ရှမ်းပြည်နယ်မြောက်ပိုင်း လားရှိုးမြို့တွင် ပထမဆုံး မီးပုံးပျံလွှတ်တင်ပွဲကို Shining Myanmar Co.ltd က လားရှိုးမြို့ ရပ်ကွက် ( ၁ ) နမ့်ခိုက်ကျေးရွာအနီးရှိ ၎င်းတို့ပိုင် ချယ်ရီမြိုင်အိမ်ယာဝင်းတွင် နိုဝင်ဘာလ (၁၄) ရက်တွင် ကျင်းပသွားမည်ဖြစ်ကြောင်း သိရသည်။

အဆိုပါ မီးပုံးပျံလွှတ်တင်ပွဲတွင် မီးပုံးပျံအလုံးရေ (၁,၀၈၀)ကို လွှတ်တင်သွားမည်ဖြစ်ပြီး လားရှိုးမြို့ရှိ ဒေသခံ ရိုးရာအဖွဲ့များအပြင် အဆိုတော် ချစ်ကောင်း၊ ဖိုးကာ၊ ဆိုင်းစံ နှင့် ခင်စုစုနိုင်တို့ကိုလည်း ဖျော်ဖြေရေးအတွက် ဖိတ်ကြားသွားမည်ဖြစ်ကြောင်း သိရသည်။

“မီးပုံးပျံက ပလပ်စတစ်နဲ့ဖြစ်ဖို့များတယ်။ အစက ရှမ်းစက္ကူနဲ့မှာတာပဲ။ ဒါပေမဲ့ မရတဲ့အတွက် ပလပ်စတစ်နဲ့ပဲ ရမယ်လို့ပြောတယ်။ တောင်ကြီးက လွှတ်တင်တဲ့ မီးပုံးတွေလောက်တော့ မဟုတ်ဘူးပေါ့။ နိဗ္ဗာန်ဈေး အတွက် ပူးပေါင်းလှူဒါန်းချင်တဲ့ သူတွေကိုလည်း ဖိတ်ခေါ်တယ်။ ခွင့်ပြုတယ်။ မီးပုံးပျံပွဲကို လာမယ့် ကားတွေ ယာဉ်တွေအတွက် ဝင်လမ်းထွက်လမ်းကိုလည်း စနစ်တကျစီစဉ်ပေးသွားမယ်”ဟု ပွဲကျင်းပရေးကော်မတီ တာဝန်ရှိသူတစ်ဦးက ပြောသည်။

လားရှိုးမြို့၏ ပထမဦးဆုံးမီးပုံးပျံ အလှပြလွှတ်တင်ပွဲတွင် လူဦးရေ (၅၀၀၀) စာအတွက် နိဗ္ဗာန်ဈေးတန်း ပါဝင်မည်ဖြစ်ပြီး နိဗ္ဗာန်ဈေးဆိုင်ခန်းများတွင် ပြင်ပအလှူရှင်များလည်း ပါဝင်ခွင့်ရမည်ဖြစ်ကြောင်း သိရှိရသည်။

သတင်း - နေဖြိုးမြင့်
ဓာတ်ပုံ - စံပယ်သက်

~~~~~~~~⊰❂ unicode ❂⊱~~~~~~~~

⊰❂ #TachileikNewsAgency #TachileikOnlineNews www.tachileik.net  ❂⊱

~~~~~~ ကြော်ငြာ ~~~~~~