~~~~~~~~⊰❂ unicode ❂⊱~~~~~~~~
မယ်ဆိုင်မြို့ရှိ လွယ်ပေါင်းဈေးအတွင်း မီးလောင်မှုဖြစ်ပွား

မြန်မာနိုင်ငံ တာချီလိတ်မြို့နှင့်အနီး ထိုင်းနိုင်ငံ မယ်ဆိုင်မြို့ရှိ လွယ်ပေါင်းဈေးအတွင်း ယနေ့ ဧပြီလ(၉)ရက်နေ့ မြန်မာစံတော်ချိန် ညနေ(၅)နာရီခွဲဝန်းကျင်မှစ၍ အချိန်အတော်ကြာမီးလောင်မှု ဖြစ်ပွားရာ စိုးရိမ်ရသည့် ထိခိုက်ဒဏ်ရာ ရရှိမှုမရှိသော်လည်း မီးခိုးကြောင့် မူးလဲသူများ ရှိခဲ့ကြောင်း သိရသည်။

"မီးထဲပါသွားတာက တစ်ဆိုင်ပဲလို့ သိရပါတယ်။ လူသေဆုံးမှုတော့ မရှိပါဘူး၊"ဟု ထိုင်းနိုင်ငံ မယ်ဆိုင်မြို့နေ ဦးထွန်း(မယ်ဆိုင်)က ပြောသည်။
အဆိုပါ မီးလောင်မှု ဖြစ်ပွားရာ နေရာသို့ မယ်ဆိုင်မြို့ရှိ မီးသတ်တပ်ဖွဲ့များနှင့် လူမှုရေးအသင်းအဖွဲ့များ အဆိုပါ ဈေးအတွင်းရှိ မြန်မာနိုင်ငံသားများမှလည်း စုပေါင်း၍ ဝိုင်းဝန်းငြှိမ်းသတ်ခဲ့ကြပြီး မီးညွှန့်ကျိုးသွားပြီးနောက် ရှင်းလင်းရေးလုပ်ငန်းများကို တာဝန်ရှိသူများက ဆက်လက်ဆောင်ရွက်နေလျက်ရှိကြောင်း သိရသည်။

"သူများတွေပြောသလို စိုးရိမ်ရတဲ့ ထိခိုက်ဒဏ်ရာရတာတို့ လူပိတ်မိပြီး သေဆုံးတာတို့ မဖြစ်ပါဘူး။ မီးခိုးကြောင့် အသက်ရှုကျပ်ပြီး မူးလဲတာလောက်ပဲရှိပါတယ်"ဟု ထိုင်းဘက် တာဝန်ရှိသူတစ်က ဆိုသည်။

ထိုင်းနိုင်ငံ မယ်ဆိုင်မြို့ရှိ လွယ်ပေါင်းဈေးသည် တာချီလိတ်ရှိ တာလော့ဈေးနည်းတူ နိုင်ငံခြားသား ခရီးသွားများအား အားထား၍ ရောင်းချနေသော ဈေးတစ်ဈေးဖြစ်ကြောင်း သိရသည်။

Photo Thank: Krit ၊ Jj Kanokporn ၊ Narong Hugmaesai Chaitarak ၊ สุพจน์ บูรณประภาพงศ์