Update News

တာခ်ီလိတ္၌ ရွမ္းျပည္နယ္(အေရွ႕ပိုင္း) လူငယ္ေတြ႕ဆံုပြဲ ျပဳလုပ္ရန္အတြက္ အႀကိဳညႇိႏႈိင္း ေဆြးေႏြး







ရွမ္းျပည္နယ္အေရွ႕ပိုင္း လူငယ္ေတြ႕ဆုံပြဲ အခမ္းအနားကို တာခ်ီလိတ္၌ က်င္းပႏိုင္ေရးအတြက္ တာခ်ီလိတ္ၿမိဳ႕နယ္အုပ္ခ်ဳပ္ေရးမွဴး ႏွင့္ ဌာနဆိုင္ရာမ်ား၊ ႏိုင္ငံေရးပါတီမ်ား၊ တိုင္းရင္းသားေရးရာႏွင့္ လူမႈေရးအသင္းအဖြဲ႕မ်ား၊ ေဒသခံလူငယ္မ်ား ႏွင့္ အႀကိဳညိႇႏႈိင္း အစည္းအေ၀းပြဲကို ၾသဂုတ္လ (၂၆)ရက္ေန႔က တာခ်ီလိတ္ၿမိဳ႕နယ္အေထြေထြအုပ္ခ်ဳပ္ေရး ဦးစီးဌာနရုံးရွိ အစည္းအေ၀းခန္းမတြင္ က်င္းပျပဳလုပ္သည္။

ယင္းအစည္းအေ၀းသည္ စက္တင္ဘာလ (၂၄)ရက္ ႏွင့္ (၂၅)ရက္တြင္  ရွမ္းျပည္နယ္ အေရွ႕ပိုင္းရွိ ေဒသခံ တိုင္းရင္းသားလူငယ္ (၂၀၀)၀န္းက်င္ျဖင့္ က်င္းပျပဳလုပ္မည့္ ရွမ္းျပည္နယ္အေရွ႕ပိုင္း လူငယ္ေတြ႕ဆုံပြဲ အခမ္းအနားအတြက္ ေဆြးေႏြးျခင္းျဖစ္ၿပီး ေၾကာင္း ႏွင့္ ေတြ႕ဆံုပြဲသို႔ တက္ေရာက္လာေသာ အသက္(၁၅)ႏွစ္မွ (၃၅)ႏွစ္ၾကား လူငယ္(၂၀၀)၏ ဆႏၵ၊အသံမ်ားကို ေကာက္ခံသြားၿပီး ႏိုင္ငံေတာ္အဆင့္ထိေရာက္ေအာင္ တင္ျပသြားမွာျဖစ္ေၾကာင္း သိရသည္။


"ကၽြန္မတို႔အေနနဲ႔ ဒီလူငယ္ေတြ႕ဆုံပြဲမွာ အဓိကေဆြးေႏြးမွာက လူငယ္ႏွင့္ ၿငိမ္းခ်မ္းေရး၊ လူငယ္ႏွင့္ မူးယစ္ေဆး၀ါး ၊ လူငယ္ႏွင့္ က်န္းမားေရး၊ ပညာေရး၊ လူငယ္ႏွင့္ သဘာ၀ပတ္၀န္းက်င္၊ လူငယ္ႏွင့္ ဒီမိုကေရစီ၊ လူအခြင့္အေရးဆိုၿပီး ေခါင္းစဥ္(၅)ခုနဲ႔ ေဆြးေႏြးသြားမွာပါ။ ရွမ္းအေရွ႕အေနနဲ႔ (၄)ဦးကို ဒီေဆြးေႏြးပြဲကေန ကိုယ့္ရဲ႕ေဒသ၊ ကိုယ့္ရဲ႕တိုင္းရင္းသားအေရးကို ကိုယ္စားျပဳႏိုင္ၿပီးေတာ့ လိုအပ္ခ်က္ေတြကို ေျပာႏိုင္ရမဲ့ လူမ်ိဳးကို ေရြးခ်ယ္သြားမွာပါ။ ေနာက္ၿပီး လူငယ္မႈ၀ါဒေတြ၊ လူအေရးေတြကို စိတ္၀င္စားတဲ့သူကိုပဲ ေရြးခ်ယ္မယ္လို႔ဆုံးျဖတ္ထားပါတယ္။"ဟု တာခ်ီလိတ္လူငယ္ကြန္ရက္ ဥကၠဌ ေဒၚေမဇာျခည္လင္းက အစည္းအေ၀းတြင္ ေျပာသည္။

ရွမ္းျပည္နယ္အေရွ႕ပိုင္း လူငယ္ေတြ႕ဆုံပြဲအခမ္းအနားကို စက္တင္ဘာလ (၂၄)ရက္ႏွင့္ (၂၅)ရက္တြင္ တာခ်ီလိတ္ၿမိဳ႕ ေအာင္ျမတ္ခန္းမ၌ က်င္းပမွာျဖစ္ေၾကာင္း သိရွိရသည္။

သတင္း - ေဇာင္းညီ
ဓာတ္ပံု - ယာေဆး

~~~~~~~~~~~~~~~~~~~~~⊰❂ unicode ~~~~~~~~~~~~~~~~~~~~~

ရှမ်းပြည်နယ်အရှေ့ပိုင်း လူငယ်တွေ့ဆုံပွဲ အခမ်းအနားကို တာချီလိတ်၌ ကျင်းပနိုင်ရေးအတွက် တာချီလိတ်မြို့နယ်အုပ်ချုပ်ရေးမှူး နှင့် ဌာနဆိုင်ရာများ၊ နိုင်ငံရေးပါတီများ၊ တိုင်းရင်းသားရေးရာနှင့် လူမှုရေးအသင်းအဖွဲ့များ၊ ဒေသခံလူငယ်များ နှင့် အကြိုညှိနှိုင်း အစည်းအေဝးပွဲကို သြဂုတ်လ (၂၆)ရက်နေ့က တာချီလိတ်မြို့နယ်အထွေထွေအုပ်ချုပ်ရေး ဦးစီးဌာနရုံးရှိ အစည်းအေဝးခန်းမတွင် ကျင်းပပြုလုပ်သည်။

ယင်းအစည်းအေဝးသည် စက်တင်ဘာလ (၂၄)ရက် နှင့် (၂၅)ရက်တွင် ရှမ်းပြည်နယ် အရှေ့ပိုင်းရှိ ဒေသခံ တိုင်းရင်းသားလူငယ် (၂၀၀)ဝန်းကျင်ဖြင့် ကျင်းပပြုလုပ်မည့် ရှမ်းပြည်နယ်အရှေ့ပိုင်း လူငယ်တွေ့ဆုံပွဲ အခမ်းအနားအတွက် ဆွေးနွေးခြင်းဖြစ်ပြီး ကြောင်း နှင့် တွေ့ဆုံပွဲသို့ တက်ရောက်လာသော အသက်(၁၅)နှစ်မှ (၃၅)နှစ်ကြား လူငယ်(၂၀၀)၏ ဆန္ဒ၊အသံများကို ကောက်ခံသွားပြီး နိုင်ငံတော်အဆင့်ထိရောက်အောင် တင်ပြသွားမှာဖြစ်ကြောင်း သိရသည်။

"ကျွန်မတို့အနေနဲ့ ဒီလူငယ်တွေ့ဆုံပွဲမှာ အဓိကဆွေးနွေးမှာက လူငယ်နှင့် ငြိမ်းချမ်းရေး၊ လူငယ်နှင့် မူးယစ်ဆေးဝါး၊ လူငယ်နှင့် ကျန်းမားရေး၊ ပညာရေး၊ လူငယ်နှင့် သဘာဝပတ်ဝန်းကျင်၊ လူငယ်နှင့် ဒီမိုကရေစီ၊ လူအခွင့်အရေးဆိုပြီး ခေါင်းစဉ်(၅)ခုနဲ့ ဆွေးနွေးသွားမှာပါ။ ရှမ်းအရှေ့အနေနဲ့ (၄)ဦးကို ဒီဆွေးနွေးပွဲကနေ ကိုယ့်ရဲ့ဒေသ၊ ကိုယ့်ရဲ့တိုင်းရင်းသားအရေးကို ကိုယ်စားပြုနိုင်ပြီးတော့ လိုအပ်ချက်တွေကို ပြောနိုင်ရမဲ့ လူမျိုးကို ရွေးချယ်သွားမှာပါ။ နောက်ပြီး လူငယ်မှုဝါဒတွေ၊ လူအရေးတွေကို စိတ်ဝင်စားတဲ့သူကိုပဲ ရွေးချယ်မယ်လို့ဆုံးဖြတ်ထားပါတယ်။"ဟု တာချီလိတ်လူငယ်ကွန်ရက် ဥက္ကဌ ဒေါ်မေဇာခြည်လင်းက အစည်းအေဝးတွင် ပြောသည်။

ရှမ်းပြည်နယ်အရှေ့ပိုင်း လူငယ်တွေ့ဆုံပွဲအခမ်းအနားကို စက်တင်ဘာလ (၂၄)ရက်နှင့် (၂၅)ရက်တွင် တာချီလိတ်မြို့ အောင်မြတ်ခန်းမ၌ ကျင်းပမှာဖြစ်ကြောင်း သိရှိရသည်။

သတင်း - ဇောင်းညီ
ဓာတ်ပုံ - ယာဆေး
 #TachileikNewsAgency #TachileikOnlineNews www.tachileik.net  
~~~~~~ ေၾကာ္ျငာ ~~~~~~


« PREV
NEXT »