တာချီလိတ်၌ ဒုတိယအကြိမ်အဖြစ် ပရဟိတကလေးများ ရန်ပုံငွေအတွက် EASTERN EAGLE MC မှ ကြီးမှူး၍ အာဆီယံမော်တော်ဆိုင်ကယ်ကလပ်များတွေ့ဆုံအား (၂)ရက်တိတိ ကျင်းပပြုလုပ်မည်ဖြစ်ရာ ဆိုင်ခန်းနေရာများကို ကြိုတင်၍ ရောင်းချပေးနပြေီ ဖြစ်ကြောင်း သိရသည်။

 EASTERN EAGLE MC မှ ကျင်းပပြုလုပ်မည့် အာဆီယံမော်တော်ဆိုင်ကယ် ကလပ်များတွေ့ဆုံအား ၂၀၁၆ခုနှစ် ဒီဇင်ဘာလ(၁၀)ရက်နေ့မှ ဒီဇင်ဘာလ(၁၁)ရက်နေ့အထိ (၂)ရက်တိုင်တိုင် တာချီလိတ်မြို့ရှိ ရှမ်းရိုးမကွင်းအတွင်း၌ ပြုလုပ်မှာ ဖြစ်ကြောင်း သိရသည်။

အဆိုပါပွဲတော်အတွင်း အာဆီယံနိုင်ငံအတွင်းရှိ မော်တော်ဆိုင်ကယ်ကလပ်ပေါင်းစုံမှ နိုင်ငံခြားသား (၁၀၀၀)ကျော် နှင့် ပြည်တွင်းမှ မော်တော်ဆိုင်ကယ်ကလပ်များလည်း လာရောက်ကြမည်ဖြစ်သည်။
ပွဲတော်(၂)ရက်တာအတွင်း စားသောက်ဆိုင်များနှင့်၊ တိုင်းရင်းသားအဝတ်အထည်ဆိုင်များ၊ ရိုးရာပစ္စည်းအရောင်းဆိုင်များ လာရောက်ဖွင့်လှစ်နိုင်ရန်အတွက် ဆိုင်ခန်းနေရာများကို သီးခြားစီပြုလုပ်၍ သတ်မှတ်ထားရှိကာ ရောင်းချပေးနပြေီဖြစ်ပြီး ကြိုတင်စာရင်းပေးသွင်းရန်  ဝယ်ယူထားရှိရန် လိုအပ်ကြောင်း သိရသည်။

ဆိုင်ခန်းများကို ဇုန်(A,B,C,D)ဟူ၍ ဇုန်(၄)ဇုန် ခွဲခြားသတ်မှတ်ထားပြီး ဇုန်(A နှင့် B)သည် အစားအသောက်များ ရောင်းချနိုင်ရန် နေရာဖြစ်ပြီး၊ ဇုန်(C)သည် ဆိုင်ကယ်ပစ္စည်းများ ရောင်းချနိုင်ရန်အတွက်ဖြစ်၍ဇုန်(D)သည် ရိုးရာအဝတ်အထည်များ နှင့် အမှတ်တရပစ္စည်းများ ရောင်းချနိုင်ရန်ခွဲခြား သတ်မှတ်ပေးထားခြင်း ဖြစ်သည်။

ဇုန်(A နှင့် B)ရှိ ဆိုင်ခန်းများ၏ အကျယ်အဝန်းမှာ 2.4mx2.4m ရှိပြီး၊ ဇုန်(C နှင့် D)ရှိ ဆိုင်ခန်းများ၏ အကျယ်အဝန်းမှာ 4mx4m ရှိရာ ဇုန်(A နှင့် B)အား ပွဲတော်(၂)ရက်တာအတွက် ဘတ်(၃၀၀၀) သတ်မှတ်ထားကာ ဇုန်(C နှင့် D)ရှိ ဆိုင်ခန်းများအား ပွဲတော်(၂)ရက်တာအတွက် ဘတ်(၅၀၀၀)သတ်မှတ်ထားကြောင်း သိရသည်။

အဆိုပါ ပွဲတော်အတွင်း မလေးရှားနှင့်အင်ဒိုနီးရှားမှလာသော ဧည့်သည်များသည် အစ္စလာမ်ဘာသာဝင်များ ဖြစ်ကြသောကြောင့်၎င်းတို့ဝယ်ယူစားသောက်နိုင်ရန် အစ္စလာမ်ဘာသာဝင်များ၏ စားသောက်ဆိုင်များလည်း လာရောက် ဖွင့်လှစ်ရောင်းချပေးနိုင်ရန်အတွက် ဇုန်(A)ကို သတ်မှတ်ပေးထားကြောင်း သိရသည်။

"ပွဲတော် (၂)ရက်စာအတွက် အစားအသောက် ဆိုင်ခန်းတွေကို ဘတ်(၃၀၀၀) နဲ့ ဆိုင်ကယ်ပစ္စည်းဆိုင်နဲ့ အဝတ်အထည် ရိုးရာပစ္စည်း၊ အမှတ်တရပစ္စည်း ဆိုင်ခန်းတွေကိုတော့ ဘတ်(၅၀၀၀)သတ်မှတ်ထားပါတယ်။ ဆိုင်ခန်းကိစ္စနဲ့ ပတ်သက်ပြီး ကျွန်တော်တို့ဆီကို ဖုန်းဖြင့် ဆက်သွယ်ပြီး မေးမြန်းနိုင်ပါတယ်"ဟု EASTERN EAGLE MC မှ အဖွဲ့ဝင်တစ်ဦးက ပြောပြသည်။

ဒီဇင်ဘာလ(၁၀)ရက်နေ့တွင် စတင်ကျင်းပပြုလုပ်မည့် အာဆီယံမော်တော်ဆိုင်ကယ် ကလပ်များတွေ့ဆုံပွဲတွင် အာဆီယံနိုင်ငံများမှ နိုင်ငံခြားသားများမှာ ယခင် ပထမအကြိမ်ထက် လာရောက်မှု ပိုမိုများပြားမှာ ဖြစ်ကြောင်း သိရသည်။

ဆိုင်ခန်းကိစ္စနှင့် ပတ်သက်၍ ဆက်သွယ်ရန်
ထိုင်းဖုန်း- 0979353524၊ မြန်မာဖုန်း- 09455422326