ရှမ်းပြည်နယ်တောင်ပိုင်းဒေသ၊ တောင်ကြီးမြို့ရှိ မြို့လယ်ဓမ္မာရုံတွင် စက်တင်ဘာလ (၁၁) ရက်နေ့ နံနက်ပိုင်းက ဓမ္မစကူးလ်ကျောင်းပေါင်းစုံ ချစ်ကြည်ရင်းနှီးရေးအတွက် အသိပညာပေး ဟောပြောပွဲနှင့် တရားပွဲကို ကျင်းပပြုလုပ်ရာ ဓမ္မစကူးလ်ကျောင်းပေါင်း (၂၄)ကျောင်းမှ တက်ရောက်ကြကြောင်း သိရသည်။
“ဓမ္မစကူးလ်ကျောင်းပေါင်းစုံ ချစ်ကြည်ရင်းနှီးမှုရရှိစေရန် အတွက် ရည်ရွယ်ထားပါတယ်”ဟု ဆရာတော် ဒေါက်တာ ဘဒ္ဒန္တဉာဏဝံသက မိန့်သည်။
အဆိုပါဟောပြောပွဲသို့ တောင်ကြီးမြို့ရှိ ဓမ္မစကူးလ်ကျောင်းပေါင်း (၂၄)ကျောင်းမှ ဓမ္မစကူးလ် ကျောင်းသား/သူများနှင့် ဆရာ/မများ၊ ဆရာတော်များ စုစုပေါင်းအင်အား (၇၀၀)ကျော် တက်ရောက်ကြောင်း သိရသည်။
သတင်း/ဓာတ်ပုံ - နိုနို