Update News

ရန္ကုန္ ဘုရင္႔ေနာင္ပဲြရံုမ်ားမွ ဆိုးေဆးပါ ငါးပိမ်ား မေကြးတိုင္းအတြင္း ဝင္ေရာက္လာမည္ဆိုေသာ သတင္းအရ မေကြးတိုင္း FDA က ေစ်းကြက္ေထာက္လွမ္းမႈမ်ား ျပဳလုပ္လ်က္ရိွ

မေကြးတိုင္းအတြင္းသို႔ ရန္ကုန္ ဘုရင္႔ေနာင္ပဲြရံုေစ်းကြက္မွ ခြင့္မျပဳဆိုးေဆးပါ ငါးပိမ်ား ဝင္ေရာက္ လာသည္ ဆိုေသာ သတင္းအရ မေကြးတိုင္းေဒသႀကီး FDA မွ ေစာင့္ၾကပ္ စစ္ေဆးမႈမ်ား ျပဳလုပ္ခဲ႔ရာ ေတြ႔ရိွ ျခင္း မရိွေသးေသာ္လည္း တိုင္းအတြင္းရိွ ငါးပိေစ်းကြက္သို႔ ေစ်းကြက္ေထာက္လွမ္းမႈမ်ား ျပဳလုပ္လ်က္ရိွေၾကာင္း FDA မေကြးတိုင္းတာဝန္ခံထံမွ သိရသည္။

"ရန္ကုန္ ဘုရင္႔ေနာင္ပဲြရံုေတြက ပဲဲျပားေတြနဲ႔ ငါးပိေတြကို FDA က ေရြ႕လ်ားဓာတ္ခြဲခန္းနဲ႔ စစ္ေဆးတဲ႔အခါ ပဲျပားေတြမွာ ေဖာ္မလင္ေတြ သံုးထားတာေတြ႔ရသလို ငါးပိေတြမွာလည္း ခြင္႔မျပဳဆိုးေဆးေတြ ပါရိွေနတာကို ေတြ႔ရတဲ႔ အတြက္ ဖ်က္ဆီးခဲ့တယ္လို႔ သိရပါတယ္။ ဒါေပမယ့္ ေနာက္ကြယ္မွာ သိုေလွာင္ထားတဲ႔ ငါးပိေတြကို ျပည္နယ္နဲ႔ တိုင္းအသီးသီး အထူးသျဖင္႔ မေကြး၊ ပဲခူး၊ စစ္ကိုင္းနဲ႔မႏၱေလးတို႔ ဆီကို ကားေတြနဲ႔ ပို႔ၿပီး ျဖန္႔ျဖဴးေနတယ္လို႔ သတင္းရတာေၾကာင္႔ ကၽြန္ေတာ္တို႔ မေကြးတိုင္း FDA က ေစ်းကြက္ေထာက္လွမ္းမႈေတြ ျပဳလုပ္ေနပါတယ္"ဟု FDA မေကြးတိုင္း တာဝန္ခံ ေဒါက္တာျပည့္ထူးက တာခ်ီလိတ္သတင္းေအဂ်င္စီသို႔ ေျပာသည္။

ရန္ကုန္ ဘုရင္႔ေနာင္မွ မေကြးတိုင္းအတြင္းသို႔ ဝင္ေရာက္လာႏိုင္သည္႔ လမ္းေၾကာင္းျဖစ္ေသာ ေအာင္လံၿမိဳ႕သို႔ FDA မေကြးတိုင္းတာဝန္ခံ ဦးစီးသည့္ အဖဲြ႔မွ ဇူလိုင္(၁၉)ရက္ေန႔တြင္ သြားေရာက္ေစာင္႔ ၾကပ္စစ္ေဆးမႈျပဳလုပ္ခဲ႔ရာ မေတြ႕ခဲ့ရေသာ္လည္း ပခုကၠဴၿမိဳ႕အပါအဝင္ သက္ဆိုင္ရာၿမိဳ႕မ်ားအလိုက္ ေစ်းကြက္ေထာက္လွမ္းမႈမ်ားျပဳလုပ္လ်က္ရိွေၾကာင္း သိရသည္။

ဆိုးေဆးကင္းစင္ေရး စီမံခ်က္ကို တစ္ႏိုင္ငံလံုး အတိုင္းအတာျဖင့္ ၂၀၁၆-၂၀၁၇ တြင္ စတင္ ေဆာင္ရြက္ခဲ႔ရာ မေကြးတိုင္း၊မေကြးၿမိဳ႕တြင္ ၂၀၁၆ ခုႏွစ္က ရတနာတံဆိပ္ျဖင္႔ထုတ္လုပ္ေသာ ကာလတန္ဖိုး က်ပ္သိန္း ၂၀ ေက်ာ္ ဖိုးခန္႔ရွိ ဆိုးေဆးပါ ငါးပိမ်ားအား ေတြ႔ရိွရ၍ ေကာ္မတီ၏ ေရွ႕ေမွာက္တြင္ ဖ်က္ဆီးခဲ႔ၿပီး အခ်ိဳ႕ကို ဝက္စာအျဖစ္ ေရာင္းခ်ခြင္႔ျပဳခဲ႔သည့္ျဖစ္စဥ္ ရိွခဲ႔ေၾကာင္း FDA မေကြးတိုင္းေဒသႀကီး၏ မွတ္တမ္းအရ သိရသည္။

သတင္း - ဖီးနစ္





~~~~~~~~⊰❂ unicode ~~~~~~~~

မကွေးတိုင်းအတွင်းသို့ ရန်ကုန် ဘုရင့်နောင်ပွဲရုံဈေးကွက်မှ ခွင့်မပြုဆိုးဆေးပါ ငါးပိများ ဝင်ရောက် လာသည် ဆိုသော သတင်းအရ မကွေးတိုင်းဒေသကြီး FDA မှ စောင့်ကြပ် စစ်ဆေးမှုများ ပြုလုပ်ခဲ့ရာ တွေ့ရှိ ခြင်း မရှိသေးသော်လည်း တိုင်းအတွင်းရှိ ငါးပိဈေးကွက်သို့ ဈေးကွက်ထောက်လှမ်းမှုများ ပြုလုပ်လျက်ရှိကြောင်း FDA မကွေးတိုင်းတာဝန်ခံထံမှ သိရသည်။

"ရန်ကုန် ဘုရင့်နောင်ပွဲရုံတွေက ပဲပြားတွေနဲ့ ငါးပိတွေကို FDA က ရွေ့လျားဓာတ်ခွဲခန်းနဲ့ စစ်ဆေးတဲ့အခါ ပဲပြားတွေမှာ ဖော်မလင်တွေ သုံးထားတာတွေ့ရသလို ငါးပိတွေမှာလည်း ခွင့်မပြုဆိုးဆေးတွေ ပါရှိနေတာကို တွေ့ရတဲ့ အတွက် ဖျက်ဆီးခဲ့တယ်လို့ သိရပါတယ်။ ဒါပေမယ့် နောက်ကွယ်မှာ သိုလှောင်ထားတဲ့ ငါးပိတွေကို ပြည်နယ်နဲ့ တိုင်းအသီးသီး အထူးသဖြင့် မကွေး၊ ပဲခူး၊ စစ်ကိုင်းနဲ့မန္တလေးတို့ ဆီကို ကားတွေနဲ့ ပို့ပြီး ဖြန့်ဖြူးနေတယ်လို့ သတင်းရတာကြောင့် ကျွန်တော်တို့ မကွေးတိုင်း FDA က ဈေးကွက်ထောက်လှမ်းမှုတွေ ပြုလုပ်နေပါတယ်"ဟု FDA မကွေးတိုင်း တာဝန်ခံ ဒေါက်တာပြည့်ထူးက တာချီလိတ်သတင်းအေဂျင်စီသို့ ပြောသည်။

ရန်ကုန် ဘုရင့်နောင်မှ မကွေးတိုင်းအတွင်းသို့ ဝင်ရောက်လာနိုင်သည့် လမ်းကြောင်းဖြစ်သော အောင်လံမြို့သို့ FDA မကွေးတိုင်းတာဝန်ခံ ဦးစီးသည့် အဖွဲ့မှ ဇူလိုင်(၁၉)ရက်နေ့တွင် သွားရောက်စောင့် ကြပ်စစ်ဆေးမှုပြုလုပ်ခဲ့ရာ မတွေ့ခဲ့ရသော်လည်း ပခုက္ကူမြို့အပါအဝင် သက်ဆိုင်ရာမြို့များအလိုက် ဈေးကွက်ထောက်လှမ်းမှုများပြုလုပ်လျက်ရှိကြောင်း သိရသည်။

ဆိုးဆေးကင်းစင်ရေး စီမံချက်ကို တစ်နိုင်ငံလုံး အတိုင်းအတာဖြင့် ၂၀၁၆-၂၀၁၇ တွင် စတင် ဆောင်ရွက်ခဲ့ရာ မကွေးတိုင်း၊မကွေးမြို့တွင် ၂၀၁၆ ခုနှစ်က ရတနာတံဆိပ်ဖြင့်ထုတ်လုပ်သော ကာလတန်ဖိုး ကျပ်သိန်း ၂၀ ကျော် ဖိုးခန့်ရှိ ဆိုးဆေးပါ ငါးပိများအား တွေ့ရှိရ၍ ကော်မတီ၏ ရှေ့မှောက်တွင် ဖျက်ဆီးခဲ့ပြီး အချို့ကို ဝက်စာအဖြစ် ရောင်းချခွင့်ပြုခဲ့သည့်ဖြစ်စဉ် ရှိခဲ့ကြောင်း FDA မကွေးတိုင်းဒေသကြီး၏ မှတ်တမ်းအရ သိရသည်။

သတင်း - ဖီးနစ်
 #TachileikNewsAgency #TachileikOnlineNews  #တာခ်ီလိတ္သတင္းေအဂ်င္စီ www.tachileik.net  
~~~~~~ ေၾကာ္ျငာ ~~~~~~


« PREV
NEXT »

No comments

Post a Comment

:::::::::: လႈိက္လွဲစြာ ေက်းဇုူးတင္ရွိပါသည္ ::::::::::