~~~~~~~~⊰❂ unicode ❂⊱~~~~~~~~

တာချီလိတ်မြို့ မဇ္ဇျိမလူမှုကူညီရေးအသင်းမှ ဘတ်လေးသိန်းကျော်ကုန်ကျသည့် နိဗ္ဗာန်ယာဉ်အတွက် ထပ်မံလှူဒါန်းလိုသူများ ဒီဇင်ဘာ ၁၀ ရက် နောက်ဆုံးထား၍ လှူဒါန်းနိုင်
***********
ရှမ်းပြည်နယ်(အရှေ့ပိုင်း) တာချီလိတ်မြို့မှ လူမှုကူညီရေးအဖွဲ့တစ်ခုဖြစ်သည့် မဇ္ဈိမလူမှုကူညီရေးအသင်းက လူမျိုးဘာသာမရွေးအခမဲ့ကူညီပေးမည့် ဘတ်လေးသိန်းကျော်ကုန်ကျသည့် နိဗ္ဗာန်ယာဉ်အတွက်  တာချီလိတ်မှ အလှူရှင်များ၏ စုပေါင်းလှူဒါန်းမှု ဘတ်နှစ်သိန်းကျော်ရှိနေပြီး ထပ်မံလှူဒါန်းလိုသူများရှိပါက ဒီဇင်ဘာလ (၁၀)ရက်နေ့အထိ လှူဒါန်းနိုင်ကြောင်း သိရသည်။

“ကားက ဘတ်လေးသိန်းကျပါတယ်။ ထပ်ပြီးမွမ်းမံပြင်ဆင်တာနဲ့ဆိုတော့ စုစုပေါင်း ဘတ် (၄၂၀၀၀၀)လောက် ကျသွားတယ်။ ဒါကို မတည်လှူဒါန်းသူတွေက ဒီဘက်ထိ သယ်လာပေးတာပါ။ လှူဒါန်းလိုသူတွေရှိရင်တော့ ဒီဇင်ဘာလ (၁၀)ရက်နေ့အထိ လှူဒါန်းနိုင်ပါတယ်။ (၁၀)ရက်ကျော်ရင်တော့ လှူတဲ့သူမရှိလည်း အသင်းက စိုက်ထုတ်ပြီး ငွေရှင်းတော့မှာပါ”ဟု မဇ္ဇျိမလူမှုကူညီရေးအသင်းဥက္ကဌ ဦးတင့်ဆွေက ပြောသည်။

အဆိုပါနှိဗ္ဗာန်ယာဉ် ဝယ်ယူနိုင်ရေးအတွက် မြင့်ဦးအောင် သတ္တုတူးဖေါ်ရေးလုပ်ငန်းမှ ဦးမြင့်ဦးနှင့် ဒေါ်နန်းသောင်းက ဘတ်ငွေ(၁)သိန်း၊ ဗမာတိုင်းရင်းသားယဉ်ကျေးမှုအဖွဲ့မှ ကိုဉာဏ်ဝင်းနှင့် မဖြူဖြူအေးတို့က ဘတ်ငွေငါးသောင်း၊ ဟိန်းလင်းစံကုမ္ပဏီမှ ကိုလောတာက ဘတ်ငွေငါးသောင်း၊ တော်ဝင်မြန်မာမှ ဦးကြည်မြင့်က ဘတ်ငွေတစ်သောင်း၊ ဟိုတယ်တာချီလိတ်မှ ဦးထွန်းနေဦးက ဘတ်ငွေတစ်သောင်း၊ 1G1 ဟိုတယ်မှ ဦးအောင်နိုင်က ဘတ်ငွေတစ်သောငး်၊ စည်ပင်သာယာဌာနမှ ဦးလှမျိုးက ဘတ်ငွေတစ်သောင်း စုစုပေါင်း ဘတ်ငွေ (၂၄၀၀၀၀)တို့လှူဒါန်းထားကြောင်း သိရသည်။

အဆိုပါ နိဗ္ဗာန်ယာဉ်အား မဇ္ဇျိမလူမှုကူညီရေးအသင်း၏ ဒီဇင်ဘာလ (၁၂)ရက်နေ့တွင် သက်တမ်း (၅)နှစ်ပြည့်အတွက် လှူဒါန်းပေးသွားမည်ဖြစ်ကြောင်း သိရသည်။