~~~~~~~~⊰❂ unicode ❂⊱~~~~~~~~

"ကျွန်တော်တို့မှာ ရောက်ပြီးသား ရောဂါတွေထဲမှာ ဇီကာမပါ ပါဘူး။ သို့သော်လည်း ရောက်ပြီးတော့ ရင်ဆိုင်နေရတဲ့ သွေးလွန်တုပ်ကွေး အပါအဝင် အခြားရောဂါတွေအတွက် ကာကွယ်နှိမ်နှင်းရေး လုပ်ငန်းတွေ ဆောင်ရွက်ပါတယ်။ ဒီလိုဆောင်ရွက်ခြင်းအားဖြင့် ဇီကာအတွက် တစ်ခါထဲ နှိမ်နှင်းပြီးသား ဖြစ်သွားပြီဗျ။ နယ်စပ်မှာဆိုရင် အပိုင်းနှစ်ပိုင်းနဲ့ လုပ်ဆောင်တယ်။ တစ်ပိုင်းက လူအဝင်အထွက်ပေါ့။ လူအဝင်အထွက် လုပ်တဲ့နေရာတွေမှာတော့ ကျန်းမာရေးနဲ့ ပတ်သက်ပြီး ဖျားနေတယ်လို့ သံသယရှိတဲ့ လူနာဆိုရင် စစ်ဆေးနိုင်အောင် ကျွန်တော်တို့ မြို့နယ်ပြည်သူ့ကျန်းမာရေးဦးစီးဌာနနဲ့ ပြန်ပြီး ချိတ်ဆက်ပေးလို့ရအောင် ကျန်းမာရေးဝန်ထမ်းတွေ ချထားပေးတယ်။ နောက်တစ်ပိုင်းကတော့ ကျန်းမာရေးစောင့်ရှောက်မှု ဆေးခန်းတွေ ဖွင့်ပေးထားတယ်။"ဟု ပြည်နယ်ပြည်သူ့ကျန်းမာရေးဦးစီးဌာနမှူး ဒေါက်တာထင်လင်းက ပြောသည်။

နယ်စပ်ဝင်ပေါက်များမှာ ဖြတ်သန်းသွားလာသူများမှတစ်ဆင့် နိုင်ငံအတွင်း ရောဂါကူးစက်မှု မဖြစ်ပွားစေရေး အတွက် ကျန်းမာရေးစစ်ဆေးမှု ဆောင်ရွက်ချက်များကို နှစ်နိုင်ငံ သတင်းပို့ ဆောင်ရွက်နခြေင်းဖြစ်ကြောင်း သိရသည်။

ဇီကာဗိုင်းရပ်စ်ပိုးအား ဓာတ်ခွဲစမ်းသပ်နိုင်ခြင်းမရှိသဖြင့် မစစ်ဆေးနိုင်သော်လည်း အဆိုပါ ရောဂါလက္ခဏာ ဖြစ်ပွားသည့် သံသယရှိလူနာကို မတွေ့ရသေးကြောင်း ပြည်နယ်ကျန်းမာရေးဦးစီးဌာနမှ သိရသည်။

"မရှိဘူး/ရှိတယ်ဆိုတာ အမှန်တော့ဓာတ်ခွဲစမ်းသပ်ပြီးမှ ပြောလို့ရမှာပေါ့။ ဇီကာကျတော့ ရန်ကုန်ကို သွေးပို့ပြီးစစ်ရမယ်။ ကျွန်တော်တို့ဆီမှာ စစ်ဖို့က အသင့် မရှိသေးပါဘူး။ လက်ရှိတွေ့နေရတဲ့အထဲမှာ ဇီကာဗိုင်းရပ်စ် သံသယဖြစ်ဖွယ်တော့ အခုချိန်ထိ မတွေ့သေးပါဘူး။ ဒီရောဂါနဲ့ ပတ်သက်ပြီး ကျန်းမာရေး ဝန်ထမ်းအားလုံးကို သက်ဆိုင်တဲ့ ရောဂါလဏ္ခါအကြောင်းကို ရှင်းပြထားပါတယ်။ ဘယ်လိုရောဂါ လက္ခဏာ ဆိုရင် ဒီရောဂါဖြစ်နိုင်တယ်ပေါ့။ သံသယဖြစ်နိုင်တယ်ဆိုရင် သွေးပို့ပြီးစစ်မှာပါ။ ခုလောလောဆယ်တော့ ကျွန်တော်တို့ဆီမှာ မတွေ့သေးပါဘူး။"ဟု ပြည်နယ်ပြည်သူ့ကျန်းမာရေးဦးစီးဌာနမှူး ဒေါက်တာထင်လင်းက ပြောသည်။

ဇီကာဗိုင်းရပ်စ်ပိုးသည် ခြင်မှကူးစက်ခြင်းဖြစ်ပြီး အသက်အရွယ်မရွေးဖြစ်ပွားတတ်ကြောင်း သိရသည်။

ဇီကာဗိုင်းရပ်စ်ပိုးသည် အများစု၌ ရောဂါကူးစက်မှန်းမသိရှိလိုက်ရဘဲ အနည်းစု၌ တုပ်ကွေးကဲ့သို့ ညောင်းညာကိုက်ခဲခြင်းများ၊ ဇက်ကိုက်ခြင်း၊ အကြောဆွဲခြင်း၊ ခန္ဓာကိုယ်အရပြေား၌ အနီစက်များ ထွက်ပေါ်ခြင်း၊ စိတ်ပိုင်းဆိုင်ရာ ဂယောက်ဂယက်ဖြစ်ခြင်း၊ တချို့တွင် အရပြေားယားယံခြင်းများ တွဲလျှက်ဖြစ်ပေါ်တတ်ပြီး ကိုယ်ဝန်ဆောင်အမျိုးသမီးများ၌ နောက်ဆက်တွဲအနဖြေင့် ကလေးငယ်များ ဦးနှောက်သေးသွားခြင်းများ ဖြစ်တတ်ကြောင်း သိရသည်။

သတင်း - အောင်ပြည့်