Update News

တာခ်ီလိတ္ၿမိဳ႕ အာခါေစ်းလမ္းၾကားရွိ ေနအိမ္အခန္းငွားတြင္ အမ်ဳိးသားတစ္ဦးထံက စိတ္ၾကြေဆးမ်ား ဖမ္းမိ


တာခ်ီလိတ္ၿမိဳ႕ ၊ ၀ိန္းေက်ာက္ရပ္ကြက္၊ အာခါေစ်းလမ္းၾကားရွိ ေနအိမ္ အခန္းငွားတစ္ခုတြင္ မူးယစ္ေဆး၀ါး သတင္းအရ ၀င္ေရာက္ရွာေဖြရာမွ အမ်ဳိးသားတစ္ဦးထံက စိတ္ၾကြေဆးျပားမ်ားႏွင့္အတူ စိတ္ၾကြေဆးျပား ရွဴရာတြင္ အသံုးျပဳသည့္ပစၥည္းမ်ားအား ရွာေဖြသိမ္းဆည္းရမိေၾကာင္း ႏွင့္ မူးယစ္ေဆး ေရာင္းခ်ေပးသူဟု ယူဆရသူကိုလည္း ဖမ္းဆီးရမိထားေၾကာင္း မူးယစ္တပ္ဖြဲ႔စု(၃၀)တာခ်ီလိတ္မွ သိရသည္။

မူးယစ္တပ္ဖြဲ႔စု(၃၀)တာခ်ီလိတ္မွ တပ္ဖြဲ႔၀င္မ်ားႏွင့္ သက္ဆိုင္ရာ ပူးေပါင္းအဖြဲ႔တို႔သည့္ ၂၀၁၇ခုႏွစ္ စက္တင္ဘာလ(၅)ရက္ေန႔ ညေန(၃)နာရီ၀န္းက်င္အခ်ိန္က တာခ်ီလိတ္ၿမိဳ႕ ၀ိန္းေက်ာက္ရပ္ကြက္၊ အာခါေစ်းလမ္းၾကားရွိ ေနအိမ္အခန္းငွားတစ္ခုတြင္ မူးယစ္ေဆး၀ါးသတင္းအရ ၀င္ေရာက္ရွာေဖြရာမွ သတင္း ရရွိထားသည့္ ကိုသက္(ခ)ျမ၀င္းအား အိပ္ခန္းအတြင္း အသင့္ေတြ႕ရၿပီး ၎၏ ၀ဲဘက္ လက္အတြင္းမွ အျဖဴေရာင္ေကာ္ဘူးျဖင့္ ထည့္ထားသည့္ Wy စာတမ္းပါ ပန္းေရာင္စိတ္ၾကြေဆးျပား (၅၄)ျပားအားလည္းေကာင္း၊ ၎အိပ္သည့္ အိပ္ယာေခါင္းရင္း ၾကမ္းျပင္ေပၚမွ အေအးစုပ္ပိုက္ျဖင့္ထည့္လ်က္ အေလးခ်ိန္ (၀.၆)ဂရမ္ခန္႔ရွိသည့္ ဘိန္းျဖဴမႈန္႔အားလည္းေကာင္း၊ စိတ္ၾကြေဆးရွဴရာတြင္ အသံုးျပဳသည့္ ပိုက္တပ္လ်က္ အျဖဴေရာင္ ေကာ္ဘူး(၂)ဘူး ႏွင့္ Nokia အမ်ဳိးအစား အနက္ေရာင္ လက္ကိုင္ဖုန္း (၁)လံုးတို႔အား လည္းေကာင္း ရွာေဖြေတြ႕ရွိ သိမ္းဆည္းရမိခဲ့ျခင္းျဖစ္ေၾကာင္း သိရသည္။

ဆက္လက္၍ အဆိုပါ ပူးေပါင္းအဖြဲ႔က ကိုသက္အား စစ္ေဆးေမးျမန္းရာမွ ၎ထံက သိမ္းဆည္းရမိေသာ မူးယစ္ေဆး၀ါးမ်ားသည္ တာခ်ီလိတ္ၿမိဳ႕နယ္ မိုင္းကိုးေက်းရြာအုပ္စု၊ မယ္လိတ္ပါေကာ္ေက်းရြာတြင္ ေနထိုင္သူ ယားပါထံက ၀ယ္ယူခဲ့ျခင္းျဖစ္ေၾကာင္း သိရသည့္အတြက္ ဆက္လက္စံုစမ္းေဖာ္ထုတ္ရာ ကြင္းဆက္တရားခံ ယားပါ အား သစ္လြင္မိုးဆီပန္႔အနီးရွိ ကားလမ္းမေပၚတြင္ ေတြ႕ရွိကာ ဖမ္းဆီးႏိုင္ခဲ့ေၾကာင္းႏွင့္ ၎ထံက Nokia အမ်ဳိးအစား လက္ကိုင္ဖုန္း (၁)လံုး ႏွင့္ Honda Wave-110 အမ်ဳိးအစား နီ/နက္ေရာင္ ဆိုင္ကယ္(၁)စီးတို႔အား သိမ္းဆည္းရမိေၾကာင္း သိရသည္။

အဆိုပါ ကိစၥမ်ားႏွင့္ ပတ္သက္၍ မူးယစ္ေဆး၀ါးမ်ားႏွင့္အတူ လက္၀ယ္ေတြ႕ရွိရသူ ကိုသက္(ခ)ျမ၀င္း ႏွင့္ ေဆး၀ါးေရာင္းခ်ေပးသူဟု သိရွိရသူ ယားပါ တို႔အား တာခ်ီလိတ္ၿမိဳ႕မရဲစခန္းတြင္ မယ(ပ) ၅၂/၂၀၁၇၊ မူး/စိတ္ပုဒ္မ ၁၅/၁၉(က)/၂၁အရ အမႈဖြင့္အေရးယူ ေဆာင္ရြက္ထားရွိေၾကာင္း သိရွိရသည္။







~~~~~~~~⊰❂ unicode ~~~~~~~~

တာချီလိတ်မြို့၊ ဝိန်းကျောက်ရပ်ကွက်၊ အာခါဈေးလမ်းကြားရှိ နေအိမ် အခန်းငှါးတစ်ခုတွင် မူးယစ်ဆေးဝါး သတင်းအရ ဝင်ရောက်ရှာဖွေရာမှ အမျိုးသားတစ်ဦးထံက စိတ်ကြွဆေးပြားများနှင့်အတူ စိတ်ကြွဆေးပြား ရှူရာတွင် အသုံးပြုသည့်ပစ္စည်းများအား ရှာဖွေသိမ်းဆည်းရမိကြောင်း နှင့် မူးယစ်ဆေး ရောင်းချပေးသူဟု ယူဆရသူကိုလည်း ဖမ်းဆီးရမိထားကြောင်း မူးယစ်တပ်ဖွဲ့စု(၃၀)တာချီလိတ်မှ သိရသည်။

မူးယစ်တပ်ဖွဲ့စု(၃၀)တာချီလိတ်မှ တပ်ဖွဲ့ဝင်များနှင့် သက်ဆိုင်ရာ ပူးပေါင်းအဖွဲ့တို့သည့် ၂၀၁၇ခုနှစ် စက်တင်ဘာလ(၅)ရက်နေ့ ညနေ(၃)နာရီဝန်းကျင်အချိန်က တာချီလိတ်မြို့ ဝိန်းကျောက်ရပ်ကွက်၊ အာခါဈေးလမ်းကြားရှိ နေအိမ်အခန်းငှါးတစ်ခုတွင် မူးယစ်ဆေးဝါးသတင်းအရ ဝင်ရောက်ရှာဖွေရာမှ သတင်း ရရှိထားသည့် ကိုသက်(ခ)မြဝင်းအား အိပ်ခန်းအတွင်း အသင့်တွေ့ရပြီး၎င်း၏ ဝဲဘက် လက်အတွင်းမှ အဖြူရောင်ကော်ဘူးဖြင့် ထည့်ထားသည့် Wy စာတမ်းပါ ပန်းရောင်စိတ်ကြွဆေးပြား (၅၄)ပြားအားလည်းကောင်း၊၎င်းအိပ်သည့် အိပ်ယာခေါင်းရင်း ကြမ်းပြင်ပေါ်မှ အအေးစုပ်ပိုက်ဖြင့်ထည့်လျက် အလေးချိန် (ဝ.၆)ဂရမ်ခန့်ရှိသည့် ဘိန်းဖြူမှုန့်အားလည်းကောင်း၊ စိတ်ကြွဆေးရှူရာတွင် အသုံးပြုသည့် ပိုက်တပ်လျက် အဖြူရောင် ကော်ဘူး(၂)ဘူး နှင့် Nokia အမျိုးအစား အနက်ရောင် လက်ကိုင်ဖုန်း (၁)လုံးတို့အား လည်းကောင်း ရှာဖွေတွေ့ရှိ သိမ်းဆည်းရမိခဲ့ခြင်းဖြစ်ကြောင်း သိရသည်။

ဆက်လက်၍ အဆိုပါ ပူးပေါင်းအဖွဲ့က ကိုသက်အား စစ်ဆေးမေးမြန်းရာမှ၎င်းထံက သိမ်းဆည်းရမိသော မူးယစ်ဆေးဝါးများသည် တာချီလိတ်မြို့နယ် မိုင်းကိုးကျေးရွာအုပ်စု၊ မယ်လိတ်ပါကော်ကျေးရွာတွင် နေထိုင်သူ ယားပါထံက ဝယ်ယူခဲ့ခြင်းဖြစ်ကြောင်း သိရသည့်အတွက် ဆက်လက်စုံစမ်းဖော်ထုတ်ရာ ကွင်းဆက်တရားခံ ယားပါ အား သစ်လွင်မိုးဆီပန့်အနီးရှိ ကားလမ်းမပေါ်တွင် တွေ့ရှိကာ ဖမ်းဆီးနိုင်ခဲ့ကြောင်းနှင့်၎င်းထံက Nokia အမျိုးအစား လက်ကိုင်ဖုန်း (၁)လုံး နှင့် Honda Wave-110 အမျိုးအစား နီ/နက်ရောင် ဆိုင်ကယ်(၁)စီးတို့အား သိမ်းဆည်းရမိကြောင်း သိရသည်။

အဆိုပါ ကိစ္စများနှင့် ပတ်သက်၍ မူးယစ်ဆေးဝါးများနှင့်အတူ လက်ဝယ်တွေ့ရှိရသူ ကိုသက်(ခ)မြဝင်း နှင့် ဆေးဝါးရောင်းချပေးသူဟု သိရှိရသူ ယားပါ တို့အား တာချီလိတ်မြို့မရဲစခန်းတွင် မယ(ပ) ၅၂/၂၀၁၇၊ မူး/စိတ်ပုဒ်မ ၁၅/၁၉(က)/၂၁အရ အမှုဖွင့်အရေးယူ ဆောင်ရွက်ထားရှိကြောင်း သိရှိရသည်။

 #TachileikNewsAgency #TachileikOnlineNews  #တာခ်ီလိတ္သတင္းေအဂ်င္စီ www.tachileik.net  
~~~~~~ ေၾကာ္ျငာ ~~~~~~


« PREV
NEXT »

No comments

Post a Comment

:::::::::: လႈိက္လွဲစြာ ေက်းဇုူးတင္ရွိပါသည္ ::::::::::