~~~~~~~~⊰❂ unicode ❂⊱~~~~~~~~

ရှမ်းပြည်နယ်(အရှေ့ပိုင်း) မိုင်းလားဒေသတွင် ဝင်ရောက်တပ်စွဲထားသည့် ဝ တပ်ဖွဲ့တချို့တစ်ဝက် ပြန်လည်ထွက်ခွာ သွားပြီ ဆိုသော်လည်း ရုတ်တရက်ပိတ်ထားသည့် ဝမ်တာပင်းနှင့်မိုင်းယုဂိတ် ပြန်လည် ဖွင့်လှစ်ခြင်း မရှိသေးသည့် အတွက် ဒေသတွင်း လုပ်ငန်းရပ်နားထားရသူ များနေကြောင်း သိရသည်။

"အခုလို ဂိတ်ပိတ်လိုက်တော့ ထိုင်းနိုင်ငံ မယ်ဆိုင်က အသီးတွေကိုလည်း မိုင်းလားကို ပို့လို့မရတော့ဘူး။ အဲဒီလို ပို့လို့မရတော့ မယ်ဆိုင်နဲ့ တာချီလိတ်က လုပ်သားတွေလည်း အလုပ် လက်မဲ့ဖြစ်နေတယ်။ ကားသမားတွေလည်း နားထားရတော့ လောလောဆယ် အခက်တွေ့နေတာပေါ့"ဟု မယ်ဆိုင်မှ သစ်သီးများအား မိုင်းလားသို့ ပို့ဆောင်သူ ကိုစိုင်းကျော်က ပြောသည်။

"မိုင်းလားဂိတ် မပိတ်ခင်တုန်းက ဆိုရင်တော့ မိုင်းလားကို ပို့မယ့်သစ်သီးတွေ မယ်ဆိုင်မှာရောက်ပြီဆိုရင် ကျွန်တော်တို့က နေ့တွက်ခ အနေနဲ့ သွားသွားပြီး ကုန်အတင်အချ လုပ်ရတာပေါ့။ အခု ဂိတ်ပိတ်ထားတဲ့ သုံးလေးရက် အတွင်းမှာ အလုပ်မရှိဘူး ဖြစ်နေတယ်။ တစ်နေ့လုပ် တစ်နေ့စားသမားတွေအတွက် အခက်တွေ့သွားတာပေါ့ဗျာ"ဟု မယ်ဆိုင် နှင့် တာချီလိတ်တွင် ကုန်တင်ကုန်ချအဖြစ် လုပ်ကိုင်နေသည့် ကိုနေဝင်းက ပြောသည်။

ကျိုင်းတုံ - မိုင်းလားအကြားရှိ ဝမ်တာပင်းဂိတ် နှင့် မိုင်းယုဂိတ်များကို အောက်တိုဘာလ (၂၃)ရက်နေ့က ရုတ်တရက် ပိတ်လိုက်ခြင်းကြောင့် မိုင်းလားဒေသနှင့်ဆက်သွယ် အလုပ် လုပ်ကိုင်နေသူများ လုပ်ငန်း ရပ်နားနေရခြင်းဖြစ်ကြောင်း သိရသည်။

"ကုန်သည်တွေကတော့ သူတို့မှာ ငွေရှိတော့ မသိသာပေမဲ့ တစ်ရက်လုပ် တစ်ရက်စား အလုပ်သမား ဘဝက ပိုသိသာပါတယ်။ အခု မလုပ်မရှိတော့ မိုင်းလားဂိတ်တွေ အမြန်ဖွင့်ပါစေလို့ မျှော်လင့်နေရတယ်။ မယ်ဆိုင်၊ တာချီလိတ်က လုပ်သားတွေလိုပဲ ကျိုင်းတုံ နဲ့ မိုင်းလားမှာရှိတဲ့ ကုန်တင်ကုန်ချ လုပ်သားတွေလည်း ကျွန်တော်တို့ နည်းတူပါပဲ။ ဒီဂိတ်ကို မှီခိုနေရတဲ့ အတွက် အလုပ်မဲ့ နကြေတာတွေပေါ့"ဟု တာချီလိတ်မြို့မှ ကိုကျော်ထွန်းက ပြောသည်။

ထိုင်းနိုင်ငံ မယ်ဆိုင်မှ ထိုင်းနိုင်ငံထွက်ကုန်ပစ္စည်းများကို မိုင်းလားသို့ ဝမ်တာပင်းနှင့် မိုင်းယုဂိတ်များမှ တင်သွင်းနခြေင်းဖြစ်ပြီး တရုတ်နိုင်ငံထွက်ပစ္စည်းများကို မိုင်းလားမှတစ်ဆင့် ကျိုင်းတုံ၊ တာချီလိတ်မြို့များသို့ တင်ပို့နခြေင်းဖြစ်သည်။

သတင်း - ကိုဇောင်း