Update News

ေက်ာက္မဲၿမိဳ႕တြင္ စည္ပင္မွသတ္မွတ္သည့္အသားေစ်းႏႈန္းထက္ ပို၍ေရာင္းခ်ေန

ရွမ္းျပည္နယ္ေျမာက္ပိုင္း  ေက်ာက္မဲၿမိဳ႕ ၿမိဳ႕နယ္စည္ပင္သာယာေရးဌာနမွ ႏွစ္အလိုက္ အသားထုတ္လုပ္မႈလုိင္စင္ထုတ္ေပးစဥ္က သတ္မွတ္ေပးထားသည့္ ေစ်းႏႈန္းမ်ားကို ေစ်းတြင္ျမင္သာသည့္ေနရာ၌ ဆိုင္းဘုတ္မ်ားျဖင့္ အသိေပးထားေသာ္လည္း ေစ်းတြင္းမွ အသားေရာင္းခ်ဆိုင္မ်ားက ေစ်းပို၍ေရာင္းခ်ေနေၾကာင္း ၿမိဳ႕ခံမ်ားထံမွ သိရသည္။

“ေစ်းေတြမွာ ဘယ္အသားကို ဘယ္ေစ်းႏႈန္းနဲ႔ေရာင္းခ်ရမယ္ဆိုတာ ေၾကညာစာကပ္ထားတယ္။ ဒါေပမဲ့ အသားဆိုင္ေတြကေတာ့ ေရာင္းခ်င္သလို ေရာင္းတာပဲ။ အသားပိုေကာင္းလို႔ဆိုၿပီး အေၾကာင္းျပခ်က္နဲ႔ တစ္ပိသာကို ေၾကညာထားတဲ့ေစ်းႏႈန္းထက္ က်ပ္ႏွစ္ေထာင္ေလာက္ ပိုေရာင္းတယ္”ဟု ေက်ာက္မဲရွိ စားေသာက္ဆိုင္တစ္ဆိုင္မွ အမ်ိဳးသမီးတစ္ဦးက ေျပာသည္။

၂၀၁၆-၂၀၁၇ ဘ႑ာေရးႏွစ္အတြက္ ေစ်းမ်ားတြင္ေရာင္းခ်ရမည့္ အသားအမ်ိဳးမ်ိဳးအတြက္ တစ္ပိသာ သတ္မွတ္ေစ်းႏႈန္းမ်ား၊  ညေနေစ်းသည္မ်ားထံ ေစ်းေကာက္ေကာက္ခံရမည့္ႏႈန္းထားမ်ား၊ ယာဥ္ရပ္နားခႏႈန္းထားမ်ားအား ဆိုင္းဘုတ္မ်ားစိုက္ထူအသိေပး ထားေသာ္လည္း ယာဥ္ရပ္နားခႏႈန္းထားမ်ားႏွင့္ အသားေစ်းႏႈန္းမ်ားမွာ သတ္မွတ္ႏႈန္းထားမ်ားထက္ ေက်ာ္လြန္ေနေၾကာင္း သိရသည္။

“အသားေစ်းႏႈန္းဆို ဥပမာ အမဲသားတစ္ပိသာကို က်ပ္တစ္ေသာင္း သတ္မွတ္ထားေပးတယ္။ ဒါေပမဲ့ ၂၀၁၆-၂၀၁၇ ဘ႑ာႏွစ္မွာလည္း ဒီလိုပဲ တစ္ပိသာကို (၁၂၀၀၀) က်ပ္ ေပးဝယ္ရတာပဲ။ ဘယ္သူမွ ဆိုင္းဘုတ္ထဲကအတိုင္း မေရာင္းဘူး။ ေစ်းေခါင္းရံုးကို သြားတိုင္တဲ့သူရွိမရွိေတာ့ မေျပာတတ္ဘူး။ ဒါေပမဲ့ သတ္မွတ္ႏႈန္းထားထက္ ပိုတဲ့ေစ်းနဲ႔ပဲ ေရာင္းေနၾကတာ ျမင္ေနရတယ္” ဟု ၿမိဳ႕ခံတစ္ဦးျဖစ္သူ ဦးထြန္းစိုးက ေျပာသည္။

သတ္မွတ္ထားသည့္ အသားေစ်းႏႈန္းမ်ားအျပင္ ယာဥ္ရပ္နားခမ်ားမွာလည္း ဆိုင္ကယ္တစ္စီးလွ်င္ က်ပ္ (၁၅၀ ) သာ ေပးေဆာင္ရမည္ဟု ေၾကညာထားၿပီး က်ပ္ (၂၀၀) ႏႈန္း ေကာက္ခံေနေၾကာင္း သိရသည္။

“အသားအရမ္းေကာင္းေနရင္ေတာ့ ေစ်းနည္းနည္းပိုေပးရတာေပါ့။ ေၾကညာခ်က္ေတြကေတာ့ မွန္ပါတယ္။ ဒါေပမဲ့ ပိသာလိုက္ေရာင္းရတာက ရွားတယ္ေလ။ တစ္ေထာင္ဖိုး၊ ေထာင့္ငါးရာဖိုးေတြ ေရာင္းရတာမ်ားတယ္။ မွ်တေအာင္ျပန္လုပ္ၿပီး ေရာင္းရတာေပါ့”ဟု ေက်ာက္မဲေစ်းမွ ၾကက္သားေရာင္းခ်သူ အမ်ိဳးသမီးတစ္ဦးက ဆိုသည္။

ၿမိဳ႕နယ္စည္ပင္သာယာေရးဌာနက ဘ႑ာႏွစ္အလိုက္ အသားထုတ္လုပ္မႈလုိင္စင္ထုတ္ေပးရာတြင္ အမွန္တကယ္ ေရာင္းခ်ရမည့္ သတ္မွတ္ေစ်းႏႈန္းမ်ားအပါအဝင္ အသားထုတ္လုပ္မႈႏွင့္ပတ္သက္၍ လုိက္နာရမည့္စည္းကမ္းခ်က္မ်ားျဖင့္ ခြင့္ျပဳေပးထားျခင္းျဖစ္ၿပီး ထုတ္ျပန္ေပးထားသည့္ သတ္မွတ္ေစ်းႏႈန္းမ်ားအတိုင္း ေရာင္းခ်ျခင္းမရွိပါက ၿမိဳ႕နယ္စည္ပင္သာယာေရးဌာနကို ဆက္သြယ္တိုင္ၾကားႏိုင္ေၾကာင္းကိုလည္း အသိေပးေၾကညာထားျခင္းျဖစ္သည္။

သတင္း၊ဓါတ္္ပံု# ေနၿဖိဳးျမင့္


~~~~~~~~⊰❂ unicode ~~~~~~~~

ကျောက်မဲမြို့တွင် စည်ပင်မှသတ်မှတ်သည့်အသားစျေးနှုန်းထက် ပို၍ရောင်းချနေ

************
ရှမ်းပြည်နယ်မြောက်ပိုင်း  ကျောက်မဲမြို့ မြို့နယ်စည်ပင်သာယာရေးဌာနမှ နှစ်အလိုက် အသားထုတ်လုပ်မှုလိုင်စင်ထုတ်ပေးစဉ်က သတ်မှတ်ပေးထားသည့် စျေးနှုန်းများကို စျေးတွင်မြင်သာသည့်နေရာ၌ ဆိုင်းဘုတ်များဖြင့် အသိပေးထားသော်လည်း စျေးတွင်းမှ အသားရောင်းချဆိုင်များက စျေးပို၍ရောင်းချနေကြောင်း မြို့ခံများထံမှ သိရသည်။

“စျေးတွေမှာ ဘယ်အသားကို ဘယ်စျေးနှုန်းနဲ့ရောင်းချရမယ်ဆိုတာ ကြေညာစာကပ်ထားတယ်။ ဒါပေမဲ့ အသားဆိုင်တွေကတော့ ရောင်းချင်သလို ရောင်းတာပဲ။ အသားပိုကောင်းလို့ဆိုပြီး အကြောင်းပြချက်နဲ့ တစ်ပိသာကို ကြေညာထားတဲ့စျေးနှုန်းထက် ကျပ်နှစ်ထောင်လောက် ပိုရောင်းတယ်”ဟု ကျောက်မဲရှိ စားသောက်ဆိုင်တစ်ဆိုင်မှ အမျိုးသမီးတစ်ဦးက ပြောသည်။

၂၀၁၆-၂၀၁၇ ဘဏ္ဍာရေးနှစ်အတွက် စျေးများတွင်ရောင်းချရမည့် အသားအမျိုးမျိုးအတွက် တစ်ပိသာ သတ်မှတ်စျေးနှုန်းများ၊  ညနေစျေးသည်များထံ စျေးကောက်ကောက်ခံရမည့်နှုန်းထားများ၊ ယာဉ်ရပ်နားခနှုန်းထားများအား ဆိုင်းဘုတ်များစိုက်ထူအသိပေး ထားသော်လည်း ယာဉ်ရပ်နားခနှုန်းထားများနှင့် အသားစျေးနှုန်းများမှာ သတ်မှတ်နှုန်းထားများထက် ကျော်လွန်နေကြောင်း သိရသည်။

“အသားစျေးနှုန်းဆို ဥပမာ အမဲသားတစ်ပိသာကို ကျပ်တစ်သောင်း သတ်မှတ်ထားပေးတယ်။ ဒါပေမဲ့ ၂၀၁၆-၂၀၁၇ ဘဏ္ဍာနှစ်မှာလည်း ဒီလိုပဲ တစ်ပိသာကို (၁၂၀၀၀) ကျပ် ပေးဝယ်ရတာပဲ။ ဘယ်သူမှ ဆိုင်းဘုတ်ထဲကအတိုင်း မရောင်းဘူး။ စျေးခေါင်းရုံးကို သွားတိုင်တဲ့သူရှိမရှိတော့ မပြောတတ်ဘူး။ ဒါပေမဲ့ သတ်မှတ်နှုန်းထားထက် ပိုတဲ့စျေးနဲ့ပဲ ရောင်းနေကြတာ မြင်နေရတယ်” ဟု မြို့ခံတစ်ဦးဖြစ်သူ ဦးထွန်းစိုးက ပြောသည်။

သတ်မှတ်ထားသည့် အသားစျေးနှုန်းများအပြင် ယာဉ်ရပ်နားခများမှာလည်း ဆိုင်ကယ်တစ်စီးလျှင် ကျပ် (၁၅၀ ) သာ ပေးဆောင်ရမည်ဟု ကြေညာထားပြီး ကျပ် (၂၀၀) နှုန်း ကောက်ခံနေကြောင်း သိရသည်။
“အသားအရမ်းကောင်းနေရင်တော့ စျေးနည်းနည်းပိုပေးရတာပေါ့။ ကြေညာချက်တွေကတော့ မှန်ပါတယ်။ ဒါပေမဲ့ ပိသာလိုက်ရောင်းရတာက ရှားတယ်လေ။ တစ်ထောင်ဖိုး၊ ထောင့်ငါးရာဖိုးတွေ ရောင်းရတာများတယ်။ မျှတအောင်ပြန်လုပ်ပြီး ရောင်းရတာပေါ့”ဟု ကျောက်မဲစျေးမှ ကြက်သားရောင်းချသူ အမျိုးသမီးတစ်ဦးက ဆိုသည်။

မြို့နယ်စည်ပင်သာယာရေးဌာနက ဘဏ္ဍာနှစ်အလိုက် အသားထုတ်လုပ်မှုလိုင်စင်ထုတ်ပေးရာတွင် အမှန်တကယ် ရောင်းချရမည့် သတ်မှတ်စျေးနှုန်းများအပါအဝင် အသားထုတ်လုပ်မှုနှင့်ပတ်သက်၍ လိုက်နာရမည့်စည်းကမ်းချက်များဖြင့် ခွင့်ပြုပေးထားခြင်းဖြစ်ပြီး ထုတ်ပြန်ပေးထားသည့် သတ်မှတ်စျေးနှုန်းများအတိုင်း ရောင်းချခြင်းမရှိပါက မြို့နယ်စည်ပင်သာယာရေးဌာနကို ဆက်သွယ်တိုင်ကြားနိုင်ကြောင်းကိုလည်း အသိပေးကြေညာထားခြင်းဖြစ်သည်။

သတင်း၊ဓါတ််ပုံ# နေဖြိုးမြင့်

 #TachileikNewsAgency #TachileikOnlineNews www.tachileik.net  
~~~~~~ ေၾကာ္ျငာ ~~~~~~


« PREV
NEXT »

No comments

Post a Comment

:::::::::: လႈိက္လွဲစြာ ေက်းဇုူးတင္ရွိပါသည္ ::::::::::