~~~~~~~~⊰❂ unicode ❂⊱~~~~~~~~

အသက်(၅)နှစ်အောက် မွေးစာရင်းမရှိသေးသည့် ကလေးများ မွေး လက်မှတ်ရရှိရေး Campaign အသွင်ဖြင့် မွေးစာရင်းများအား အိမ်တိုင်ရာရောက် ထုတ်ပေးမည့် လုပ်ငန်းအား အောင်မြင်စွာ ဆောင်ရွက်နိုင်ရေးအတွက် ၂၀၁၇ခုနှစ် မေလ(၂၉)ရက်နေ့ နောက်ဆုံးထားကာ တာချီလိတ်ခရိုင်အတွင်းရှိ မြို့နယ် နှင့် မြို့များမှ ရပ်ကွက်/ကျေးရွာအုပ်ချုပ်ရေးမှူးရုံးများတွင် အမည်စာရင်း လာရောက်ပေး သွင်းထားရမှာ ဖြစ်ကြောင်း သိရသည်။

မွေးဖွားမှုနှင့် သေဆုံးမှုဆိုင်ရာ စာရင်းဇယားများ ပူးပေါင်းဆောင်ရွက်ရေးအဖွဲ့(ဗဟို)သည် မွေးလက်မှတ် မရရှိသေးသော အသက် (၅)နှစ်အောက် ကလေးများအား မွေးဖွားလက်မှတ်ရရှိရေးကို Campaign အသွင်ဖြင့် ကရင်ပြည်နယ်၊ မွန်ပြည်နယ်နှင့် တနင်္သာရီတိုင်းဒေသကြီးတို့တွင် ဆောင်ရွက်လျက်ရှိရာ ရှမ်းပြည်နယ်အတွင်း ယင်းကဲ့သို့ ဆောင်ရွက်ပေးရန်ရှိသည့်အတွက် သက်ဆိုင်ရာ ရပ်ကွက်/မြို့နယ် ကျေးရွာများမှ မွေးစာရင်းမရရှိသေးသည့် အသက်(၅)နှစ်အောက် ကလေးများ၏ လိပ်စာနှင့်အမည် စာရင်းများကို ပြုစုထားရမည်ဖြစ်ကြောင်း သိရသည်။

"လုပ်ငန်းဆောင်ရွက်တဲ့အခါမှာ အလွယ်တကူဖြစ်စေဖို့ သတ်မှတ်ကာလအတွင်းမှာ အမည်စာရင်း လာရောက် ပေးသွင်းထားရမှာပါ၊ မွေးစာရင်း မရရှိသေးတဲ့ အသက်(၅)နှစ်အောက် ကလေးငယ်များ အတွက် ကလေးရဲ့အမည်၊ မိဘတွေရဲ့ အမည်နဲ့ နေရပ်လိပ်စာတွေလိုပါတယ်၊ မေလ(၂၉)ရက်နေ့အထိ ရုံးမှာ လာရောက်ပြီးတော့ စာရင်းပေးထားရမှာ ဖြစ်ပါတယ်"ဟု တာချီလိတ်မြို့ ဝမ်ကောင်းရပ်ကွက် အုပ်ချုပ်ရေးမှူး ဦးထွန်းထွန်းဝင်းက တာချီလိတ်သတင်းအေဂျင်စီကို ပြောသည်။

မွေးလက်မှတ်မရရှိသေးသော (၅)နှစ်အောက် ကလေးများကို မွေးလက်မှတ်များ အိမ်တိုင်ရာ ရောက်ထုတ်ပေးမည့် လုပ်ငန်းအား အလွယ်တကူ အောင်မြင်စွာ အကောင်အထည်ဖော် ဆောင်ရွက်နိုင်ရေး အတွက် မွေးစာရင်းမရှိသေးသည့် အသက်(၅)နှစ်အောက် ကလေးငယ် အမည် စာရင်းများနှင့် အရေအတွက်များအား အထက်ဌာနသို့ မေလ(၃၁)ရက်နေ့ နောက်ဆုံးထား ပြန်လည် တင်ပြရမှာ ဖြစ်သည့် အတွက် ရပ်ကွက်/ကျေးရွာအုပ်ချုပ်ရေးမှူးများ အနဖြေင့် မေလ(၃၀)ရက်နေ့ နောက်ဆုံးထားကာ ပြန်လည်တင်ပြပေးနိုင်ရန် တာချီလိတ်ခရိုင်အထွေထွေအုပ်ချုပ်ရေးဦးစီးဌာနမှ ရပ်ကွက်/ကျေးရွာအုပ်ချုပ်ရေးမှူးများသို့ ညွှန်ကြားထားသည်ဖြစ်ရာ မွေးစာရင်းမရှိသေးသည့် (၅)နှစ်အောက် ကလေးများအတွက် မိဘများအနဖြေင့် သက်ဆိုင်ရာ ရပ်ကွက်/ကျေးရွာ အုပ်ချုပ်ရေးမှူးရုံးသို့ မေလ(၂၉)ရက်နေ့ နောက်ဆုံးထားကာ စာရင်းပေးသွင်းရမှာ ဖြစ်ကြောင်း သိရသည်။