Update News

ထိုင္းႏိုင္ငံမွ ေနရပ္ျပန္ ျမန္မာႏုိင္ငံသားမ်ား အလုပ္သမားကတ္အျပင္ သံရံုးေထာက္ခံစာပါ ယူရန္လိုအပ္



မယ္ဆိုင္၊ ဧၿပီ(၇)  ။   ။ ထိုင္းႏိုင္ငံတြင္းမွ ေနရပ္ျပန္မည့္ ျမန္မာေရႊ႕ေျပာင္းအလုပ္သမားမ်ားအေနျဖင့္ အလုပ္သမားကတ္ အျပင္ သံရံုးေထာက္ခံစာျပဳလုပ္၍ ျပန္လာရမည္ကို နားမလည္ေသာေၾကာင့္ ထိုင္းႏုိင္ငံအတြင္း စစ္ေဆးေရးဂိတ္မ်ားတြင္ မၾကာခဏ ဖမ္းဆီးခံရေၾကာင္း သိရသည္။

“ကၽြန္ေတာ္က အလုပ္သမားကတ္နဲ႔ ေနရပ္ကို ျပန္လာတယ္။ ဒါေပမဲ့ လမ္းက စစ္ေဆးေရးဂိတ္ေတြမွာ ထိုင္းရဲေတြက ဖမ္းတယ္။ ကၽြန္ေတာ့္ကုိ ျပန္လာမယ္ဆိုရင္ သံရုံးေထာက္ခံစာ မပါလို႔တဲ့။ ကၽြန္ေတာ္လည္း သံရုံးေထာက္ခံစာယူၿပီး ျပန္လာရမယ္ဆိုတာကုိမသိဘူး။ ဘယ္သူမွလည္း မေျပာဘူးဗ်” ဟု ေရႊ႕ေျပာင္းအလုပ္သမားျမန္မာႏိုင္ငံသား ကိုရဲမင္းေအာင္က ေျပာသည္။

ထိုင္းႏိုင္ငံအတြင္းရွိ အခ်ိဳ႕အလုပ္ရွင္မ်ားက မိမိ အလုပ္သမားမ်ားကို သံရုံးေထာက္ခံစာယူၿပီး ျပန္ရမည္ကို အသိမေပးျခင္းေၾကာင့္ တခ်ိဳ႕အလုပ္သမားမ်ားဖမ္းဆီးခံရေၾကာင္း ၎ထံမွ သိရသည္။

“တခ်ိဳ႕က ဒီ အလုပ္လုပ္ခြင့္ ပန္းေရာင္ကတ္ေတြကို ကိုင္ေဆာင္ထားၿပီဆိုတာနဲ႔ လြတ္လြတ္လပ္လပ္ သြားလို႔ရၿပီလို႔ ထင္ၾကတယ္။ အမွန္က မိမိေနရပ္ကို ျပန္လာမယ္ဆိုရင္ အဲဒီ ပန္းေရာင္ကတ္နဲ႔ ကိုယ္အလုပ္လုပ္တဲ့ ေနရာအနီးအနားမွာရွိတဲ့ သက္ဆိုင္ရာဌာနေတြ၊ ၿပီးေတာ့ သံရုံး ေထာက္ခံစာေတြ ယူၿပီးမွသာ ျပန္လာ လုိ႔ရမွာပါ။ အဲလိုမွမလုပ္ရင္ စစ္ေဆးေရးဂိတ္ေတြမွာ ဖမ္းခံရၿပီး ထိုင္းႏိုင္ငံတည္ဆဲဥပေဒအရ အေရးယူခံရမွာပါ။” ဟု ထိုင္းႏိုင္ငံ မယ္ဆုိင္ၿမိဳ႕ေရာက္ ျမန္မာႏိုင္ငံသားမ်ားကူညီေစာင့္ေရွာက္ေရးေကာ္မတီ(CNCMC)လုပ္ငန္းအေကာင္ထည္ေဖာ္ေရးေကာ္မတီမွ အတြင္းေရးမွဴး ဦးစည္သူေမာင္က ေျပာသည္။

ထိုင္းနို္င္ငံအတြင္း အလုပ္လုပ္ကိုင္ခြင့္ ေပးထားေသာ ပန္းေရာင္ကတ္ျပားမ်ား ထုတ္ေပးသည့္ အခ်ိန္တြင္ အလုပ္သမားလူမႈဖူလုံေရးႏွင့္ အလုပ္သမားဦးစီးဌာနမွ အလုပ္သမားကတ္ႏွင့္ ပတ္သက္သည့္ သတ္မွတ္ထားေသာ စည္းမ်ဥ္း စည္းကမ္းမ်ားအား စကားျပန္မ်ားႏွင့္ အသိပညာေပးသင့္ေသာ္လည္း ယင္းကဲ့သို႔ လုပ္ေဆာင္ခဲ့ျခင္းမရိွသည့္အတြက္ အလုပ္သမားမ်ားအေနျဖင့္ နားလည္မႈ လြဲေနျခင္းျဖစ္သည္ဟု ၎က ေထာက္ျပသည္။

မတ္လ ေနာက္ဆံုးပတ္ႏွင့္ ဧၿပီလဆန္းပိုင္းအတြင္း ဆက္တိုက္ ဖမ္းဆီးခံရေသာ ေရႊ႕ေျပာင္းအလုပ္သမားျမန္မာႏိုင္ငံသားမ်ားအား ျမန္မာႏိုင္ငံ တာ၀န္ရွိသူမ်ားထံ ျပန္လည္ လႊဲေျပာင္းလာတိုင္း ေထာက္ခံစာယူရန္ သိရိွနားလည္ျခင္းမရိွ၍ သံရုံုးေထာက္ခံစာ ယူမလာသျဖင့္ ဖမ္းဆီးခံရသူမ်ားေၾကာင္း သိရသည္။

ေရႊ႕ေျပာင္း ျမန္မာအလုပ္သမားမ်ား ေနရပ္ျပန္ခ်ိန္တြင္ အမ်ားဆံုး ဖမ္းဆီးခံရသည့္ေနရာမ်ားမွာ တာခ်ီလိတ္-မယ္ဆိုင္လမ္းေၾကာင္းတြင္ ထိုင္းႏို္င္ငံ ခ်င္းရိုင္းခရိုင္၊ မယ္ဆိုင္ၿမိဳ႕နယ္အတြင္းရွိ မယ္က်န္႔ စစ္ေဆးေရးဂိတ္ႏွင့္ ျမ၀တီ-မဲေဆာက္ လမ္းေၾကာင္းတြင္ ထိုင္းႏို္င္ငံ တာ့ခ္ခ႐ုိင္၊ မဲေဆာက္ၿမိဳ႕နယ္အတြင္းရွိ စစ္ေဆးေရးဂိတ္မ်ားျဖစ္ေၾကာင္း သိရသည္။

ထိုင္းႏိုင္ငံအတြင္း အလုပ္လုပ္ကိုင္ေနေသာ ျမန္မာႏိုင္ငံသား ေရႊ႕ေျပာင္း ျမန္မာအလုပ္သမား ( ၁.၆)သန္းေက်ာ္အား၂၀၁၃ ခုႏွစ္ ၾသဂုတ္ လအထိ အေထာက္အထားမ်ား ထုတ္ေပးၿပီးျဖစ္ေၾကာင္း သိရၿပီး ထုိင္းႏုိင္ငံ တြင္ ျမန္မာေရႊ႕ေျပာင္းအလုပ္သမား (၃)သန္းေက်ာ္ခန္႔ရွိေၾကာင္း ေရႊ႕ေျပာင္းအလုပ္သမားမ်ားဆိုင္ရာ စစ္တမ္းမ်ားအရ သိရသည္။

သတင္း။  ။ ကိုဇက္

**************

 
မယ်ဆိုင်၊ ဧပြီ(၇)။ ထိုင်းနိုင်ငံတွင်းမှ နေရပ်ပြန်မည့် မြန်မာရွှေ့ပြောင်းအလုပ်သမားများအနဖြေင့် အလုပ်သမားကတ် အပြင် သံရုံးထောက်ခံစာပြုလုပ်၍ ပြန်လာရမည်ကို နားမလည်သောကြောင့် ထိုင်းနိုင်ငံအတွင်း စစ်ဆေးရေးဂိတ်များတွင် မကြာခဏ ဖမ်းဆီးခံရကြောင်း သိရသည်။

“ကျွန်တော်က အလုပ်သမားကတ်နဲ့ နေရပ်ကို ပြန်လာတယ်။ ဒါပေမဲ့ လမ်းက စစ်ဆေးရေးဂိတ်တွေမှာ ထိုင်းရဲတွေက ဖမ်းတယ်။ ကျွန်တော့်ကို ပြန်လာမယ်ဆိုရင် သံရုံးထောက်ခံစာ မပါလို့တဲ့။ ကျွန်တော်လည်း သံရုံးထောက်ခံစာယူပြီး ပြန်လာရမယ်ဆိုတာကိုမသိဘူး။ ဘယ်သူမှလည်း မပြောဘူးဗျ” ဟု ရွှေ့ပြောင်းအလုပ်သမားမြန်မာနိုင်ငံသား ကိုရဲမင်းအောင်က ပြောသည်။

ထိုင်းနိုင်ငံအတွင်းရှိ အချို့အလုပ်ရှင်များက မိမိ အလုပ်သမားများကို သံရုံးထောက်ခံစာယူပြီး ပြန်ရမည်ကို အသိမပေးခြင်းကြောင့် တချို့အလုပ်သမားများဖမ်းဆီးခံရကြောင်း၎င်းထံမှ သိရသည်။

“တချို့က ဒီ အလုပ်လုပ်ခွင့် ပန်းရောင်ကတ်တွေကို ကိုင်ဆောင်ထားပြီဆိုတာနဲ့ လွတ်လွတ်လပ်လပ် သွားလို့ရပြီလို့ ထင်ကြတယ်။ အမှန်က မိမိနေရပ်ကို ပြန်လာမယ်ဆိုရင် အဲဒီ ပန်းရောင်ကတ်နဲ့ ကိုယ်အလုပ်လုပ်တဲ့ နေရာအနီးအနားမှာရှိတဲ့ သက်ဆိုင်ရာဌာနတွေ၊ ပြီးတော့ သံရုံး ထောက်ခံစာတွေ ယူပြီးမှသာ ပြန်လာ လို့ရမှာပါ။ အဲလိုမှမလုပ်ရင် စစ်ဆေးရေးဂိတ်တွေမှာ ဖမ်းခံရပြီး ထိုင်းနိုင်ငံတည်ဆဲဥပဒေအရ အရေးယူခံရမှာပါ။” ဟု ထိုင်းနိုင်ငံ မယ်ဆိုင်မြို့ရောက် မြန်မာနိုင်ငံသားများကူညီစောင့်ရှောက်ရေးကော်မတီ(CNCMC)လုပ်ငန်းအကောင်ထည်ဖော်ရေးကော်မတီမှ အတွင်းရေးမှူး ဦးစည်သူမောင်က ပြောသည်။

ထိုင်းနို်င်ငံအတွင်း အလုပ်လုပ်ကိုင်ခွင့် ပေးထားသော ပန်းရောင်ကတ်ပြားများ ထုတ်ပေးသည့် အချိန်တွင် အလုပ်သမားလူမှုဖူလုံရေးနှင့် အလုပ်သမားဦးစီးဌာနမှ အလုပ်သမားကတ်နှင့် ပတ်သက်သည့် သတ်မှတ်ထားသော စည်းမျဉ်း စည်းကမ်းများအား စကားပြန်များနှင့် အသိပညာပေးသင့်သော်လည်း ယင်းကဲ့သို့ လုပ်ဆောင်ခဲ့ခြင်းမရှိသည့်အတွက် အလုပ်သမားများအနဖြေင့် နားလည်မှု လွဲနခြေင်းဖြစ်သည်ဟု၎င်းက ထောက်ပြသည်။

မတ်လ နောက်ဆုံးပတ်နှင့် ဧပြီလဆန်းပိုင်းအတွင်း ဆက်တိုက် ဖမ်းဆီးခံရသော ရွှေ့ပြောင်းအလုပ်သမားမြန်မာနိုင်ငံသားများအား မြန်မာနိုင်ငံ တာဝန်ရှိသူများထံ ပြန်လည် လွှဲပြောင်းလာတိုင်း ထောက်ခံစာယူရန် သိရှိနားလည်ခြင်းမရှိ၍ သံရုံးထောက်ခံစာ ယူမလာသဖြင့် ဖမ်းဆီးခံရသူများကြောင်း သိရသည်။

ရွှေ့ပြောင်း မြန်မာအလုပ်သမားများ နေရပ်ပြန်ချိန်တွင် အများဆုံး ဖမ်းဆီးခံရသည့်နေရာများမှာ တာချီလိတ်-မယ်ဆိုင်လမ်းကြောင်းတွင် ထိုင်းနို်င်ငံ ချင်းရိုင်းခရိုင်၊ မယ်ဆိုင်မြို့နယ်အတွင်းရှိ မယ်ကျန့် စစ်ဆေးရေးဂိတ်နှင့် မြဝတီ-မဲဆောက် လမ်းကြောင်းတွင် ထိုင်းနို်င်ငံ တာ့ခ်ခရိုင်၊ မဲဆောက်မြို့နယ်အတွင်းရှိ စစ်ဆေးရေးဂိတ်များဖြစ်ကြောင်း သိရသည်။

ထိုင်းနိုင်ငံအတွင်း အလုပ်လုပ်ကိုင်နေသော မြန်မာနိုင်ငံသား ရွှေ့ပြောင်း မြန်မာအလုပ်သမား ( ၁.၆)သန်းကျော်အား၂၀၁၃ ခုနှစ် သြဂုတ် လအထိ အထောက်အထားများ ထုတ်ပေးပြီးဖြစ်ကြောင်း သိရပြီး ထိုင်းနိုင်ငံ တွင် မြန်မာရွှေ့ပြောင်းအလုပ်သမား (၃)သန်းကျော်ခန့်ရှိကြောင်း ရွှေ့ပြောင်းအလုပ်သမားများဆိုင်ရာ စစ်တမ်းများအရ သိရသည်။

သတင်း။ ကိုဇက်
 #TachileikNewsAgency #TachileikOnlineNews www.tachileik.net  
~~~~~~~~~~~~~~~~~~ ေၾကာ္ျငာ ~~~~~~~~~~~~~~~~~~~~


« PREV
NEXT »