မြောက်ဦး၊ မတ်လ (၂၂) ရက် ။ ။ ရခိုင်ပြည်နယ် မြောက်ဦးမြို့နယ်အတွင်း ရှေးဟောင်းနယ်မြေများတွင် တောင်များအားဖြိုပြီး မြေသားတူးယူမှု များပြားလာသည့်အတွက် စောင့်ကြည့်ကာကွယ်မည့် အစီအစဉ်တစ်ရပ် ပြုလုပ်သွားမည်ဖြစ်ကြောင်း သိရသည်။
အဆိုပါ အစီအစဉ်ကို မြောက်ဦးမြို့နယ်ရှိ သမိုင်းသုတေသီပညာရှင်များ အပါအဝင် မြို့ပေါ်ရှိ ရှေးဟောင်းယဉ်ကျေးမှု အမွေအနှစ် ထိန်းသိမ်းကာကွယ်စောင့်ရှောက်သူများဖြင့် ဖွဲ့စည်းထားသည့် မြောက်ဦးရှေးဟောင်း ယဉ်ကျေးမှု အမွေအနှစ် ထိန်းသိမ်းစောင့်ရှောက်ရေးကော်မတီက လုပ်ဆောင်သွားမည်ဖြစ်ကြောင်း အဆိုပါအသင်း၏ ဥက္ကဌဖြစ်သူ ဒေါ်အေးခင်သန်းထံမှ သိရသည်။
“ကျွန်မတို့ မြင်တွေ့နေရတာတွေက ကျေးရွာတွေကို လမ်းဖောက်တဲ့အခါ မြေသားတွေကို တူးပြီးဖို့ပြီး လုပ်ကြရတယ်။ ဒါတွေအတွက် ရှေး/သု (ရှေးဟောင်းသုတေသန) နယ်မြေအတွင်းမှာရှိတဲ့ မြေတွေကို တူးဖော်ပြီး အသုံးပြုကြတယ်။ ကျွန်မတို့ ဒီကိစ္စအပေါ် မကြာခင် အစည်းဝေးတစ်ရပ်ပြုလုပ်ပြီး ကာကွယ်သွားမယ့် အစီအစဉ်ပြုလုပ်သွားကြမှာပါ”ဟု ဒေါ်အေးခင်သန်းက ဆိုသည်။
မြောက်ဦးမြို့နယ်မှ ရှေးဟောင်းယဉ်ကျေးမှုနယ်မြေအတွင်း မြေတူးယူမှုများကို တားဆီးထားသော်လည်း တူးယူမှုများ ဆက်လက်ရှိနေသဖြင့် ယင်းကဲ့သို့ ဆောင်ရွက်ခြင်းဖြစ်ကြောင်း သိရသည်။
သတင်း။ ။ RiA
( unicode )
