~~~~~~~~⊰❂ unicode ❂⊱~~~~~~~~

နိုင်ငံတော်၏အတိုင်ပင်ခံပုဂ္ဂိုလ်နှင့် ကယားပြည်နယ် ဒေသခံလူငယ်များ၊ အရပ်ဖက်အဖွဲ့များနှင့် တိုင်းရင်းသားလက်နက်ကိုင်အဖွဲ့များ တွေ့ဆုံ
*******
နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဒီဇင်ဘာလ (၂၉) ရက်နေ့တွင် ကယားပြည်နယ်၊ လွိုင်ကော်မြို့သို့ နေ့ချင်းပြန်ခရီးရောက်ရှိနေပြီး ဒေသခံလူငယ်များနှင့် ငြိမ်းချမ်းရေးစကားဝိုင်း၊ အရပ်ဖက်အဖွဲ့အစည်းများ၊ တိုင်းရင်းသားလက်နက်ကိုင်အဖွဲ့များနှင့် တွေ့ဆုံနေကြောင်းသိရသည်။

နိုင်ငံတော်၏ အတိုင်ပင်ခံပုဂ္ဂိုလ်နှင့် ဒေသခံလူငယ်များ၏ ငြိမ်းချမ်းရေးစကားဝိုင်းအား ဒီဇင်ဘာလ (၂၉)ရက်နေ့ နံနက် (၉)နာရီမှစ၍ ကယားပြည်နယ် လွိုင်ကော်မြို့ရှိ ပြည်နယ်ခန်းမတွင် လူငယ်များနှင့် စကားဝိုင်းဆွေးနွေးနေပြီး နေ့လယ်ပိုင်းတွင်  ပြည်နယ်အစိုးရရုံးခန်းမ၌ ဒေသတွင်းရှိ အရပ်ဖက်အဖွဲ့စည်းများ၊ တိုင်းရင်းသားလက်နက်ကိုင်အဖွဲ့များနှင့် တွေ့ဆုံဆွေးနွေးမှုများ ပြုလုပ်သွားမည်ဖြစ်သည်။

လူငယ်များနှင့် စကားဝိုင်းဆွေးနွေးပွဲတွင် နိုင်ငံတော်၏ အတိုင်ပင်ခံပု၈္ဂိုလ် ဒေါ်အောင်ဆန်းစုကြည်နှင့်အတူ ကယားပြည်နယ်မှ ဒေါ်အော်လေးဗီယာ၊ ရီးဖရားရယ်ရီးလို၊ ဒေါ်မို့မို့ထင်ဇော်မွန်၊ ဦးစိုးရာဇာဝင်း၊ ဒေါ်နှင်းနုဝေ၊ ဦးမာရီးယို၊ ဒေါ်အဲလစ်ထွန်းနှင့် ဦးသျှားရယ်တို့ (၈)ဦးက ဆွေးနွေးနေကြပြီး အဆိုပါဆွေးနွေးပွဲနှင့်ပတ်သက်၍ နိုင်ငံတော်၏ အတိုင်ပင်ခံပုဂ္ဂိုလ်ထံ မေးခွန်းမေးမြန်းလိုသူများ https://www.facebook.com/ state.counsellor/ နှင့် https://www.facebook.com/ InfomationCommittee တို့တွင် ဝင်ရောက်မေးမြန်းနိုင်ကြောင်း သိရသည်။

သတင်း၊ဓါတ်ပုံ #ဆန်းဖြိုးထွန်း