တာချီလိတ်ခရိုင်/မြို့နယ် အမျိုးသမီးရေးရာအဖွဲ့နှင့် မိခင်နှင့်ကလေးစောင့်ရှောက်ရေးအသင်းတို့မှ ပူးပေါင်းကာ ၂၀၁၃-၂၀၁၄ခုနှစ် ပညာသင်နှစ်အတွက် ကျောင်းအပ်နှံရန် ခက်ခဲ့သည့် ကျောင်းသား ကျောင်းသူ ကလေးသူငယ်များကို ကျောင်းအပ်နှံပေးခြင်း၊ ကျောင်းသုံး ဗလာစာအုပ်များနှင့် စာရေးကိရိယာများအပါအ၀င် ကျောင်းဝတ်စုံများ ပေးဝေထောက်ပံ့ပေးခြင်းများကို ခရိုင်အမျိုးသမီးရေးရာအဖွဲ့ ဥက္ကဌ ဒေါ်နွေးနွေးလင်း နှင့် မြို့နယ် မိခင်နှင့်ကလေးစောင့်ရှောက်ရေးအသင်း ဥက္ကဌ ဒေါ်ရွှေမိုးသူဇာ နှင့် အဖွဲ့ဝင်များက ပူးပေါင်းကာ မေလ(၃၁)ရက်နေ့ နံနက်(၉)နာရီက တာချီလိတ်မြို့ အ.ထ.က(ဆန်ဆိုင်း)မှာ ပေးအပ်လှူဒါန်းခဲ့ကြကြောင်း သိရသည်။

တာချီလိတ်မြို့နယ်တွင် ငွေကြေးပြည့်ဝသူများရှိသည်နှင့်အညီ ချို့တဲ့သူများလည်းရှိသည်ဖြစ်ရာ ကျောင်းအပ်နှံရန် ခက်ခဲ့သည့် ကလေးသူငယ်များအတွက် တာချီလိတ်ခရိုင်/မြို့နယ် အမျိုးသမီးရေးရာ အဖွဲ့နှင့် မိခင်နှင့်ကလေးစောင့်ရှောက်ရေးအသင်းတို့မှပူးပေါင်းပြီး မေလ(၃၀)ရက်နေ့က ပုန်းထွန်၊ ကချင်ရွာ၊ အ.ထ.က(တာချီလိတ်) နှင့် ၀မ်မိုင် တို့ရှိ စာသင်ကျောင်း(၄)ကျောင်းအပါအ၀င် ယနေ့တွင် ဆန်ဆိုင်း၊ ရန်အောင်မြေ နှင့် ဟောင်လိတ်ရှိ ကျောင်း(၃)ကျောင်းသို့ သွားရောက်ပြီး အဆိုပါအဖွဲ့မှ ကလေးသူငယ်များအတွက် ကျောင်းဝတ်စုံ၊ ဗလာစာအုပ် နှင့် ခဲတံများ ပေးဝေလှူဒါန်းကြကြောင်း သိရသည်။

အဆိုပါအဖွဲ့မှ တာချီလိတ်မြို့ပေါ်ရှိ ကျောင်း(၇)ကျောင်းမှ ကျောင်းသား ကျောင်းသူ (၃၅၂)ဦးအား ပညာရေးထောက်ပံ့မှုများပေးခဲ့ရာ တန်ဖိုးငွေမှာ ကျပ်(၉)သိန်းကျော်ရှိပြီး ဆက်လက်၍လည်း တာလေမြို့နယ်ခွဲနှင့် ကျေးလက်ဒေသများသို့ သွားရောက်ပြီး ယခုကဲ့သို့ ပညာရေးထောက်ပံ့မှုများပြုလုပ်သွားဖို့ရှိကြောင်းလည်း သိရှိရသည်။

ပုံများကိုကြည့်ရန်