Update News

ေဒသတြင္း တုိက္ပြဲမ်ားေၾကာင့္ သီေပါၿမိဳ႕သို႔ စစ္ေဘးေရွာင္မ်ား ထပ္တိုးေရာက္လာ




ရွမ္းျပည္နယ္ေျမာက္ပိုင္း သီေပါၿမိဳ႕နယ္ အြန္မုေက်းရြာအုပ္စု၊ မန္လြယ္ေက်းရြာအနီးတြင္ RCSS/SSA နွင့္ PSLF/TNLA တို႔၏ ဇူလိုင္လ (၇) ရက္ေန႔မွ စတင္သည့္ တုိက္ပြဲမ်ားေၾကာင့္ စစ္ေဘးေရွာင္မ်ား သီေပါၿမိဳ႕သို႔ ထပ္တိုးေရာက္လာေၾကာင္း သိရသည္။

ေဒသတြင္းတိုက္ပြဲမ်ားေၾကာင့္ သီေပါၿမိဳ႕သို႔  ဇြန္လ (၈) ရက္ေန႔က စစ္ေဘးေရွာင္ (၂၀၀)ေက်ာ္ ေရာက္ရိွေနရာမွ ဇူလိုင္လ (၉)ရက္တြင္ ထပ္တိုးေရာက္လာသျဖင့္ စုစုေပါင္း စစ္ေဘးေရွာင္ (၃၀၀)နီးပါး ရိွေနၿပီျဖစ္ေၾကာင္း သိရသည္။

"(၉)ရက္ေန႔ ည (၁၂)နာရီေလာက္ကလည္း ရြာထဲကေန လွမ္းပစ္လို႔ ရြာသားေတြက ေၾကာက္လန္႔ၿပီး အိမ္ေစာင့္ ခ်န္ေနသူေတြပါ ၿမိဳ႕ထဲက စစ္ေဘးေရွာင္စခန္းကို ေရာက္လာတာပါ။ ဒီေန႔ေရာက္လာတာနဲ႔ဆို (၃၃၉) ဦးရိွၿပီ။”ဟု စစ္ေဘးေရွာင္စခန္း တာဝန္ခံ အတြင္းေရးမွဴး ေဒၚဝါဝါတင္က ဆိုသည္။

ယင္းစစ္ေဘးေရွာင္စခန္းတြင္ ဒုကၡသည္(၃၃၉)ဦးရွိသည့္အနက္ မီးဖြားထားသည့္ မိခင္္(၈)ဦး၊ မူႀကိဳကေလးငယ္ (၂၃)ဦးႏွင့္ မူလတန္းေက်ာင္းသား (၁၃)ဦး ပါဝင္သျဖင့္ တိုက္ပြဲအေျခအေနၾကည့္၍ အဆိုပါ ကေလးငယ္မ်ား ပညာဆက္လက္သင္ၾကားႏုိင္ေရးကို စီစဥ္မည္ျဖစ္ေၾကာင္း သိရသည္။

"ေက်ာင္းသားေတြအတြက္ေတာ့ လက္ရွိဘာမ ွမလုပ္ေဆာင္ရေသးပါဘူး။ ေစာင့္ၾကည့္အေနအထားပဲ ရွိပါေသးတယ္။ ေက်းရြာက ဆရာ/မေတြလည္း ထြက္ေျပးတိမ္းေရွာင္ေနရတယ္။ စခန္းမွာ လာေရာက္ေနထိုင္ျခင္း မရွိေသးေတာ့ ဘယ္လိုလုပ္မယ္ဆိုတာ မစီစဥ္ရေသးပါဘူး။ ၿပီးခဲ႔တဲ့ ပထမတစ္ေခါက္တုန္းကေတာ့ ၿမိဳ႕မွာရွိတဲ့ စာသင္ေက်ာင္းတစ္ေက်ာင္းနဲ႔ တြဲလိုက္တယ္" ဟု ၿဖိဳးေစတနာရွင္ လူမႈကူညီေရးအသင္းမွ ကိုေအာင္ေအာင္က ေျပာသည္။

လက္ရွိတြင္ ဘုန္းႀကီးေက်ာင္းအတြင္း ဖြင့္ထားသည့္ စစ္ေဘးေရွာင္စခန္းမွာ မၾကာမီ ၀ါတြင္းဥပုသ္ကာလ ေရာက္ေတာ့မည္ျဖစ္သျဖင့္ ေနထိုင္ေရး အခက္အခဲမ်ား ရိွလာႏိုင္ေၾကာင္း စခန္းႀကီးၾကပ္ေရးမႉး ဦးခင္ေဇာ္က ေျပာသည္။

"အိမ္မွာ လယ္ယာသံုးပစၥည္းေတြ၊ အိမ္ေမြးတိရစာၦန္ကၽြဲႏြား၊ဝက္၊ၾကက္ေတြပါ ထားခဲ့ရတာ။ တခ်ိဳ႕က်ေတာ့ အိမ္ေစာင့္တစ္ေယာက္ေလာက္ ထားခဲ႔ၾကတာရွိတယ္။ တခ်ိဳ႕က်ေတာ့ တံခါးပိတ္ခ်ိန္ေတာင္ မရခဲ့ပါဘူး။ ရြာမွာစိုက္ပိ်ဳးထားတဲ့ စပါး၊ေျပာင္းပင္ေတြကိုသြားေရာက္ လုပ္ကိုင္ဖို႔ဆိုတာ တိုက္ပြဲေတြၿပီးမွ ေအးခ်မ္းမွ ျဖစ္မွာမို႔ ျဖစ္ႏိုင္ရင္ တိုက္ပြဲေတြကို အျမန္ရပ္ေစခ်င္ပါတယ္"ဟု မန္လြယ္ရြာသားတစ္ဦးက ေျပာသည္။

စစ္ေဘးေ႐ွာင္မ်ားအတြက္ စားေသာက္ေရးအတြက္ အလႉ႐ွင္မ်ား လိုအပ္လွ်က္ရိွၿပီး လတ္တေလာတြင္ ပထမစစ္ေဘးေရွာင္စခန္းဖြင့္လွစ္စဥ္က ရွမ္းျပည္နယ္အစိုးရက ကူညီေပးထားသည့္ ေငြက်ပ္သိန္း (၁၀၀)ျဖင့္ ကူညီေထာက္ပံ့ေနျခင္းျဖစ္ေၾကာင္း သိရသည္။

သတင္း။  ။ ေအာင္ျပည့္
................

ရှမ်းပြည်နယ်မြောက်ပိုင်း သီပေါမြို့နယ် အွန်မုကျေးရွာအုပ်စု၊ မန်လွယ်ကျေးရွာအနီးတွင် RCSS/SSA နှင့် PSLF/TNLA တို့၏ ဇူလိုင်လ (၇) ရက်နေ့မှ စတင်သည့် တိုက်ပွဲများကြောင့် စစ်ဘေးရှောင်များ သီပေါမြို့သို့ ထပ်တိုးရောက်လာကြောင်း သိရသည်။

ဒေသတွင်းတိုက်ပွဲများကြောင့် သီပေါမြို့သို့ ဇွန်လ (၈) ရက်နေ့က စစ်ဘေးရှောင် (၂၀၀)ကျော် ရောက်ရှိနေရာမှ ဇူလိုင်လ (၉)ရက်တွင် ထပ်တိုးရောက်လာသဖြင့် စုစုပေါင်း စစ်ဘေးရှောင် (၃၀၀)နီးပါး ရှိနပြေီဖြစ်ကြောင်း သိရသည်။

"(၉)ရက်နေ့ ည (၁၂)နာရီလောက်ကလည်း ရွာထဲကနေ လှမ်းပစ်လို့ ရွာသားတွေက ကြောက်လန့်ပြီး အိမ်စောင့် ချန်နေသူတွေပါ မြို့ထဲက စစ်ဘေးရှောင်စခန်းကို ရောက်လာတာပါ။ ဒီနေ့ရောက်လာတာနဲ့ဆို (၃၃၉) ဦးရှိပြီ။”ဟု စစ်ဘေးရှောင်စခန်း တာဝန်ခံ အတွင်းရေးမှူး ဒေါ်ဝါဝါတင်က ဆိုသည်။

ယင်းစစ်ဘေးရှောင်စခန်းတွင် ဒုက္ခသည်(၃၃၉)ဦးရှိသည့်အနက် မီးဖွားထားသည့် မိခင်(၈)ဦး၊ မူကြိုကလေးငယ် (၂၃)ဦးနှင့် မူလတန်းကျောင်းသား (၁၃)ဦး ပါဝင်သဖြင့် တိုက်ပွဲအခြေအနကြေည့်၍ အဆိုပါ ကလေးငယ်များ ပညာဆက်လက်သင်ကြားနိုင်ရေးကို စီစဉ်မည်ဖြစ်ကြောင်း သိရသည်။

"ကျောင်းသားတွေအတွက်တော့ လက်ရှိဘာမှမလုပ်ဆောင်ရသေးပါဘူး။ စောင့်ကြည့်အနေအထားပဲ ရှိပါသေးတယ်။ ကျေးရွာက ဆရာ/မတွေလည်း ထွက်ပြေးတိမ်းရှောင်နေရတယ်။ စခန်းမှာ လာရောက်နေထိုင်ခြင်း မရှိသေးတော့ ဘယ်လိုလုပ်မယ်ဆိုတာ မစီစဉ်ရသေးပါဘူး။ ပြီးခဲ့တဲ့ ပထမတစ်ခေါက်တုန်းကတော့ မြို့မှာရှိတဲ့ စာသင်ကျောင်းတစ်ကျောင်းနဲ့ တွဲလိုက်တယ်" ဟု ဖြိုးစေတနာရှင် လူမှုကူညီရေးအသင်းမှ ကိုအောင်အောင်က ပြောသည်။

လက်ရှိတွင် ဘုန်းကြီးကျောင်းအတွင်း ဖွင့်ထားသည့် စစ်ဘေးရှောင်စခန်းမှာ မကြာမီ ဝါတွင်းဥပုသ်ကာလ ရောက်တော့မည်ဖြစ်သဖြင့် နေထိုင်ရေး အခက်အခဲများ ရှိလာနိုင်ကြောင်း စခန်းကြီးကြပ်ရေးမှူး ဦးခင်ဇော်က ပြောသည်။

"အိမ်မှာ လယ်ယာသုံးပစ္စည်းတွေ၊ အိမ်မွေးတိရစာ္ဆန်ကျွဲနွား၊ဝက်၊ကြက်တွေပါ ထားခဲ့ရတာ။ တချို့ကျတော့ အိမ်စောင့်တစ်ယောက်လောက် ထားခဲ့ကြတာရှိတယ်။ တချို့ကျတော့ တံခါးပိတ်ချိန်တောင် မရခဲ့ပါဘူး။ ရွာမှာစိုက်ပျိုးထားတဲ့ စပါး၊ပြောင်းပင်တွေကိုသွားရောက် လုပ်ကိုင်ဖို့ဆိုတာ တိုက်ပွဲတွပြေီးမှ အေးချမ်းမှ ဖြစ်မှာမို့ ဖြစ်နိုင်ရင် တိုက်ပွဲတွေကို အမြန်ရပ်စေချင်ပါတယ်"ဟု မန်လွယ်ရွာသားတစ်ဦးက ပြောသည်။

စစ်ဘေးရှောင်များအတွက် စားသောက်ရေးအတွက် အလှူရှင်များ လိုအပ်လျှက်ရှိပြီး လတ်တလောတွင် ပထမစစ်ဘေးရှောင်စခန်းဖွင့်လှစ်စဉ်က ရှမ်းပြည်နယ်အစိုးရက ကူညီပေးထားသည့် ငွေကျပ်သိန်း (၁၀၀)ဖြင့် ကူညီထောက်ပံ့နခြေင်းဖြစ်ကြောင်း သိရသည်။

သတင်း။ အောင်ပြည့်


 #TachileikNewsAgency #TachileikOnlineNews www.tachileik.net  

~~~~~~~~~ ေၾကာ္ျငာ ~~~~~~~~~


« PREV
NEXT »