ရွမ္းျပည္နယ္(ေျမာက္ပိုင္း) လားရွိုးၿမိဳ႕နယ္ ခိုက္ေထြေက်းရြာအနီး ခိုက္ေထြ-မယ္ဟန္လမ္းပိုင္းတြင္ စက္တင္ဘာလ (၂၅)ရက္ေန႔က ေထာ္လာဂ်ီယာဥ္တစ္စီး အရွိန္မထိန္းႏုိင္ဘဲ တိမ္းေမွာက္မႈေၾကာင့္ (၂)ဦးေသဆံုး၊ (၁)ဦးဒဏ္ရာရၿပီး ယာဥ္ေမာင္းႏွင္သူ တိမ္းေရွာင္ေနေၾကာင္း သိရသည္။
ခိုက္ေထြေက်းရြာမွ မယ္ဟန္ေက်းရြာသို႔ အိုက္ေမာင္ဆိုသူ ေမာင္းႏွင္လာၿပီး အမ်ိဳးသမီးႏွစ္ဦးႏွင့္ အမ်ိဳးသားတစ္ဦးလုိက္ပါလာသည့္ ေထာ္လာဂ်ီယာဥ္မွာ အရွိန္မထိန္းနိုင္ဘဲ လမ္းဝဲဘက္သို႔ တိမ္းေမွာက္သြားျခင္းျဖစ္ေၾကာင္း သိရသည္။
ယာဥ္တိမ္းေမွာက္မႈေၾကာင့္ ယာဥ္ေပၚလိုက္ပါလာသည့္ အမ်ိဳးသမီးတစ္ဦးမွာ ေနရာတြင္ ေသဆံုးသြားၿပီး အမ်ိဳးသမီးတစ္ဦးမွာ ရရိွေသာဒဏ္ရာမ်ားျဖင့္ လားရိႈးျပည္သူ႔ေဆးရံုသို႔ တင္ပို႔ ကုသစဥ္ ေသဆံုးသြားျခင္း ျဖစ္ေၾကာင္း သိရသည္။
ဒဏ္ရာရသြားသည့္အမ်ိဳးသားမွာ ဒဏ္ရာရသြားေသာ္လည္း စိုးရိမ္ရသည့္အေျခအေနတြင္ မရိွေၾကာင္း သိရသည္။
အဆိုပါယာဥ္တိမ္းေမွာက္မႈႏွင့္ပတ္သက္၍ ထြက္ေျပးတိမ္းေရွာင္ေနသည့္ ယာဥ္ေမာင္း အိုက္ေမာင္အား လားရွိုးၿမိဳ႕မရဲစခန္းတြင္ ယာဥ္(ပ)၄၃/၂၀၁၇ ရာဇသတ္ႀကီးပုဒ္မ ၂၇၉/၃၃၇/ ၃၃၈/၃၀၄-က/၂၀၂ (ယာဥ္မဆင္မျခင္ ေမာင္းႏွင္မႈ/ ေပါ့ေလ်ာ့မႈေၾကာင့္ သာမန္/ ျပင္းထန္နာက်င္ေစမႈ/ လူေသမႈ/ သတင္းေပးရန္ ပ်က္ကြက္မႈ) တို႔ျဖင့္ အမႈဖြင့္ေဆာင္ရြက္ေနေၾကာင္း သိရသည္။
သတင္း - နန္းဟြမ္ခမ္း
~~~~~~~~⊰❂ unicode ❂⊱~~~~~~~~
ခိုက်ထွေကျေးရွာမှ မယ်ဟန်ကျေးရွာသို့ အိုက်မောင်ဆိုသူ မောင်းနှင်လာပြီး အမျိုးသမီးနှစ်ဦးနှင့် အမျိုးသားတစ်ဦး လိုက်ပါလာသည့် ထော်လာဂျီယာဉ်မှာ အရှိန် မထိန်းနိုင်ဘဲ လမ်းဝဲဘက်သို့ တိမ်းမှောက် သွားခြင်းဖြစ်ကြောင်း သိရသည်။
ယာဉ်တိမ်းမှောက်မှုကြောင့် ယာဉ်ပေါ်လိုက်ပါလာသည့် အမျိုးသမီးတစ်ဦးမှာ နေရာတွင် သေဆုံးသွားပြီး အမျိုးသမီး တစ်ဦးမှာ ရရှိသော ဒဏ်ရာများဖြင့် လားရှိုးပြည်သူ့ ဆေးရုံတင်ပို့ ကုသစဉ် သေဆုံးသွားခြင်း ဖြစ်ကြောင်း သိရသည်။
ဒဏ်ရာရသွားသည့် အမျိုးသားမှာ ဒဏ်ရာ ရသွားသော်လည်း စိုးရိမ်ရသည့်အခြေအနေတွင် မရှိကြောင်း သိရသည်။
အဆိုပါယာဉ်တိမ်းမှောက်မှုနှင့်ပတ်သက်၍ ထွက်ပြေးတိမ်းရှောင်နေသည့် ယာဉ်မောင်း အိုက်မောင်အား လားရှိုးမြို့မရဲစခန်းတွင် ယာဉ်(ပ)၄၃/၂၀၁၇ ရာဇသတ်ကြီးပုဒ်မ ၂၇၉/၃၃၇/ ၃၃၈/၃၀၄-က/၂၀၂ (ယာဉ်မဆင်မခြင် မောင်းနှင်မှု/ ပေါ့လျော့မှုကြောင့် သာမန်/ ပြင်းထန်နာကျင်စေမှု/ လူသေမှု/ သတင်းပေးရန် ပျက်ကွက်မှု) တို့ဖြင့် အမှုဖွင့်ဆောင်ရွက်နေကြောင်း သိရသည်။
သတင်း - နန်းဟွမ်ခမ်း
