် နှစ်စဉ်စျေးရောင်းချနေသည့် စျေးသည် (၁၀၀) ခန့်က စျေးရောင်းရန်နေရာအတွက် ဇန်နဝါရီလ (၁၃)ရက်နေ့တွင် ဆန္ဒဖော်ထုတ်ကြကြောင်း သိရသည်။

"အထက်စက်တော်ရာစောင်းတန်းမှာ အောက်ခြေကနေ ကိုးခန်းကြီးအထိ သံဇကာတွေကာလိုက်တဲ့အ တွက် ကျွန်တော်တို့ စျေးသည်တွေ မူလနေရာပျောက်ကုန်ပါတယ်။ နယ်ပေါင်းစုံက လာကြရတာဖြစ်လို့ အခု ကြုံတွေ့ရတဲ့အခက်အခဲကို ဂေါပကကိုတင်ပြပေမဲ့ ဖြေရှင်းမပေးနိုင်ကြပါဘူး"ဟု မုံရွာမြို့မှလာရောက်သည့် ဈေးသည်တစ်ဦးဖြစ်သူ ဦးအောင်တင့့်က တာချီလိတ်သတင်းအေဂျင်စီသို့ ပြောသည်။

အဆိုပါစျေးသည်များက သံဇကာတပ်ဆင်လိုက်သည့် စောင်းတန်းနေရာတွင် စျေးပြန်လည်ရောင်းချခွင့်အတွက် တိုင်းဒေသကြီးအစိုးရအဖွဲ့ထံလည်း တင်ပြခဲ့ကြကြောငး် သိရသည်။

" ရွှေစက်တော်ဘုရားဟာ တိုင်းရဲ့ကျက်သရေဆောင် ဖြစ်သလို နိုင်ငံရဲ့ ကျက်သရေဆောင်လည်း ဖြစ်တာကြောင့် အဆင့်မီတိုးတက်အောင် ဂေါပကတွေက စိတ်အားထက်သန်စွာ လုပ်ကြတယ်။ တိုင်းဒေသကြီးရဲ့ ခွင့်ပြုချက်နဲ့ အပြောင်းအလဲပြုလုပ်တဲ့ အရွေ့တစ်ခုမှာ သူတို့က လိုက်ပါပြီး မပြောင်းချင်ကြတော့ ဆန္ဒဖော်ထုတ်ကြတာပေါ့"ဟု ဂေါပက ဥက္ကဌ ဦးသိန်းလှိုင်က ပြောသည်။

စောင်းတန်းအား သံဇကာတပ်ဆင်ရခြင်းမှာ ဘုရားဖူးပြည်သူများ အလင်းရောင်ကောင်းမွန်စွာရရှိစေရန်၊ လေကောင်းလေသန့်ရရှိစေရန်သာမက ယခင်နှစ်များက ဘုရားပွဲခင်းမှ ကြည့်ရှုပါက စျေးဆိုင်များမှ ကာ ရံထားသည့် ထရံများ၊ မိုးကာစများဖြင့် အမြင်တင့်တယ်ခြင်းမရှိ၍ အမြင်တင့်တယ်စေရန်၊ စောင်းတန်းသုံးသွယ်အနက် ဘုရားပွဲခင်းဘက်အခြမ်း စောင်းတန်းအား သံဇကာကာရံ၍ စျေးသည်များအား အခြားဘက် ခြမ်း စောင်းတန်းတွင် နေရာချထားပေးရန် စီစဉ်ခြင်းဖြစ်ကြောင်း သိရသည်။

သတင်း၊ဓါတ်ပုံ #ဖီးနစ်

 #TachileikNewsAgency #TachileikOnlineNews  #တာခ်ီလိတ္သတင္းေအဂ်င္စီ www.tachileik.net  
~~~~~~ ေၾကာ္ျငာ ~~~~~~