လားရှိုး၊ ဇွန်လ(၂)ရက်
ရှမ်းပြည်နယ်( မြောက်ပိုင်း )လားရှိုးမြို့တွင် လမ်းမများပေါ်အထိ ကျူးကျော်ဈေးရောင်းချနေသူများအား လားရှိုးမြို့နယ်စည်ပင်သာယာရေးကော်မတီမှ လိုက်လံ ဖယ်ရှားလျှက်ရှိပြီး လိုက်နာမှုမရှိဘဲ ထပ်မံ၍ စည်းကမ်းမဲ့ရောင်းချလျှင် အရေးယူသွားမည်ဖြစ်ကြောင်း သိရသည်။

"များသောအားဖြင့်က ဖုန်းဆိုင်တွေပါ။ ဖုန်းဆိုင်တွေကဆိုင်ရှေ့ ပလက်ဖောင်းပေါ်မှာ လေးထောင့် ထီးတွေနဲ့ ရောင်းချတာတွေကို ဖယ်ရှားဖို့ သတိပေးတာပါ။ ပြစ်ဒဏ်ပေးမှုတော့ မရှိသေးပါဘူး။ လိုက်နာမှုမရှိဘဲ ဆက်လက် ခင်းကျင်းရောင်းချတာတွေ တွေ့ရရင်တော့ အရေးယူသွားမှာပါ"ဟု လားရှိုးမြို့နယ် စည်ပင်သာယာ ဦစီးဌာနမှ ဦးစီးအရာရှိ ဦးမြတ်သူက ပြောသည်။

ရှမ်းပြည်နယ်(မြောက်ပိုင်း )လားရှိုးမြို့ပေါ်ရှိ လူစည်ကားရာ သုခလမ်းပေါ်မှ ဆိုင်ခန်းများသည် လူသွားလမ်း ပလက်ဖောင်းပေါ်တွင် ထီးအမိုးများချ၍ ကြော်ငြာဘုတ်များ ခင်းကျင်းရောင်းချနေမှုအား မြို့နယ်စည်ပင်သာယာရေး ဝန်ထမ်းများက မေလ(၂၇)ရက်နေ့မှကစပြီး လိုက်လံ ဖယ်ရှားနခြေင်းဖြစ်ကြောင်း သိရသည်။

"ဆိုင်ရှေ့မှာရှိတဲ့ အမိုးတွေ၊ ကြော်ငြာ ဆိုင်းဘုတ်တွေကို ဖယ်ရှားရှင်းလင်းသွားတာပါ။ ဒီနေ့တော့ ပလက်ဖောင်းပေါ်မှာ ရောင်းချတာမျိုးမတွေ့ရပါဘူး။ ကျွန်မတို့ မရှိဆင်းရဲသားတွေက ဒီပလက်ဖောင်းပဲ အသုံးပြုရတာပါ။ သူတို့က ပလက်ဖောင်းအထိ ခင်းကျင်းထားတော့ လမ်းမပေါ်က သွားရတယ်။ အဲဒီနေရာ တစ်လမ်းလုံးက အမြဲတမ်းကားတွေ ဆိုင်ကယ်တွေနဲ့ ပိတ်နေတာ။ အဲဒီတော့ စိုးရိမ်စရာပေါ့။ ခုတော့အန္တရာယ်ကင်းကင်းနဲ့သွားလာနိုင်ပါပြီ''ဟု လားရှိမြို့ ဒေသခံ တစ်ဦးက ပြောသည်။

သုခလမ်းသည် ညဈေးနှင့်နီးသည့်အတွက် လမ်းအသုံးပြုသူများပြားပြီး လမ်းပိတ်ဆို့မှုများ မကြာခဏဖြစ်တတ်၍ အန္တရာယ်ကင်းရှင်းစေရန်သတိပေးတားမြစ်ခြင်းဖြစ်ကြောင်း သိရသည်။

လားရှိုးမြို့နယ် စည်ပင်သာယာရေးဦးစီးဌာနအနဖြေင့် သုခလမ်းတွင် လမ်းပလက်ဖောင်းများအထိ ကျူးကျော်နေသည့် ဆိုင်ခန်းများအား စတင်ဖယ်ရှားနခြေင်းဖြစ်ပြီး မြို့သာယာရေးအတွက် ဆက်လက် လုပ်ဆောင်သွားမည်ဖြစ်ကြောင်း သိရသည်။

သတင်း။ အောင်ပြည့်(လားရှိုး)