Update News

တာခ်ီလိတ္၌ ေရရွားပါးသည့္ ရပ္ကြက္မ်ား တိုးလာသျဖင့္ ဌာနဆိုင္ရာႏွင့္ ေဒသခံမ်ား ကိုယ္ထူကိုယ္ထ ေရေပးေဝမႈမ်ား လုပ္ေဆာင္လာ






တာခ်ီလိိတ္၊ ဧၿပီလ(၂၉)ရက္
တာခ်ီလိတ္ၿမိဳ႕တြင္ ေရရွားပါးလာသည့္ ရပ္ကြက္မ်ားတိုးလာသျဖင့့္ ၿမိဳ႕နယ္စည္ပင္သာယာေရး ဦးစီးဌာန၊ ၿမိဳ႕နယ္မီးသတ္အျပင္ ေဒသခံအလွဴရွင္မ်ားကပါ ကိုယ္ထူကိုယ္ထ ေရေပးေ၀မႈမ်ား လုပ္ေဆာင္လာၾကေၾကာင္း သိရသည္။

"ရပ္ကြက္ထဲမွာ တခ်ိဳ႕ေတြက ေသာက္ေရ၊ သုံးေရ႐ွားတာ ေတြ႔ရတယ္။ အဲဒါေၾကာင့္ လိုအပ္ရင္ လာယူလို႔ရေအာင္ ေရသန္႔စက္႐ုံအေ႐ွ႕နားမွာ ေရစည္ပိုင္းေတြ ခ်ထားေပးတာပါ။ အိမ္တိုင္ရာေရာက္ ေဝေပးဖို႔ေတာ့ အစီအစဥ္ မ႐ွိပါဘူး။ လိုအပ္သလို သုံးေရေကာ ၊ ေသာက္ေရေကာ လာယူလို႔ရပါတယ္။"ဟု ေတာ္ဝင္ေသာက္ေရသန္႔လုပ္ငန္းမွ မစႏၵာက ေျပာသည္။

ေရ႐ွားပါးမႈႏွင့္ႀကံဳေတြ႕ေနရေသာ ရပ္ကြက္မ်ားအား ၿမိဳ႕နယ္စည္ပင္သာယာေရးဦးစီးဌာနႏွင့္ ၿမိဳ႕နယ္မီးသတ္ဦးစီးဌာနတို႔အျပင္ ပညာေရးေဖာင္ေဒး႐ွင္း၊ တာခ်ီလိတ္ၿမိဳ႕သံတာအားနာမိခင္အသင္း၊ အလင္းေရာင္ပရဟိတအသင္း၊ အမ်ိဳးသားဒီမိုကေရစီအဖြဲ႕ခ်ဳပ္ပါတီ၊ ေရသန္႔လုပ္ငန္းမ်ားျဖစ္သည့္ ေတာ္ဝင္ ၊ Golden Star ၊ Yellow စသည့္အလႈရွင္မ်ားကလည္း ေရျဖန္႔ေဝေပးလွ်က္ရိွေၾကာင္း သိရသည္။

"ဒီႏွစ္မွာ ေရ႐ွားပါးတာက ေတာ္ေတာ္ဆိုးတယ္။ ၿမိဳ႕လယ္ေခါင္က ဘယ္ေတာ့မွ မခန္းဖူးေသးတဲ့ နမ့္ယြန္းေခ်ာင္းကလည္း ဒီႏွစ္မွာ ခန္းသြားတယ္။ သၾကၤန္ၿပီးတဲ့ ကာလေနာက္ပိုင္းမွာ ေရ႐ွားပါးမႈ ပိုျဖစ္လာတယ္။ ေနာက္ႏွစ္ေတြဆို ဘယ္လိုမ်ား ရင္ဆိုင္ရမလဲ မသိဘူး။" ဟု နမ့္ယြန္းေခ်ာင္းေဘးေနထိုင္သူ ဦးေအာင္ၿဖိဳး႐ွိန္က ေျပာသည္။

တာခ်ီလိတ္ၿမိဳ႕တြင္ ရာသီဥတုအပူရွိန္လြန္ကဲလာကာ ေရတြင္းအမ်ားစုမွာ ေရခန္းေျခာက္လာသျဖင့္ ေရတြင္းမ်ားအား ႏံႈးဆယ္ျခင္း၊ ထပ္မံတူးေဖာ္ျခင္းမ်ား ျပဳလုပ္လွ်က္ရွိေၾကာင္း သိရသည္။

သတင္း။   ။ ေဇာင္းညီ
......................

တာချီလိတ်၊ ဧပြီလ(၂၉)ရက်
တာချီလိတ်မြို့တွင် ရေရှားပါးလာသည့် ရပ်ကွက်များတိုးလာသဖြင့် မြို့နယ်စည်ပင်သာယာရေး ဦးစီးဌာန၊ မြို့နယ်မီးသတ်အပြင် ဒေသခံအလှူရှင်များကပါ ကိုယ်ထူကိုယ်ထ ရေပေးေဝမှုများ လုပ်ဆောင်လာကြကြောင်း သိရသည်။

"ရပ်ကွက်ထဲမှာ တချို့တွေက သောက်ရေ၊ သုံးရေရှားတာ တွေ့ရတယ်။ အဲဒါကြောင့် လိုအပ်ရင် လာယူလို့ရအောင် ရေသန့်စက်ရုံအရှေ့နားမှာ ရေစည်ပိုင်းတွေ ချထားပေးတာပါ။ အိမ်တိုင်ရာရောက် ဝေပေးဖို့တော့ အစီအစဉ် မရှိပါဘူး။ လိုအပ်သလို သုံးရေကော၊ သောက်ရေကော လာယူလို့ရပါတယ်။"ဟု တော်ဝင်သောက်ရေသန့်လုပ်ငန်းမှ မစန္ဒါက ပြောသည်။

ရေရှားပါးမှုနှင့်ကြုံတွေ့နေရသော ရပ်ကွက်များအား မြို့နယ်စည်ပင်သာယာရေးဦးစီးဌာနနှင့် မြို့နယ်မီးသတ်ဦးစီးဌာနတို့အပြင် ပညာရေးဖောင်ဒေးရှင်း၊ တာချီလိတ်မြို့သံတာအားနာမိခင်အသင်း၊ အလင်းရောင်ပရဟိတအသင်း၊ အမျိုးသားဒီမိုကရေစီအဖွဲ့ချုပ်ပါတီ၊ ရေသန့်လုပ်ငန်းများဖြစ်သည့် တော်ဝင်၊ Golden Star၊ Yellow စသည့်အလှုရှင်များကလည်း ရဖြေန့်ဝေပေးလျှက်ရှိကြောင်း သိရသည်။

"ဒီနှစ်မှာ ရေရှားပါးတာက တော်တော်ဆိုးတယ်။ မြို့လယ်ခေါင်က ဘယ်တော့မှ မခန်းဖူးသေးတဲ့ နမ့်ယွန်းချောင်းကလည်း ဒီနှစ်မှာ ခန်းသွားတယ်။ သင်္ကြန်ပြီးတဲ့ ကာလနောက်ပိုင်းမှာ ရေရှားပါးမှု ပိုဖြစ်လာတယ်။ နောက်နှစ်တွေဆို ဘယ်လိုများ ရင်ဆိုင်ရမလဲ မသိဘူး။" ဟု နမ့်ယွန်းချောင်းဘေးနေထိုင်သူ ဦးအောင်ဖြိုးရှိန်က ပြောသည်။

တာချီလိတ်မြို့တွင် ရာသီဥတုအပူရှိန်လွန်ကဲလာကာ ရေတွင်းအများစုမှာ ရေခန်းခြောက်လာသဖြင့် ရေတွင်းများအား နှုံးဆယ်ခြင်း၊ ထပ်မံတူးဖော်ခြင်းများ ပြုလုပ်လျှက်ရှိကြောင်း သိရသည်။

သတင်း။ ဇောင်းညီ
 #TachileikNewsAgency #TachileikOnlineNews www.tachileik.net  
« PREV
NEXT »