"ပျောက်ဆုံးနေသည့် ဒေသဖွံ့ဖြိုးရေးရန်ပုံငွေ (၇) ဘီလီယံကျော်အကြောင်း"
 မကွေးတိုင်းဒေသကြီးဝန်ကြီးချုပ် ဒေါက်တာအောင်မိုးညိုနှင့် တွေ့ဆုံမေးမြန်းခြင်း


ယခင်အစိုးရလက်ထက် မကွေးတိုင်းဒေသကြီး၏ ဒေသဖွံ့ဖြိုးရေးရန်ပုံငွေမှ ကျပ် (၇)ဘီလီယံကျော် ပျောက်ဆုံးနပြေီး ယင်းအနက် ကျပ် (၃)ဘီလီယံနှင့် မော်တော်ယာဉ်အချို့အား တိုင်းဒေသကြီးအစိုးရထံ ပြန်လည် လွှဲပြောင်းမည်ဟု သိရသော်လည်း ကျန်ရှိသည့် စာရင်းပျောက် ရန်ပုံငွေနှင့်ပတ်သက်၍ မည်သို့ဆောင်ရွက်နေသည်ကို သိရှိနိုင်ရန် မကွေးတိုင်းဒေသကြီးအစိုးရအဖွဲ့ တိုင်းဒေသကြီးဝန်ကြီးချုပ် ဒေါက်တာအောင်မိုးညိုထံ တာချီလိတ်သတင်းအေဂျင်စီမှ သွားရောက်တွေ့ဆုံ မေးမြန်းထားပါသည်။

TNA ။   ။  မင်္ဂလာပါ ဝန်ကြီးချုပ်ခင်ဗျာ

ဝန္ႀကီးခ်ဳပ္ ။  ။ ဟုတ်ကဲ့ မင်္ဂလာပါ။

TNA ။   ။  ယခင်ဝန်ကြီးချုပ်ဟောင်း ဦးဘုန်းမော်ရွှေထံက မကွေးတိုင်းပြည်ခိုင်ဖြိုးပါတီကို လှူဒါန်း ခဲ့တယ်လို့ စစ်ဆေးပေါ်ပေါက်ခဲ့တဲ့ မော်တော်ယာဉ် (၄)စီး၊ ဘက်ဟိုးတစ်စီးနဲ့ ပဲ့ထောင်ရေယာဉ် (၂)စီးတို့ကို လာရောက် အပ်နှံပြီလို့သိရပါတယ်။ အဲဒါဟုတ်ပါသလား ခင်ဗျာ။

ဝန္ႀကီးခ်ဳပ္ ။  ။ ဟုတ်ပါတယ်။ ကျွန်တော်ရန်ကုန်မှာ ရှိနေတုန်း ဧပြီ (၂၉) ရက် ညနေပိုင်းက ဝန်ကြီးတွေပါဝင်တဲ့ တိုင်းအစိုးရအဖွဲ့ထံမှာ မော်တော်ယာဉ် (၄) စီး၊ ဘက်ဟိုးယာဉ် (၁)စီးကို ဦးဘုန်းမော်ရွှေ တာဝန်ပေးချက် အရ ဦးကြည်ထွန်းက စည်းကမ်းတကျနဲ့ လာရောက် အပ်နှံသွားတယ်လို့ ပြောပါတယ်။

TNA ။   ။  ဟုတ်ကဲ့ ပဲ့ထောင်ရေယာဉ် နှစ်စီးကရော။

ဝန္ႀကီးခ်ဳပ္ ။  ။  ပဲ့ထောင်ယာဉ်တစ်စီးက မြစ်ကြောင်းဖြိုးကို ပေးထားတယ်ပြောတယ်။ ဟုတ်တယ် မြစ်ကြောင်းဖြိုးကကိုင်တာ။ တစ်စီးက ကြီးအုံကြီးဝတမံမှာလို့ပြောတယ်။ အဲဒါတွေပါ အကုန်အပ်ပြီးတဲ့ သဘောပါပဲ။

TNA ။   ။  ပျောက်ဆုံးနေတဲ့ တိုင်းဒေသကြီးဖွံ့ဖြိုးရေးရန်ပုံငွေ (၇) ဘီလီယံကျော်အနက်က (၃) ဘီလီယံကျော်ကို ပြန်အပ်မယ်လို့ သိရတဲ့အပေါ် ဘယ်လိုပြန်အပ်မလဲဆိုတာလေးလည်း သိပါရစေခင်ဗျ။

ဝန္ႀကီးခ်ဳပ္ ။  ။ ပြန်အပ်မယ်လို့ ကတိပေးထားတဲ့ ကျပ်သန်း သုံးထောင်ကျော်ထဲက သိန်းငါးထောင်ကို မေလ ပထမပတ်ထဲမှာ ပေးအပ်မယ်လို့ပြောပါတယ်။ ကျန်တာကိုတော့ ၂၀၁၇ ခုနှစ် ဇူလိုင်လမကုန်မီ အကုန် ပေးအပ်မယ်လို့ ဦးဘုန်းမော်ရွှေဆီက ကတိပြုချက်ရထားပါတယ်။

TNA ။   ။  ပျောက်ဆုံးနေတာက (၇.၄၅၉) ဘီလီယံကျော်ဆိုတော့ ကျန်တဲ့ သန်း လေးထောင်ကျော် အတွက်ကိုရော ဘယ်လိုဆောင်ရွက်ထားလဲဆိုတာ သိပါရစေ။

ဝန္ႀကီးခ်ဳပ္ ။  ။ ကျန်ငွေတွေအတွက် ပြည်ထောင်စုအစိုးရက ဘာမှဖော်ပြမထားဘူး။ ဘာမှဖော်ပြ မထားတော့ကာ ကျန်တဲ့ပိုက်ဆံတွေက သူတို့ဘာသုံးတယ် ညာသုံးတယ်ဆိုတာနဲ့ပတ်သက်ပြီးတော့ ပြည်ထောင်စု အစိုးရက သူတို့အသုံးကိုပဲ လက်ခံထားသလား/ လက်မခံသလားဆိုတာမသိဘူး။ သို့သော်လည်း မကွေး တိုင်းဒေသကြီးက ပြည်သူလူထုရဲ့သုံးရမယ့် ပိုက်ဆံဖြစ်တော့ကာ ဘယ်ဒင်းတွေ သုံးခဲ့သလဲ။ လမ်းဖောက် သလား။ တံတားဆောက်သလား။ ဘာတွေလုပ်တုန်း။ စနစ်တကျ စည်းနဲ့ကမ်းနဲ့ သုံးခဲ့တာဟုတ်လား၊ မဟုတ်ဖူးလား သိချင်တာကိုး။ အဲဒါတွေက ကျွန်တော်တစ်ယောက်ထဲသဘောနဲ့ ဘာမှလုပ်မရဘူး။ မကွေးတိုင်းအစိုးရအဖွဲ့ အစည်းအဝေးထိုင်ပြီး မေးသင့်တာမေး လက်ခံသင့်တာလက်ခံ အဲလိုလုပ်ရမှာ။

TNA ။   ။  အဲဒီလိုမေးမြန်းဖို့ အခက်အခဲရှိနေရင်ရော ဘာဆက်လုပ်မလဲခင်ဗျ။

ဝန္ႀကီးခ်ဳပ္ ။  ။ မေးလို့မရဘူး။ ကျွန်တော်တို့က သူတို့အသုံးပြတာကို မကျေနပ်ဖူးဆိုရင် ဥပမာ သန်း ငါးရာပဲ ကုန်ရမှာကို သန်းတစ်ထောင်ပြထားတဲ့ ကိစ္စမျိုးတွေ့ရင် ပြည်ထောင်စုအစိုးရကို မေးတန်သင့်မေးရမယ်။ တိုင်ပင် တန်သင့်ရင် တိုင်ပင်ရမယ်။ (၇.၄၅၉) ဘီလီယံကိစ္စ မကွေးတိုင်းအစိုးရ အဖွဲ့ရဲ့ သြဇာအာဏာနဲ့ ဒီကိစ္စကို ဖော်ထုတ်ဖို့ ရနိုင်စရာအကြောင်း မရှိလို့ ပြည်ထောင်စုအစိုးရက အကူအညီပေးပါဆိုပြီးတော့ ပြည်ထောင်စု အစိုးရက အထူးစုံစမ်း စစ်ဆေးရေးကို တာဝန်ပေးစစ်ခိုင်းတယ်။ ၂၀၁၆ ခုနှစ် နိုဝင်ဘာလလောက်မှာ စသုံးလုံးက ပြည်ထောင်စု အစိုးရကို တင်လိုက်တာ။ အဲဒီတင်တဲ့ အစီရင်ခံစာနဲ့ ပတ်သက်ပြီးတော့လည်း ကျွန်တော်တို့က ဘာမှ မသိရဘူး။ သိခွင့်ရရင်တော့ သိချင်တာပေါ့။ ဒါလည်း တိုင်းအထူးစုံစမ်းစစ်ဆေးရေးအဖွဲ့ကို မေးလည်းကြည့်ပါဦးမယ်။ သန်း လေးထောင်သုံးတဲ့ကိစ္စနဲ့ ပတ်သက်ပြီးတော့ ဒီမှာ ဒါတွေသုံးထားတာ မှန်တာပဲ။ ဒါတွေလက်ခံ သင့်တယ် လက်မခံသင့်ဘူး ဆိုတာ ဒါတွေ နောက်ကျလာမှာပေါ့။

TNA ။   ။   ပြည်ထောင်စုအစိုးရအဖွဲ့က ဒီကိစ္စနဲ့ပတ်သက်ပြီး နောက်ကြောင်းပြန်အရေးယူမှုမလုပ်ဖူး လို့ပြော ထားပါတယ်။ အဲဒီအပေါ်မှာရော ဝန်ကြီးချုပ်အနေနဲ့ ဘာပြောချင်ပါသလဲ။

ဝန္ႀကီးခ်ဳပ္ ။  ။  ကျွန်တော်တို့အစိုးရက ဒေသဆိုင်ရာအစိုးရလေ။ ပြည်ထောင်စုအစိုးရရဲ့သဘောထားက ဒီလိုသ ဘောထားတယ်ဆိုတာကို ဒါ မရဘူးကွ လက်မခံဘူးကွ လို့ ဒီလိုလုပ်လို့မရဘူး။ လက်ခံရမှာပဲ ပြည်သူ လူထုကိုလည်း လက်ခံလာအောင် ပြောရမှာပေါ့။ အဲလိုမျိုးသာ လက်မခံကြဘူးဆိုပြီး နောက်ပြန်နေလို့ရှိရင် အကုန်လုံးဇယားရှုပ်ပြီး ရှေ့ဆက် ဘာမှလုပ်လို့ရတော့မှာ မဟုတ်ဘူး။ တော်လှန်ရေး ကောင်စီလက်ထက်မှာ လုပ်ခဲ့တာတွေရှိမယ်။ မြန်မာ့ဆိုရှယ်လစ်လမ်းစဉ် ပါတီလက်ထက်မှာ လုပ်ခဲ့တာတွေ ရှိမယ်။ နဝတ၊ နအဖ လက်ထက်မှာ လုပ်ခဲ့တာတွေရှိမယ်။ အဲဒီလုပ်ခဲ့တာတွေနဲ့ ပတ်သက်ပြီး ဖြေရှင်းလို့ကို မရတာတွေရှိတယ်။ ဥပမာ လယ်သိမ်းယာသိမ်းတဲ့ ကိစ္စတွေပေါ့။

TNA ။   ။   ရရှိလာမယ့် သန်း သုံးထောင်ကျော်ကို ဘယ်လိုစီမံခန့်ခွဲ သုံးစွဲသွားမလဲဆိုတာလေးလည်း သိပါရစေ။

ဝန္ႀကီးခ်ဳပ္ ။  ။  ၂၀၁၇-၂၀၁၈ ဘဏ္ဍာနှစ်အတွက် သုံးရမယ့်ဘတ်ဂျက်တွေက ချမှတ်ပြီးသွားပြီ။ ဒါကြောင့် သူတို့ပေးမယ့်ငွေကို လောလောဆယ် သုံးလို့မရသေးဘူး။ သန်း သုံးထောင်ကျော်ဆိုတာ တစ်ကယ်တော့ ဘယ်လောက်မှရှိတာ မဟုတ်ဘူး။ မကွေးတိုင်း (၅)ခရိုင် (၂၅) မြို့နယ်လုံးအတွက်ဆို ဘယ်လောက်မှ အသုံးခံမှာ မဟုတ်ဖူး။ ကျောင်းတော်ရာလမ်း (၁၈) ပေချဲ့တာ ပြင်တာတောင် သန်းတစ်ထောင်လောက် ကုန်တယ်။ တစ်တိုင်းလုံးအတွက် ဟိုကလည်းပေးပါဦး။ ဒီကလည်းပေးပါဦးဆိုရင် မလောက်ငှနိုင်ဘူး။ အဲဒီတော့ စဉ်းစား ကြည့်တယ်။ တကယ်အကောင်အထည်ဖော်ဖြစ်မယ် မဖော်ဖြစ်မယ်တော့ မသိသေးဘူး။ အစိုးရဘဏ်မှာ အပ်ထားမယ်ဆိုရင် တစ်လတစ်လကို ဘဏ်တိုး သိန်း တစ်ရာကနေ နှစ်ရာလောက်ရမယ်။ ဥပမာ ဝန်ထမ်းတွေ ဆေးရုံတက်ရမယ်။ ကလေးမျက်နှာမြင်မယ် ဗိုက်ခွဲမွေးရမယ်။ ပင်စင်စား အဖိုးကြီး အဖွားကြီးတွေမျက်စိခွဲရမယ်။ သဘာဝဘေးအန္တရာယ်ကျမယ်။ တစ်ကယ်တမ်း တိုင်းမှာ ဘဏ္ဍာငွေက မလုံလောက်တော့ တစ်ကယ့်ကို မစို့မပို့ထိန်းသုံးနေရတယ်။ အဲလို ကိစ္စတွေအတွက် သုံးလို့ရတာပေါ့။ ဒါက စဉ်းစားထားတာပါ။ တစ်ကယ် ဘယ်လိုသုံးစွဲမယ်ဆိုတာကတော့ တိုင်းအစိုးရအဖွဲ့ အစည်းအဝေးထိုင်ပြီးဆုံးဖြတ်ရမှာပါ။

TNA ။   ။  ဟုတ်ကဲ့ အခုလိုမေးသမျှအပေါ် စိတ်ရှည်လက်ရှည်နဲ့ ဖြကြေားပေးတဲ့ ဝန်ကြီးချုပ်ကို ကျေးဇူး တင်ပါ တယ်ခင်ဗျ။

တွေ့ဆုံမေးမြန်သူ - ဖီးနစ်