တာချီလိတ်မြို့ ဆန်ဆိုင်းရပ်ကွက်အတွင်း၌ ကျပ် (၁၄၉)သိန်းခန့် တန်ဖိုးရှိ မူးယစ်ဆေးဝါးများ ဖမ်းမိ

တာချီလိတ်မြို့ ဆန်ဆိုင်းရပ်ကွက်အတွင်း၌ ကျပ် (၁၄၉)သိန်းခန့် တန်ဖိုးရှိ မူးယစ်ဆေးဝါးများ ဖမ်းမိ
မတ် 26, 2015
By Tachileik News Agency

ရှမ်းပြည်နယ်၊ အရှေ့ပိုင်းဒေသ၊ တာချီလိတ်ခရိုင်၊ တာချီိလိတ်မြို့ ဆန်ဆိုင်း(ခ)ရပ်ကွက်အတွင်း၌ ကျပ်(၁၄၉)သိန်းခန့် တန်ဖိုးရှိသည့် မူးယစ်ဆေးဝါးများကို မူးယစ်တပ်ဖွဲ့စု(၃၀)တာချီလိတ်မှ ဖမ်းဆီးရမိကြောင်း သိရသည်။

မူးယစ်တပ်ဖွဲ့စု(၃၀)တာချီလိတ် ပါဝင်သည့် ပူးပေါင်းအဖွဲ့သည် ၂၀၁၅ခုနှစ် မတ်လ(၂၅)ရက် နံနက်(၇း၃၀)နာရီ အချိန်ဝန်းကျင်က တာချီိလိတ်မြို့ ဆန်ဆိုင်း(ခ)ရပ်ကွက် အတွင်းရှိ အိုက်နော်ရှန် ငှားရမ်းနေထိုင်သော တိုက်ခန်းအား ၀င်ရောက်စစ်ဆေးရာမှ မူးယစ်ဆေးဝါးများဖြစ်သည့် အိုက်စ်အဖြူရောင် ပုံဆောင်ခဲ (၆၅၀)ဂရမ်ခန့်ကို ရှာဖွေတွေ့ရှိရတာဖြစ်ပြီး အဆိုပါ မူးယစ်ဆေးဝါးများ၏ ကာလတန်ဖိုးငွေမှာ ကျပ်(၁၄၉)သိန်းခန့် တန်ဖိုးရှိကြောင်း နှင့် ယင်းမူးယစ်ဆေးဝါးများကို ၎င်းနေထိုင်သည့် တိုက်ခန်း၏ အနောက်ဘက် တံခါးကြားရှိ လွယ်အိတ်အတွင်းမှ ရှာဖွေ သိမ်းဆည်းရမိတာ ဖြစ်ကြောင်း တာချီလိတ်မူးယစ်တပ်ဖွဲ့မှ သိရသည်။

ဆက်လက်၍ မူးယစ်ဆေးဝါးများနှင့်အတူ လက်ဝယ်တွေ့ရှိရသူအား တာချီလိတ်မြို့မရဲစခန်းတွင် မယ(ပ)၄၉/၂၀၁၅၊ မူး/စိတ်ပုဒ်မ ၁၅/၁၉(က)အရ အမှုဖွင့်အရေးယူ ဆောင်ရွက်ထားရှိကြောင်း သိရှိရသည်။

 Tachileik Online News ( www.tachileik.net  ) 

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~