ကယားပြည်နယ် ဒီးမော့ဆိုမြို့နယ် ငွေတောင်ကျေးရွာအုပ်စု ဒေါငံရောက်ကျေးရွာတွင် ဧပြီလ (၂၇) ရက်နေ့ နံနက်(၁း၅၅ )နာရီခန့်က လူနေအိမ်တစ်လုံးမီးလောင်ကျွမ်းခဲ့ကြောင်း သိရသည်။
ဒီမော့ဆိုမြို့နယ်၊ ငွေတောင်အုပ်စု၊ ဒေါငံရောက်ကျေးရွာနေ ဦးကလေးတို၏ သွမ်မိုး၊ပျဉ်ကာ၊ပျဉ်ခင်း နေအိမ် မီးလောင်ကျွမ်းခဲ့ခြင်းဖြစ်ကြောင်းသိရသည်။
" မီးလောင်တာတော့ တော်တော်လောင်တာ။ တစ်ခါမှလည်းမကြုံဖူးဘူး တခြားအိမ်တွေ မကူးတာပဲ တော်သေးတယ်။ မီးသတ်တွေလည်း အချိန်မှီရောက်လာတော့ မြန်မြန်ငြိ်မ်းသွားတယ် "ဟု ဒေါငံရောက်ကျေးရွာမှ ဒေသခံတစ်ဦးက ပြောသည်။
မီးသတ်တပ်ဖွဲ့ဝင်များနှင့် ရွာသူရွာသားများ ဝိုင်းဝန်းငြိမ်းသတ်မှုကြောင့် (၂)နာရီ (၄၅)မိနစ်အချိန်တွင် မီးငြိမ်း သတ်နိုင်ခဲ့ပြီး မီးလောင်မှုကြောင့် လူနှင့် တိရိစ္ဆာန်များ ထိခိုက်မှုမရှိဘဲ မီးလောင်ဆုံးရှုံးမှုတန်ဖိုးကျပ်(၇)သိန်းခန့် ဟု မီးသတ်ဦးစီးဌာနက ခန့်မှန်းတွက်ချက်ထားသည်။
သတင်း၊ဓါတ်ပုံ #ဆန်းဖြိုးထွန်း
