~~~~~~~~⊰❂ unicode ❂⊱~~~~~~~~

မြန်မာ - ထိုင်းနယ်စပ် တာချီလိတ်မြို့ ပုန်းထွန်ရပ်ကွက်အတွင်းရှိ လောင်းကစားဂိမ်းခုံအား မတ်လ (၁၇)ရက်နေ့ မွန်းလွဲ (၃)နာရီခွဲခန့်က ဝင်ရောက်ဖမ်းဆီးရာ လောင်းကစားပြုလုပ်နေသူ (၆)ဦးနှင့် အဆိုပါ လောင်းကစားရုံရှိ အမျိုးသမီး တစ်ဦးတို့အား ဖမ်းဆီးရမိပြီး လောင်းကြေးငွေ ဘတ်(၂၃,၉၄၀) အား သိမ်းဆည်းရမိကြောင်း သိရသည်။

တာချီလိတ်ခရိုင်/မြို့နယ်ရဲတပ်ဖွဲ့နှင့် သက်သေများ ပူးပေါင်းပါဝင်သည့် အဖွဲ့ဖြင့် သတင်းအရ တာချီလိတ်မြို့၊ ပုန်းထွန်ရပ်ကွက်၊ ကျောက်တောင်၊ နိဗ္ဗာန်လမ်းရှိ ခြံဝန်းအတွင်း အဆောက်အဦအား ရှာဖွေဝရမ်းဖြင့် ဝင်ရောက်ရှာဖွေရာ ငါးမန်းဂိမ်းခုံ(၂)ခုံ၊ ပန်းသီးဂိမ်းခုံ (၁)ခုံတို့တွင် လောင်းကစား ပြုလုပ်နေသူ (၆)ဦးနှင့် မနောမိတို့အား လောင်းကြေးငွေ ထိုင်းဘတ်ငွေ (၂၃,၉၄၀)ဘတ် (မြန်မာကျပ်ငွေ ၈၈၅၇၈၀ ကျပ်)အား ဖမ်းဆီးရမိခြင်း ဖြစ်ကြောင်း သိရသည်။

အဆိုပါ လောင်းကစားဂိမ်းခုံတွင် လောင်းကြေးငွေများနှင့်အတူ တွေ့ရသည့် မနောမိ၊ မျိုးမျိုး၊ ပွားလေး(ခ) ဟိန်းရာဇာ၊ မောင်တိုး၊ ဌေးလှိုင်၊ အောင်မြင့်နှင့် ဇော်လင်းတို့အား တာချီလိတ်မြို့မရဲစခန်းတွင် (ပ) ၆၂/၂၀၁၇၊ လောင်းကစားဥပဒေပုဒ်မ ၁၃(က) ၁၄(က)တို့ဖြင့် အမှုဖွင့်ဆောင်ရွက်နေကြောင်း သိရသည်။

ဓာတ်ပုံ - #ရဲတပ်ဖွဲ့