မြန်မာနိုင်ငံသို့ရောက်ရှိနေသည့် ဒုတိယကမ္ဘာစစ်အတွင်း တိုက်ပွဲဝင်ခဲ့သည့် (၇၂) နှစ်သက်တမ်းရှိ C 47 လေယာဉ်သည် မန္တလေးမြို့ တံတားဦး အပြည်ပြည်ဆိုင်ရာလေဆိပ်မှ အောက်တိုဘာလ (၁၅) ရက်တွင် ထွက်ခွာပျံသန်းမည်ဖြစ်ကြောင်း သိရသည်။

အဆိုပါလေယာဉ်မှာ တရုတ်နိုင်ငံ(Guilin) မြို့ရှိ Flying Tiger Heritage Museum တွင် ပြသ ထားရှိမည်ဖြစ်ပြီး မန္တလေးမြို့ တံတားဦးလေဆိပ်သို့ အောက်တိုဘာလ (၁၄) ရက် နေ့လည် (၃) နာရီခန့်က ရောက်ရှိလာခြင်း ဖြစ်သည်။

မြန်မာနိုင်ငံသို့ လာရောက်ရသည့် ရည်ရွယ်ချက်မှာ မြန်မာ - အမေရိကန် နှစ်နိုင်ငံ၏ ချစ်ကြည်ရင်းနှီးမှုကို ပြသရန်ဖြစ်ကြောင်း သိရသည်။

ဒုတိယကမ္ဘာစစ်အတွင်းက ကျဆုံးလေသူရဲများအား ဂုဏ်ပြုပျံသန်းနေသည့် C47 လေယာဉ်သည် သြစတေးလျနိုင်ငံမှ သြဂုတ်လလယ်တွင် စတင်ပျံသန်းလာခဲ့ပြီး အင်ဒိုနီးရှား၊ စင်္ကာပူနှင့် ထိုင်းနိုင်ငံတို့ကို ဖြတ်သန်းကာ မြန်မာနိုင်ငံသို့ ရောက်ရှိလာခဲ့ပြီး အချိန်တစ်လခွဲကြာမြင့်ပြီကြောင်း သိရသည်။

ပျံသန်းစဉ်အတွင်း အင်ဒိုနီးရှားနိုင်ငံ ပိုလာဘာလီကျွန်းတွင် စက်ချို့ယွင်းသဖြင့် ရက်အတန်ကြာပြင် ဆင်နေခဲ့ရပြီး သြစတေးလျနိုင်ငံမှ မြန်မာနိုင်ငံအရောက် မောင်းနှင်ချိန်မှာ နာရီ (၄၀)ကြာမြင့်ကြောင်း လေယာဉ်မှူးတစ်ဦးထံမှ သိရသည်။

အဆိုပါလေယာဉ်တွင် အသက် (၆၀) ကျော်မှ (၇၀) ကျော်အရွယ် ၀ါရင့်လေယာဉ်မှူး (၅) ဦးလိုက်ပါလာကြောင်း သိရသည်။

သတင်း - ရွှေဇော်
ဓာတ်ပုံ - ကိုမင်းမင်လတ်

~~~~~~~~⊰❂ unicode ❂⊱~~~~~~~~

⊰❂ #TachileikNewsAgency #TachileikOnlineNews www.tachileik.net  ❂⊱

~~~~~~ ကြော်ငြာ ~~~~~~