~~~~~~~~⊰❂ unicode ❂⊱~~~~~~~~

ရှမ်းပြည်နယ် (အရှေ့ပိုင်း) တာချီလိတ်မြို့၊ ဝမ်ကောင်းရပ်ကွက်တွင် တရားမဝင်မွေးမြူထားသဖြင့် ဖမ်းဆီးထိန်းသိမ်းထားသည့် လိပ်ကြက်တူရွေး (၃၄၂)ကောင်အား ဘန့်ဘွေးလိပ်ထိန်းသိမ်းရေးစခန်းသို့ ပို့ဆောင်မည့် တာဝန်ရှိသူများထံ အောက်တိုဘာလ (၃၁)ရက်နေ့တွင် ခရိုင်/မြို့နယ်သစ်တောဦးစီးဌာနက လွှဲပြောင်းပေးလိုက်သည်။

အဆိုပါ လိပ်များအား ရှမ်းပြည်နယ်(မြောက်ပိုင်း)နောင်ချိုမြို့နယ်ရှိ ဘန့်ဘွေးလိပ်ထိန်းသိမ်းရေးစခန်းသို့ မြန်မာနိုင်ငံသားငှက်ထိန်းသိမ်းရေးအဖွဲ့(WCS)နှင့် လိပ်မျိုးဆက်ရှင်သန်ရေးအဖွဲ့(TSA) တို့မှ တာဝန်ရှိသူများက ပို့ဆောင်ပေးမည်ဖြစ်သည်။

"လိပ်ကြက်တူရွေးတွေဟာ ထုံးကျောက်တောင်တွေမှာပဲ အနေများတဲ့ အတွက် ဒီဒေသဝန်းကျင်မှာပဲ နေထိုင်တဲ့ လိပ်တွဖြေစ်ပါတယ်။ ထုံးကျောက်တောင်တွေ ရှိတဲ့ မိုင်းတုံတို့၊ မိုင်းဆတ်တို့က လိပ်တွေပါ။ ဒီလိပ်တွေရဲ့လှပမှုရယ် ဖွတ်နဲ့တူတယ်၊ ထူးဆန်းတယ်ဆိုပြီးတော့ တရုတ်ပြည်က ဝယ်သလို ဒီလိပ်တွေက အထီးနှစ်ကောင်ရှိရင် တစ်ကောင်နဲ့ တစ်ကောင်သတ်ကြတဲ့အတွက် တရုတ်ပြည်မှာ အထီးအချင်းချင်း တိုက်ခိုင်းတာတွေ လုပ်တဲ့အတွက် သူတို့တွေက ကျွန်မတို့ဆီက ဝယ်နေတာဖြစ်ပါတယ်။ ပြီးတော့ လိပ်ကြက်တူရွေးတွေက သူတို့ဆီမှာလည်း ရှိတယ်။ ဒါပေမဲ့ သူတို့ဆီမှာက မျိုးပြုန်းနပြေီဖြစ်တဲ့အတွက် သူတို့က တာချီလိတ်ကို အဓိကအနေနဲ့ ပစ်မှတ်ထားပြီးတော့ လိပ်အကောင်အရေအတွက် အများကြီးကို မှောင်ခိုဈေးကွက်တွေကနေတစ်ဆင့် ဝယ်နေတာဖြစ်ပါတယ်"ဟု မြန်မာနိုင်ငံ လိပ်မျိုးဆက်ရှင်သန်ရေးအဖွဲ့ (TSA)မှ ဒါရိုက်တာ ဒေါက်တာ ဒေါ်ကလျာက တာချီလိတ်သတင်းအေဂျင်စီသို့ ပြောသည်။

လိပ်များမှာ လူများကဲ့သို့ ကြေညက်အောင် ဝါးစားနိုင်သည့် အံသွားများ မပါသည့်အတွက် အသီးများကို စားသုံးကာ အသီးများ၏ အစေ့များကို မစင်အဖြစ်စွန့်၍ သစ်ပင်များကို စိုက်ပျိုးပေးနခြေင်းဖြစ်ပြီး လိပ်ကြက်တူရွေးများမှာ အခြားသောလိပ်များထက် အားအင်ရှိသည့်အတွက် ထုံးကျောက်တောင်များ၊ ချောက်ကမ်းပါးများ၊ ရေတံခွန်များ မပြိုကျစေရန် အပင်များစိုက်ပျိုးကာ ထိန်းသိမ်းပေးသည့် လိပ်များဖြစ်သည့် အပြင် ရေချောင်းများအတွင်းမှ ရေညှိ၊ ရေမှော်နှင့် အညစ်အကြေးများကိုလည်း စားသုံးပေးနေသည့်အတွက် ဂေဟဗေဒစနစ်ကို အကျိုးပြုနေသည့် လိပ်မျိုးစိတ်ဖြစ်ကြောင်း သိရသည်။

"ဒီတစ်ခေါက် ဖမ်းဆီးရမိတဲ့ လိပ်တွေအကုန်လုံး ကျန်းမာသန်စွမ်းကြပါတယ်။ တစ်ကောင်မှ သေဆုံးသွားတာ မရှိပါဘူး။ ဒီလိပ်တွေကို ကားနဲ့ နောင်ချိုမြို့နယ်ထဲမှာရှိတဲ့ ဘန့်ဘွေး လိပ်ထိန်းသိမ်းရေးစခန်းကို သယ်ဆောင်သွားမှာ ဖြစ်တဲ့အတွက် ကျွန်မနဲ့ အတူပါလာတဲ့ ဆရာဝန်နဲ့ ဒီက သစ်တောဝန်ထမ်းတွေ ပူးပေါင်းပြီးတော့ လိုအပ်တဲ့ အားဆေးတွေကို (၂)ရက်လောက်အထိ အချိန်ယူပြီး ထိုးပေးထားပါတယ်"ဟု၎င်းကဆက်ပြောသည်။

တာချီလိတ်မြို့မှ သယ်ဆောင်သွားသော လိပ်ကြက်တူရွေးများကို ဘန့်ဘွေးလိပ်ထိန်းသိမ်းရေးစခန်းတွင် နိုင်ငံခြားသား ဆရာဝန်များနှင့် ပူးပေါင်းကာ ကုသမှုများ၊ ပြန်လည်သန်စွမ်းလာရေး ဆောင်ရွက်ချက်များနှင့် မျိုးပွားခြင်းလုပ်ငန်းများကို ပြန်လည်လုပ်ဆောင်ကာ ယင်းလိပ်များနှင့် သင့်လျော်သော အပူချိန်၊ နေရာဒေသများတွင်ရှိသည့် သဘာဝဘေးမဲ့တောများတွင် ပြန်လည် လွှတ်ပေးသွားမည်ဖြစ်ကြောင်း သိရသည်။

" ဒီလိပ်တွေက အအေးကြိုက်တဲ့အတွက် အဲယားကွန်းကားနဲ့ လမ်းခရီးတစ်လျှောက်လုံး အအေးပေးပြီး သယ်သွားမှာပါ။ ရှေ့တစ်ခေါက်က ဖမ်းမိတဲ့ လိပ်တွေကို လေယာဉ်နဲ့ သယ်ခဲ့ပေမဲ့ လမ်းခရီးတစ်လျှောက်လုံးမှာ သူတို့ နေနို်င်တဲ့ အပူချိန်ကို မထားပေးနိုင်တဲ့အတွက် ဒီတစ်ခေါက်မှာ အခုလို ကားနဲ့သယ်ဖို့ စီစဉ်လိုက်တာပါ။ ကျွန်တော်တို့ ဒီမှာထားတုန်းကလည်း သူတို့တွေ ကျန်းမာဖို့အတွက် ဆေးထိုးပေးပြီးတော့ အခန်းငှါးထားပြီး အမြဲတမ်း အဲယားကွန်းဖွင့်ပေးပြီး ထားထားရပါတယ်"ဟု တာချီလိတ်ခရိုင် သစ်တောဦးစီးဌာနမှ လက်ထောက်ညွှန်ကြားရေးမှူး ဦးမျိုးလွင်က တာချီလိတ်သတင်းအေဂျင်စီသို့ ပြောသည်။

သစ်တောဦးစီးဌာနမှ လိပ်များကို ဥပဒေနှစ်မျိုးဖြင့် ကာကွယ်ထားရှိပြီး လုံးဝကာကွယ်ထားသည့် လိပ်ကို ဖမ်းဆီး၊ လက်ဝယ်ထားရှိလျှင် ထောင်ဒဏ်(၇)နှစ်နှင့် ကျပ်(၅၀၀၀၀)၊ သာမန်ကာကွယ်ထားသည့်လိပ်ကို ဖမ်းဆီး၊ လက်ဝယ်ထားရှိလျှင် ထောက်ဒဏ်(၅)နှစ် နှင့် ကျပ်(၃၀၀၀၀) အထိ အရေးယူနိုင်ပြီး လိပ်ကြက်တူရွေးများမှာ လုံးဝကာကွယ်ထားသည့် လိပ်မျိုးစိတ်ဖြစ်ကြောင်း သိရသည်။

၂၀၁၆ခုနှစ် နိုဝင်ဘာလ(၂)ရက်နေ့က တာချီလိတ်တွင် ဖမ်းဆီးရရှိထားသော လိပ်(၈၅၃)ကောင်တွင် (၇၁)ကောင်သေဆုံးသွားခဲ့ပြီး၊ အသက်ရှင်ကျန်ရှိသည့် လိပ်(၇၈၂)ကောင်ကို နောင်ချိုမြို့နယ် ဘန့် ဘွေးလိပ်ထိန်းသိမ်းရေးစခန်းသို့ လွှဲပြောင်းပေးအပ်ခဲ့ဖူးကြောင်း သိရသည်။

သတင်း/ဓာတ်ပုံ #ဇွဲမြတ်