Update News

ေက်ာက္မဲၿမိဳ႕နယ္အတြင္း ၾကက္ဥၾကက္သားေစ်းႏႈန္းက်ဆင္း၍ ျပင္ဦးလြင္ေစ်းကြက္ တင္ပို႔ေနရ

ရွမ္းျပည္နယ္ (ေျမာက္ပိုင္း) ေက်ာက္မဲၿမိဳ႕နယ္အတြင္း ၾကက္ငွက္တုပ္ေကြးေရာဂါျဖစ္ပြားမည္ကို စိုးရိမ္မႈမ်ားေၾကာင့္ ဇူလိုင္လမွစ၍ ၾကက္ဥ၊ ၾကက္သားေစ်းႏႈန္းက်ဆင္းၿပီး ေရာင္းအားက်လာသျဖင့္ ျပင္ဦးလြင္အထိပါ တင္ပို႔ေရာင္းခ်ေနရေၾကာင္း သိရသည္။

“ၾကက္ငွက္တုပ္ေကြးေရာဂါက ျဖစ္ပြားမႈမရွိပါဘူး။ ဒါေပမဲ့ စားသံုးသူေတြက အဲဒီေရာဂါစတင္လာတဲ့အခ်ိန္ကစၿပီး ၾကက္ဥ၊ ၾကက္သားဝယ္ယူမႈႏႈန္း က်ဆင္းသြားတယ္။ ေစ်းေတြလည္း ခဏခဏက်တယ္။ ဒီႏွစ္ မိုးရာသီထဲမွာ ၾကက္ဥေစ်း တစ္ပိႆကို (၁၄၀၀) က်ပ္ဝန္းက်င္အထိ က်ထားတယ္။ လတ္တေလာေစ်းႏႈန္းလည္း တည္ၿငိမ္မႈမရွိဘူး။ တစ္ခ်ိဳ႕လုပ္ငန္းရွင္ေတြကေတာ့ ျပင္ဦးလြင္ဘက္ကို ဆင္းၿပီး ေရာင္းေနရတယ္” ဟု ေက်ာက္မဲရွိ တံခြန္စုေပါင္းေမြးျမဴေရးဇုန္မွ ၾကက္ေမြးျမဴေရးလုပ္ငန္းရွင္တစ္ဦးျဖစ္သည့္ ကိုေမာင္ႀကီးက တာခ်ီလိတ္သတင္းေအဂ်င္စီသို႔ ေျပာသည္။

ၾကက္ဥတစ္ပိႆေစ်းႏႈန္းမွာ ဇြန္လအတြင္းက က်ပ္(၂၄၀၀) ဝန္းက်င္အထိရွိခဲ့ေသာ္လည္း ၾသဂုတ္လအတြင္း တစ္ပိႆလ်ွင္ က်ပ္(၁၄၀၀)ဝန္းက်င္အထိ ေစ်းႏႈန္းက်ဆင္းသြားၿပီး အမ်ားဆံုးမွာ က်ပ္(၂၀၀၀)ႏႈန္းသာ ေရာင္းခ်ရေၾကာင္း သိရသည္။

“ၾကက္ဥတစ္ပိႆရဲ့အရင္းက က်ပ္(၁၈၀၀)ရွိတယ္။ အခု တစ္ပိႆမွ (၂၀၀၀)က်ပ္ပဲရတာဆိုေတာ့ (၂၀၀) ျမတ္တယ္ဆိုေပမဲ့ ဥစားၾကက္ကို အရြယ္ေရာက္တဲ့အထိေမြးထားရတဲ့ ကုန္က်စရိတ္ကိုျပန္မရဘူး။ ရံႈးတယ္ ဆိုေပမဲ့လည္း ရတဲ့ေစ်းနဲ႔ပဲေရာင္းရတာပဲ။ ေစ်းျပန္တက္လာမယ့္အခ်ိန္ကိုပဲ ေမွ်ာ္လင့္ေနရတယ္” ဟု        ေမြးျမဴေရးလုပ္ကိုင္သူတစ္ဦးက ေျပာသည္။

ေဒသတြင္း ၾကက္ေမြးျမဴေရးၿခံမ်ားအား ေမြးျမဴေရးႏွင့္ကုသေရးဦးစီးဌာနက စစ္ေဆးျခင္း၊ ေရာဂါမျဖစ္ပြားေစရန္ ႀကိဳတင္ကာကြယ္ေရး လုပ္ငန္းမ်ားေဆာင္ရြက္ရန္ လမ္းညႊန္ျခင္းတုိ႔အား လုပ္ေဆာင္ေပးေနေၾကာင္း သိရသည္။

ေဒသတြင္း ၾကက္သားေစ်းႏႈန္းမ်ားလည္း က်ဆင္းလွ်က္ရွိၿပီး ယခင္က အသားတိုးၾကက္တစ္ပိႆလွ်င္ က်ပ္ (၄၀၀၀)ဝန္းက်င္ခန္႔ရွိခဲ့ေသာ္လည္း လက္ရွိတြင္ တစ္ပိႆလ်ွင္ က်ပ္ (၂၀၀၀)ခန္႔သာရေၾကာင္း သိရသည္။
သတင္း၊ဓါတ္ပံု #ေနၿဖိဳးျမင့္


~~~~~~~~⊰❂ unicode ~~~~~~~~

ကျောက်မဲမြို့နယ်အတွင်း ကြက်ဥကြက်သားစျေးနှုန်းကျဆင်း၍ ပြင်ဦးလွင်စျေးကွက် တင်ပို့နေရ
******

ရှမ်းပြည်နယ် (မြောက်ပိုင်း) ကျောက်မဲမြို့နယ်အတွင်း ကြက်ငှက်တုပ်ကွေးရောဂါဖြစ်ပွားမည်ကို စိုးရိမ်မှုများကြောင့် ဇူလိုင်လမှစ၍ ကြက်ဥ၊ ကြက်သားစျေးနှုန်းကျဆင်းပြီး ရောင်းအားကျလာသဖြင့် ပြင်ဦးလွင်အထိပါ တင်ပို့ရောင်းချနေရကြောင်း သိရသည်။

“ကြက်ငှက်တုပ်ကွေးရောဂါက ဖြစ်ပွားမှုမရှိပါဘူး။ ဒါပေမဲ့ စားသုံးသူတွေက အဲဒီရောဂါစတင်လာတဲ့အချိန်ကစပြီး ကြက်ဥ၊ ကြက်သားဝယ်ယူမှုနှုန်း ကျဆင်းသွားတယ်။ စျေးတွေလည်း ခဏခဏကျတယ်။ ဒီနှစ် မိုးရာသီထဲမှာ ကြက်ဥစျေး တစ်ပိဿကို (၁၄၀၀) ကျပ်ဝန်းကျင်အထိ ကျထားတယ်။ လတ်တလောစျေးနှုန်းလည်း တည်ငြိမ်မှုမရှိဘူး။ တစ်ချို့လုပ်ငန်းရှင်တွေကတော့ ပြင်ဦးလွင်ဘက်ကို ဆင်းပြီး ရောင်းနေရတယ်” ဟု ကျောက်မဲရှိ တံခွန်စုပေါင်းမွေးမြူရေးဇုန်မှ ကြက်မွေးမြူရေးလုပ်ငန်းရှင်တစ်ဦးဖြစ်သည့် ကိုမောင်ကြီးက တာချီလိတ်သတင်းအေဂျင်စီသို့ ပြောသည်။

ကြက်ဥတစ်ပိဿစျေးနှုန်းမှာ ဇွန်လအတွင်းက ကျပ်(၂၄၀၀) ဝန်းကျင်အထိရှိခဲ့သော်လည်း သြဂုတ်လအတွင်း တစ်ပိဿလျှင် ကျပ်(၁၄၀၀)ဝန်းကျင်အထိ စျေးနှုန်းကျဆင်းသွားပြီး အများဆုံးမှာ ကျပ်(၂၀၀၀)နှုန်းသာ ရောင်းချရကြောင်း သိရသည်။

“ကြက်ဥတစ်ပိဿရဲ့အရင်းက ကျပ်(၁၈၀၀)ရှိတယ်။ အခု တစ်ပိဿမှ (၂၀၀၀)ကျပ်ပဲရတာဆိုတော့ (၂၀၀) မြတ်တယ်ဆိုပေမဲ့ ဥစားကြက်ကို အရွယ်ရောက်တဲ့အထိမွေးထားရတဲ့ ကုန်ကျစရိတ်ကိုပြန်မရဘူး။ ရှုံးတယ် ဆိုပေမဲ့လည်း ရတဲ့စျေးနဲ့ပဲရောင်းရတာပဲ။ စျေးပြန်တက်လာမယ့်အချိန်ကိုပဲ မျှော်လင့်နေရတယ်” ဟု မွေးမြူရေးလုပ်ကိုင်သူတစ်ဦးက ပြောသည်။

ဒေသတွင်း ကြက်မွေးမြူရေးခြံများအား မွေးမြူရေးနှင့်ကုသရေးဦးစီးဌာနက စစ်ဆေးခြင်း၊ ရောဂါမဖြစ်ပွားစေရန် ကြိုတင်ကာကွယ်ရေး လုပ်ငန်းများဆောင်ရွက်ရန် လမ်းညွှန်ခြင်းတို့အား လုပ်ဆောင်ပေးနေကြောင်း သိရသည်။

ဒေသတွင်း ကြက်သားစျေးနှုန်းများလည်း ကျဆင်းလျှက်ရှိပြီး ယခင်က အသားတိုးကြက်တစ်ပိဿလျှင် ကျပ် (၄၀၀၀)ဝန်းကျင်ခန့်ရှိခဲ့သော်လည်း လက်ရှိတွင် တစ်ပိဿလျှင် ကျပ် (၂၀၀၀)ခန့်သာရကြောင်း သိရသည်။
သတင်း၊ဓါတ်ပုံ #နေဖြိုးမြင့်

 #TachileikNewsAgency #TachileikOnlineNews  #တာခ်ီလိတ္သတင္းေအဂ်င္စီ www.tachileik.net  
~~~~~~ ေၾကာ္ျငာ ~~~~~~


« PREV
NEXT »

No comments

Post a Comment

:::::::::: လႈိက္လွဲစြာ ေက်းဇုူးတင္ရွိပါသည္ ::::::::::